Ne 6:1 - Sơ̆p Hlabơar Nơ̆r 'Bok Kei-Dei

¹ Tơdah đe roi Sanbalat, Tôbia, Gêsem, bơngai Arâp păng lu ayăt kơ lu nhôn nai, băt kơ inh man hơmet ming dur boih, ưh pă đei bơlôh ayơ dơ̆ng, mă khan inh tam mă pơm lu 'măng iĕ tơ 'măng jang.

Ne 6:1 ပူးပေါင်းရင်းမြစ်များ

Ne 13:4

Adrol kơ tơdrong noh, 'bok soi Êliasip, đei rơih iŏk wă bơwei anih lăm hnam Kră Yang 'Bok Kei-Dei lu nhôn, bơngai mă pơgơ̆p boih hăm Tôbia,

Ne 2:10

Mă-lei kơplah noh Sanhalat bơngai Hôrôn păng Tôbia đĭch đam Ammôn, băt tơdrong noh, na ưh kơ hiôk yua kơ đei bơngai truh wă chă tơgŭm lu kon pơlei Isơrael.

Ne 2:19

Sanbalat, bơngai Hôrôn, Tôbia đĭch đam Ammôn păng Gêsem bơngai Arâp kơtơ̆ng tơdrong jang 'nâu, na lu sư hiĕk che bơle kơ lu nhôn, lu sư khan: Lu iĕm pơm kiơ̆ lu iĕm wă blơ̆ pơtao hă?

Ne 3:1

Êliasip 'bok soi tơm hăm lu 'nhŏng oh sư 'bok soi nai iung man pơdơ̆ng ming 'măng jang Triu. Lu sư 'măn anih noh 'lơ̆ng rơgoh păng pơm 'bar pah tơnang 'măng lu sư 'măn anih noh 'lơ̆ng rơgoh truh tơ hnam Thôt Mêa păng truh tơ hnam Thôt Hananêl.

Ne 3:3

Kon sâu Hasêna man 'măng jang Ka, lu sư pơm jrăng păng tơnang 'măng păng chơkăl.

Ne 3:6

Jôiađa kon drŏ-nglo Pasêa păng Mêsulam, kon drŏ-nglo Bôsôđeia man hơmet ming lu 'măng jang So; lu sư pơdơ̆ng jrăng, đei tơnang 'măng jang păng chơkăl.

Ne 4:1

Tơdah Sanbalat băt kơ nhôn man hơmet ming dur pơlei dơ̆ng, na sư hil blĕk dêh păng hiĕk ăr kơ bơngai Juđa.

Ne 7:1

Kơplah man dur keh đang boih, inh kư̆m đei pơkăp lu 'măng, chă lu bơngai wei gak 'măng jang lu bơngai hơri păng lu bơngai Lêwi pơjao tơdrong jang kơ lu sư,

Da 9:25

Ih athei băt păng hlôh tơdrong âu đơ̆ng năr mă athei pơjing păng hơmet ming Jêrusalem, dĭng truh Yang mă đei tuh đak rơmă, wă khan pơtao, na đei tơpơh 'măng giĕng păng tơdrâu-jĭt 'bar 'măng giĕng; pơlei tih đei pơdơ̆ng man ming, đei trong pơlei păng bơnang yua kơplah đei tơdrong anat anot.