Ne 9:28 - Sơ̆p Hlabơar Nơ̆r 'Bok Kei-Dei

²⁸ Mă-lei tơdah lu sư hiôk-hian, wơ̆t pơm tơdrong kơnê̆ dơ̆ng 'bơ̆t anăp Ih; yua kơ thoi noh Ih achăng lê̆ jao lu sư lăm tơpang ti lu đe ayăt wei-lăng pơgơ̆r lu sư. Mă-lei lu sư ôr krao Ih dơ̆ng, na Ih đơ̆ng kơpal plĕnh mơ̆ng lu sư, kiơ̆ thoi Ih 'mêm, đơ̆ng noh dŏng pơklaih lu sư đei lơ 'măng, kiơ̆ thoi tơdrong 'mêm Ih tih dêh.

Ne 9:28 ပူးပေါင်းရင်းမြစ်များ

I Pot 8:39

apinh Ih đơ̆ng kơpal plĕnh ti, anih mă Ih oei Ih mơ̆ng păng mơnat ăn kơ yoch lu sư, tơgŭm rim 'nu kơ lu sư kiơ̆ kơ tơdrong jang sư pơm, yua kơ Ih băt jơhngơ̆m lu sư, lăp minh 'nu Ih đĕch băt lăm jơhngơ̆m kon bơngai.

Horiso 106:42

Lu bơngai ayăt pơjuă pơđep lu sư. Lu sư chu kŭp kơ̆l jang kơ đe noh.

Horiso 136:24

Dŏng pơklaih lu nhôn đơ̆ng lu ayăt kơ bơ̆n. Tơdrong 'mêm Sư oei oei ling-lang.

Êsai 63:15

Apinh Kră Yang đơ̆ng kơpal plĕnh ti nger tơ ala. Lăng bĕ đơ̆ng anih 'lơ̆ng rơgoh păng ư-ang Ih oei! Jơhngơ̆m hưch hanh pran kơtang Ih tơ yơ? Jơhngơ̆m 'maih wă păng tơdrong 'mêm mơnat Kră Yang ưh pă đei dơ̆ng bơih hăm lu nhôn.

Lu 2:19

Mă-lei đơ̆ng rŏng kơ 'bok sek tơlang noh lôch na lu bơngai Isơrael pơm kơnê̆ hloh dơ̆ng kơ adrol, lui kiơ̆ kơkuh kơ lu yang nai; lu bơngai Isơrael ưh kơ chu hŭt lê̆ tơdrong kơnê̆, oei rok kiơ̆ trong kơnê̆ khŏm khŏm.

Lu 3:30

Lăm năr noh, bơngai Isơrael pơgŏ pơđep kon pơlei Môap; dêh char sư hơđơ̆ng rơngei hiôk lăm tơhngam-jĭt sơnăm.

Lu 4:1

Đơ̆ng rŏng kơ Êhut lôch boih, na kon pơlei Isơrael pơm kơnê̆ dơ̆ng 'bơ̆t anăp Kră Yang.

Lu 5:31

Ơ Kră Yang, Ăn đĭ kơ lu ayăt kơ Ih lôch hiong răm thoi noh! Apinh Ih ăn kơ lu bơngai mă 'mêm kơ Ih gơh thoi măt 'năr, Lĕch hơdah hơdong! Đơ̆ng noh, dêh char noh đei hiôk-hian lăm puăn-jĭt sơnăm.