Ne 9:35 - Sơ̆p Hlabơar Nơ̆r 'Bok Kei-Dei

³⁵ Tơ lăm dêh sư oei pŭn hiôk rơkah rơkai đơ̆ng Ih ăn, teh rơhơi să păng jing 'lơ̆ng Ih asong ăn, mă-lei lu sư ưh kơ wă kơkuh kơ Ih, ưh kơ weh ôh đơ̆ng tơdrong jang kơnê̆ lu sư.

Ne 9:35 ပူးပေါင်းရင်းမြစ်များ

Ne 9:25

Lu sư blah tơgar iŏk pơlei tih kơjăp păng chŭn mir teh 'lơ̆ng, lu hnam 'bĕnh kơ tơmam 'lơ̆ng, lu đak sơlŭng, pơgar hơmu, pơgar ôliwơ păng plei 'long lơ; lu sư sa phĭ mah rơkah rơkai păng bek, hiôk chơt lăm tơdrong 'mêm Kră Yang tih dêh.

Ne 9:34

Lu pơtao nhôn lu kră pơgơ̆r, lu 'bok soi păng lu 'bok nhôn, ưh kơ bơwei khôi juăt Ih, kư̆m ưh kơ wă mơ̆ng nơ̆r Ih tơtă păng tơbăt, Ih phak bơtho lu nhôn.

Êsai 63:7

Inh gô roi tơ'blŏk tơdrong Kră Yang 'mêm mơnat, păng hơri bơnê ư-ang kơ Kră Yang kơ dôm lu tơdrong mă Kră Yang pơm bơih kơ lu bơ̆n păng tơdrong 'lơ̆ng tih Sư ăn kơ adrĕch Isơrael, dôm lu tơdrong mă Sư đei ăn kơ bơ̆n, kiơ̆ kơ tơdrong Sư 'mêm Kră Yang dŏng pơklaih lu sư bơih.

Je 5:19

‘Layơ kon pơlei ih jet: Liơ Kră Yang 'Bok Kei-Dei lu bơ̆n pơm kơ lu bơ̆n thoi âu?’ Ih gô tơl lu sư: ‘Lu iĕm đei achăng lê̆ Kră Yang, na bơ̆jang kơ lu yang nai lăm dêh char iĕm thoi yơ, lu iĕm gô bơ̆jang kơ lu yang nai lăm tơring tơmoi mă ưh kơ trŏ kơ char iĕm thoi noh mơ̆n.’

Êsêkiên 5:6

Isơrael ưh kơ chu blah plơ̆ khôi juăt păng nơ̆r Inh tơtă pơm kơnê̆ hloh kơ lu bơngai nai păng lu dêh char jum dăr kơ sư. Sư sơngah kơ khôi juăt Inh păng ưh kơ pơm kiơ̆ nơ̆r Inh tơtă.”

Both 28:47

Kơplah đei mŭk tơmam rơkah rơkai, iĕm ưh tam lăp đon jơhngơ̆m hiôk bơ̆jang kơ Kră Yang 'Bok Kei-Dei.

Both 28:48

Lu iĕm gô bơ̆jang kơ lu bơngai ayăt, mă Kră Yang wơh năm blah iĕm. Iĕm gô pơngot rơwĕt hoh-hoy păng kơ'bah kơ'bôch lăm tôm tơdrong, Sư gô tơ'băk 'long ăt bơsei tơ hơko iĕm dĭng truh iĕm lôch răm đĭ.

Both 31:21

Lăp lu sư đei tơdrong pơmat-tat anat anot tơdrong kơnê̆ truh kơ lu sư, tơdrong hơri 'nâu gô roi tơbăt tơ'blŏk kơ lu sư, yua kơ tơdrong hơri 'nâu ưh kơ hiơt ôh, gô oei ling-lang lăm 'bơ̆r lu kon sâu lu sư. Inh băt lăm kơ̆l đon lu sư tơchĕng wă pơm hơmet boih, adrol kơ Inh wă chông ba lu sư mơ̆t lăm dêh char mă Inh đei pơkă wă ăn.