Nhom 1:4 - Sơ̆p Hlabơar Nơ̆r 'Bok Kei-Dei

⁴ Lu trong năm tơ pơlei Siôn bơsĕl, yua kơ ưh kơ đei bu năm ngôi lăm năr giĕng tih. Rim 'măng jang đĭ juơ; lu 'bok soi tơtok tơtăm; Lu adruh hle pơmat-tat, lu sư bơih wă pŭ iŏk pơmat-tat dêh.

Nhom 1:4 ပူးပေါင်းရင်းမြစ်များ

Êsai 3:26

Lu 'măng jang pơlei gô nhơ̆m hmoi, ơh sơ'ngon; thoi bơngai hơ-oei kơpal teh răm rai.

Je 10:22

Mơ̆ng bĕ, đei tơdrong 'nao truh! Đei tơdrong rŭng răng đơ̆ng char gah yă-nơ̆m, Wă pơm ăn kơ pơlei tih Juđa jing juơ, Jing anih kŏ bri oei.

Je 14:2

“Char Juđa ơh sơ'ngon, lu pơlei tih sư kư̆m ơh ăk, kon pơlei nhơ̆m hmoi drap tơ teh, Kơtơ̆ng nơ̆r ôr krao đơ̆ng pơlei Jêrusalem.

Je 9:11

Inh gô pơm kơ pơlei Jêrusalem jing anih rơ̆m rĕk. Jing anih kơ lu kŏ bri oei; păng kơ char Juđa jing juơ, ưh kơ đei bơngai bu gơh oei.”

Nhom 1:21

Đe kơtơ̆ng nơ̆r inh ôr krao. Mă-lei ưh kơ đei năm pơlung. Lu ayăt kơ inh đei tơdrong pơmat-tat, Băt kơ Ih đei pơm kơ inh na lu sư chơt hiôk, Ăn bĕ năr mă? Ih pơkă noh truh! Wă kơ lu sư kư̆m nhen thoi inh!

Nhom 5:13

Lu tơdăm đe pơgŏ tôi tơpăl, lu hơ'lơ̆p tôi 'long ŭnh pơ̆k tơ ala 'long ŭnh.

Nhom 5:14

Lu kră drŏ-nglo pă đei ngôi pơđâu 'bơ̆t 'măng jang pơlei tih, Lu tơdăm 'lơ̆p pă đei reh brŏ hơri.

Hôsia 2:13

Inh gô phak sư yua kơ lu năr mă sư soh pơyơ̆r 'long 'bâu phu kơ rup yang Baal, sư pơguăng đoh maih tơ đon 'bot kong păng dôm tơmam gĭt na năm kiơ̆ pơyô sư, na sư hiơt boih kơ Inh!” Kră Yang khan thoi noh.

Lêwi 26:22

Inh gô ăn sem bri rôp lu kon hơ'lơ̆p iĕm păng kăp sa lu sem dơrong iĕm, pơm kơ kon bơngai iĕm jing kơtuei, tơ trong glung pă đei bu yak năm rơhiăng kơkot.

Mi 3:12

Thoi noh yua kơ lu iĕm, Siôn đe gô choh rơuơ thoi chŭn. Jêrusalem gô pơchah pơchek jing rơ̆m rĕk kông hnam yang jing thoi bri brah!