Ne 9:38 - Sơ̆p Hlabơar Nơ̆r 'Bok Kei-Dei

³⁸ Mă đei thoi noh, lu nhôn pơm minh tơdrong pơkăm pơkă pơgơ̆p kơjăp sĭt, chih răk lăm sơ̆p hla bơar, lu kră pơgơ̆r, bơngai Lêwi păng 'bok soi lu nhôn gô chơ̆m tơdra pơsĭt.

Ne 9:38 ပူးပေါင်းရင်းမြစ်များ

II Pot 23:3

Pơtao dơ̆ng tơ anăp 'bơ̆t anih kơjung pơgơ̆p pơkă dơ̆ng 'bơ̆t anăp Kră Yang, wă năm kiơ̆ Kră Yang, đĭ jơhngơ̆m tơdrong tơchĕng wei răk dôm tơdrong Kră Yang tơtă, dôm khôi juăt Sư, păng pơm pơkeh nơ̆r Kră Yang pơgơ̆p pơkă mă đe đei chih lăm sơ̆p hla bơar 'nâu. Đĭ-đăng kon pơlei, bu bu kư̆m drơ̆ng lăp đon kơ nơ̆r pơgơ̆p pơkă noh ngăl.

II Ho 23:16

Jêhôiada pơgơ̆p hăm lu kon pơlei păng pơtao, wă kơ lu sư jing kon pơlei pơla Kră Yang.

II Ho 29:10

Dang ei jơhngơ̆m inh wă pơm tơdrong pơgơ̆p hăm Kră Yang 'Bok Kei-Dei Isơrael, wă kơ tơdrong hil mĭl Sư ngach.

II Ho 34:31

Pơtao dơ̆ng 'bơ̆t anih sư, pơm tơdrong pơgơ̆p dơ̆ng 'bơ̆t anăp Kră Yang, pơkă pơkăm kiơ̆ Kră Yang đĭ jơhngơ̆m klơm klak wei răk nơ̆r tơtă, tơdrong pơkă khan păng khôi juăt, wă pơm kiơ̆ trŏ thoi nơ̆r pơgơ̆p mă đei chih lăm sơ̆p hla bơar âu.

Esơra 10:3

Na dang ei, nhôn athei pơkăm pơkă hăm Kră Yang 'Bok Kei-Dei nhôn wă hrĕch achăng păng lê̆ đĭ lu drŏ-kăn noh păng đĭ-đăng lu kon hơ'lơ̆p lu sư, kiơ̆ ih păng lu bơngai băt hli yom pơm kiơ̆ khôi juăt Kră Yang 'Bok Kei-Dei bơtho khan; athei pơm kiơ̆ bĕ khôi juăt.

Ne 10:1

'Nâu anăn lu bơngai chơ̆m tơdra pơsĭt lăm pơgơ̆p ei: Nêhêmi pơm kră pơgơ̆r, kon drŏ-nglo Hakalia păng Sêđekia,

Ne 10:29

Pơgơ̆p hơdai hăm 'nhŏng oh lu sư păng lu bơngai mơdrŏng, na hiap akâu kơdih pơkă yak kiơ̆ khôi juăt đơ̆ng Kră Yang 'Bok Kei-Dei yua 'bok Môis, đĭch đam sư ăn boih păng wă kơ wei răk pơm kiơ̆ dôm tơdrong tơtă đơ̆ng Kră Yang bơ̆n, tơjur lăm khôi juăt Sư.

Êsai 44:5

Bơngai âu sư gô khan, inh gah Kră Yang, bơngai nai dơ̆ng sư krao anăn sư hăm anăn Jakôp. Bơngai plơ̆ng dơ̆ng sư chih tơ ti sư khan: Inh gah Kră Yang păng chih anăn Isơrael tơ ti Sư.

Mathiơ 27:66

Đơ̆ng noh na lu sư anhăk lu linh ei tơ bơsat. Lu sư pik đak 'blit tơ minh dăng hla bơar pơklep kơ 'măng tơmo, kuă ăn đe mơ̆t; păng dah đe mơ̆t lu sư kư̆m băt hloi. Păng pơkă kơ lu linh gak 'măng bơsat noh mă brĕ. Đang boih na lu sư brŏk.