Ne 9:22 - Sơ̆p Hlabơar Nơ̆r 'Bok Kei-Dei

²² Đơ̆ng noh Ih kư̆m ăn kơ lu sư đei teh đak păng lu kon pơlei pơla, Ih klah asong kơ lu sư teh đak oei, lu sư iŏk đơ̆ng teh đak Sihôn pơtao pơlei Hesbôn păng đơ̆ng teh đak Ok pơtao char Basan.

Ne 9:22 ပူးပေါင်းရင်းမြစ်များ

Horiso 105:44

Sư jao ăn teh kơ lu sư đơ̆ng lu dêh char. Lu sư yua iŏk mir chŭn pơgar đơ̆ng lu kon pơlei.

Horiso 78:65

Đơ̆ng noh Kră Yang hơdơ̆r thoi iung đơ̆ng tep. Thoi bơngai nuih pran jreo tơkĕch đơ̆ng tơdrô pơm.

Je 27:5

Inh boih Tơ'ngla pơjing kơ teh, kon bơngai păng lu kon sem brem kơpal teh đơ̆ng tơdrong mơsêh mơyang păng đơ̆ng ti pran kơtang Inh. Inh ăn teh âu kơ bu mơ̆ng kơ Inh lăp.

Je 32:23

Lu sư iŏk boih teh đak âu jang sa mă-lei ưh kơ chu kiơ̆ nơ̆r Ih, ưh kơ arih kiơ̆ tơdrong juăt Ih păng ưh kơ pơm dôm tơdrong kiơ mă Ih đei bơtho tơtă wă kơ pơm. Yua kơ thoi noh na Ih đei ăn tơdrong gleh âu truh tơ lu sư.

Êsêkiên 20:28

Inh chông ba lu sư mơ̆t tơ char mă Inh pơkă ăn kơ lu sư, mă-lei lăp lu sư 'bôh groi kơjung păng lu 'long đei hla rơ̆m, lu sư iŏk tơmam soi pơyơ̆r tơ noh. Lu sư pơyơ̆r tơmam soi noh tơblĕk Inh lu sư pơyơ̆r tơmam soh 'bâu phu păng tơmam soi huch sa tơ noh.

Both 1:4

Đơ̆ng rŏng kơ sư blah pơlôch Sihôn pơtao Amôrit oei tơ pơlei Hesbôn păng Ôk pơtao Basan oei tơ pơlei Astarôt păng pơlei Êdrei.

Both 32:26

Inh khan: Inh gô pơm kơ lu sư tơklah tơklang, sŭt pơgoh lê̆ tơdrong đe 'blŏk hơdơ̆r kơ lu sư đơ̆ng lăm kon bơngai.

Both 4:46

Mă oei gah hơlĕch đak Krong Jôrđăn, lăm thŭng tơklă Bet Pêôr tơ dêh Sihôn, pơtao kon pơlei Amôrit, oei tơ pơlei Hesbôn, Môis păng kon pơlei Isơrael blah iŏk jei đơ̆ng rŏng lu sư lĕch đơ̆ng dêh Êyiptơ.

Both 4:47

Kon pơlei Isơrael tơgar iŏk dêh noh hloi păng dêh Ôk pơtao char Basan, noh 'bar 'nu pơtao kon pơlei Amôrit oei tơ gah hơlĕch kơ Krong Jôrđăn,

Jôsuê 10:11

Kơplah lu linh ayăt kơdâu ôn kơ lu linh Isơrael, lu sư jur tơ krang đơ̆ng pơlei Bêt Hôrôn, truh tơ Asêka, Kră Yang ăn 'mi prĕl tih thoi tơmo đơ̆ng plĕnh, jur păng lu linh ayăt lôch kơ 'mi prĕl tih noh lơ hloh, kơ lu linh Isơrael pơlôch hăm đao gưm.

Jôsuê 11:23

Jôsuê blah iŏk đĭ-đăng tơring char 'nâu, kiơ̆ tôm tơdrong thoi Kră Yang khan pơkă kơ Môis păng Jôsuê asong ăn teh kơ lu bơngai Isơrael jang sa mir 'ba păng klah asong kiơ̆ rim kơ khŭl adrĕch adrung lu sư. Kơplah noh tơring char 'nao đei rơngei hiôk-hian pă đei tơdrong tơblah dơ̆ng.