Ne 7:65 - Sơ̆p Hlabơar Nơ̆r 'Bok Kei-Dei

⁶⁵ Kră wei-lăng pơlei pơkă ưh kơ ăn sa tơmam rơgoh 'lơ̆ng dĭng truh tơ đei minh 'nu 'bok soi gơh yua Urim păng Thumim iung apinh.

Ne 7:65 ပူးပေါင်းရင်းမြစ်များ

Esơra 2:63

'Bok pơgơ̆r ưh kơ ăn lu sư sa tơmam rơgoh 'lơ̆ng tôch bơneh wă gô dĭng truh tơ layơ đei 'bok soi yua Urim păng Thumim mă krao apinh Kră Yang 'Bok Kei-Dei. Wă kơ băt lu sư hăm trŏ kơ adrĕch 'bok soi ưh.

Ne 10:1

'Nâu anăn lu bơngai chơ̆m tơdra pơsĭt lăm pơgơ̆p ei: Nêhêmi pơm kră pơgơ̆r, kon drŏ-nglo Hakalia păng Sêđekia,

Ne 7:64

Dôm lu bơngai noh chơchă adrĕch adrung lu sư kơdih. Mă-lei ưh kơ 'bôh, đơ̆ng noh ưh kơ gơh pơm 'bok soi, jô̆ khan 'mê̆-'mach.

Ne 7:66

Akŭm đĭ-đăng kon pơlei đei puăn-jĭt 'bar-rơbâu pêng-hrĕng tơdrâu-jĭt 'nu.

Ne 7:70

Đei lu kră kơdră wei-lăng adrĕch adrung chĕp ba tơmam pơyơ̆r tơgŭm tơdrong jang. Kră pơgơ̆r pơyơ̆r 'măn lê̆ tơ lăm hnam mong tơmam minh-rơbâu Đarik maih, pơđăm-jĭt hlak kơthao păng pơđăm-hrĕng pêng-jĭt blah ao 'bok soi.

Ne 8:9

Nêhêmi kră pơgơ̆r, Esơra 'bok soi păng pơm thây bơtho khôi juăt, lu bơngai Lêwi mă bơtho kon pơlei, kư̆m pơma khan kơ đĭ-đăng Isơrael thoi âu! 'Năr 'nâu jơ̆ 'lơ̆ng rơgoh ăn kơ Kră Yang 'Bok Kei-Dei lu iĕm; 'nĕ kơ sơ'ngon, kư̆m 'nĕ kơ nhơ̆m hmoi, yua kơ kon pơlei nhơ̆m kơplah lu sư kơtơ̆ng đŏk dôm lu nơ̆r khôi juăt.

Le 28:30

Ih dan lăm bơnal 'băk tơ kơtơh gah tơdrong sek tơlang, Urim hăm Thumim,a wă kơ kơplah Arôn truh 'bơ̆t anăp Kră Yang na dôm tơmam noh gô jê̆ lăm jơhngơ̆m Arôn kơdih, thoi noh Arôn gô yua Urim păng Thumim wă kơ băt sek tơlang lu kon drŏ-nglo Isơrael kiơ̆ thoi Kră Yang wă.*

Lêwi 2:10

Dôm tơmam soi phe 'ba mă oei đei gô lê̆ đĭ kơ Arôn păng kon drŏ-nglo sư; noh jơ̆ tơmam soi 'lơ̆ng rơgoh hloh lăm lu tơmam soi soh hăm ŭnh sa pơyơ̆r kơ Kră Yang.

Lêwi 2:3

Dôm tơmam kiơ oei đei, đơ̆ng tơmam pơyơ̆r tơpŭng lê̆ đĭ kơ lu 'bok soi kon drŏ-nglo Arôn. Noh jơ̆ tơmam 'lơ̆ng rơgoh lăm lu tơmam pơyơ̆r soh hăm ŭnh sa mă pơyơ̆r ăn kơ Kră Yang.

Lêwi 6:17

Ưh kơ gơh pai tơpŭng noh hăm 'buih ôh, Inh ăn kơ sư minh pah tơmam pơyơ̆r yua soh hăm ŭnh, Noh jing tơmam rơgoh hloh. Thoi tơmam pơyơ̆r huai đơ̆ng yoch păng tơmam huai đơ̆ng tơdrong hơch 'bơm kơ pơm yoch.

Lêwi 8:8

Sư atol bơnal tơ kơtơh păng pơklep Urim păng Thumim.

Jo 27:21

Sư gô năm dơ̆ng 'bơ̆t anăp 'bok soi, Êlêasar, sư apinh Urim 'bơ̆t anăp Kră Yang ăn kơ Jôsuê wă kơ sư băt sek tơdrong liơ, Jôsuê păng đĭ-đăng kon pơlei Isơrael athei kiơ̆ dôm tơdrong jang lu sư gô mơ̆t dah gô lĕch.

Both 33:8

Môis sơkat kơ Lêwi thoi âu: Thumim păng Urimb Ih ăn boih kơ bơngai băt hli yom wei răk. Bơngai mă Ih pơlong lăng boih tơ Masa, bơngai mă Ih đei pơjah pơjăng boih tơ đak Mêriba;