Ne 9:37 - Sơ̆p Hlabơar Nơ̆r 'Bok Kei-Dei

³⁷ Tơmam plei sa lĕch đơ̆ng teh đak âu rơkah rơkai Ih ăn kơ lu pơtao pơgơ̆r nhôn, yua kơ lu nhôn pơm tơdrong yoch, lu pơtao noh mơ̆ng kơ sư wă pơm kiơ kơ akâu jăn lu nhôn păng sem dơrong lu nhôn păng dang ei pơm kơ lu nhôn oei pơmat-tat dêh.

Ne 9:37 ပူးပေါင်းရင်းမြစ်များ

Esơra 4:13

Thoi noh, hơpơi kơ ih băt mă nhen, tơdah pơlei âu đei pơm ming dơ̆ng păng dur sư đei man hơtŏk ming, thoi noh đĭ kon pơlei noh ưh pă pơyơ̆r ăn kơ ih dôm tơmam, ưh pă ăn thuê̆ dah ăn jên, na đơ̆ng noh tơdrong răm gô truh kơ ih.

Esơra 6:8

'Nâu nơ̆r inh athei, iĕm athei pơm kiơ̆ hăm lu đe kơdră pơgơ̆r kon pơlei Juđa, wă tơgŭm pơm dơ̆ng hnam akŭm Kră Yang 'Bok Kei-Dei: Athei iŏk dôm lu tơmam đei ra đơ̆ng gah to đak krong, jah ăn jên 'nĕ kơ hiơ̆ ăn kơ lu bơngai noh, wă kơ tơdrong jang ưh kơ đei layơ kơtĕch pơdơh.

Esơra 7:24

Đơ̆ng noh dơ̆ng, inh đei chih roi kơ iĕm băt ưh kơ gơh iŏk thuê̆ tơmam dah jên đơ̆ng 'bok soi, bơngai Lêwi, lu khŭl hơri, bơngai gak 'măng, bơngai Nêthinim, dah lu đam lăm hnam akŭm Kră Yang 'Bok Kei-Dei.

Ne 5:8

Khan thoi âu: “Kiơ̆ kơ lu bơ̆n gơh đei huai boih 'nhŏng oh lu bơ̆n, bơngai Juđa mă đe tĕch tơ lu adrĕch nai, na dang ei iĕm wă 'maih tĕch lu 'nhŏng oh bơ̆n dơ̆ng hă? Na lu sư wă tĕch tơ lu bơ̆n dơ̆ng hă?” Lu sư ngăn hreh ưh pă gơh wă pơma kiơ dơ̆ng.

Nhom 5:5

Lu bơngai druh lu nhôn tam boih, Rôp juă hơko lu nhôn; Lu nhôn rơmơ̆n dêh boih, đe pă đei ăn nhôn pơdơh!

Lêwi 26:17

Inh gô wih rŏng hil mĭl kơ iĕm, lu bơngai ayăt kơ iĕm gô teh dong iĕm, lu bơngai areh kơ iĕm gô pơgơ̆r iĕm, lu iĕm gô kơdâu ôn mă khan ưh kơ đei bu druh.

Yo 8:33

Na lu bơngai kiơ̆ ei khan kơ Yêsu: “Nhôn kon sâu Abraham. Nhôn ưh kơ lah đĭch đe. Lơliơ Ih khan: ‘Iĕm gô rơngei’?”

Both 28:33

Minh adrĕch adrung mă iĕm tam lah băt gô iŏk sa tơmam đơ̆ng mir chŭn păng đơ̆ng tơdrong jang iĕm gleh hrat; đe gô pơjuă pơđep păng pơjuă bơhlơ̆r iĕm ling-lang rim năr.

Both 28:39

Lu iĕm gô pơtăm plei 'long hơmu, mă-lei ưh kơ đei phĕ huch đak hơmu, yua kơ hơdrông kơnu gô sa pơrăm đĭ.

Both 28:48

Lu iĕm gô bơ̆jang kơ lu bơngai ayăt, mă Kră Yang wơh năm blah iĕm. Iĕm gô pơngot rơwĕt hoh-hoy păng kơ'bah kơ'bôch lăm tôm tơdrong, Sư gô tơ'băk 'long ăt bơsei tơ hơko iĕm dĭng truh iĕm lôch răm đĭ.

Both 28:51

Lu sư gô sa đĭ lu sem dơrong hơnik hơnam plei sa đơ̆ng chŭn mir iĕm dĭng truh tơ lu iĕm răm đĭ; sư ưh kơ lê̆ kiơ mă phe 'ba hơ'bo, sik hơmu, đak rơmă ôliwơ, dah rơmo păng triu ih, dĭng truh iĕm lôch răm đĭ.