Ne 12:37 - Sơ̆p Hlabơar Nơ̆r 'Bok Kei-Dei

³⁷ Đơ̆ng 'măng jang Tu đak, lu sư tŏk tơpăt truh tơ kung pơlei Đawit, truh tơ anih tŏk kơ dur tơ kơpơ̆ng hnam pơtao Đawit păng truh tơ 'măng jang Đak tơ gah hơlĕch.

Ne 12:37 ပူးပေါင်းရင်းမြစ်များ

Ne 2:14

Đơ̆ng noh năm truh tơ 'măng jang Tu đak sơlŭng păng truh tơ đak dơnâu anih pơtao, na aseh inh hao ưh kơ gơh wă yak năm hlôi kơ noh.

Ne 3:26

Đơ̆ng noh bơngai Nêthiniam awih awăn lăm hnam Kră Yang oei tơ hnam thôt Ôphêl man hơmet truh tơ anih tơklă 'măng jang Đak tơ gah hơlĕch, truh tơ hnam Thôt kơjung.

Ne 8:1

Kon pơlei pơgơ̆p akŭm băl jing thoi minh 'nu bơngai, tơ lăm pơlei tih 'bơ̆t anăp 'măng jang Đak lu sư pơma hăm Esơra thây bơtho, apinh sư chĕp sơ̆p hla bơar khôi juăt Môis mă đơ̆ng Kră Yang đei bơtho ăn kơ Isơrael.

Ne 8:16

Kon pơlei năm na brŏk chĕp ba lu hla ei, rim 'nu pơm bơsŭn lu sư pơyơ̆l kơpal bơbŭng bơsŭn lu sư păng tơ cham lu sư kơdih, tơ lăm cham kơdeng hnam Kră Yang 'Bok Kei-Dei, tơ anih cham 'măng jang Đak păng tơ cham să 'măng jang Êphraim.

Ne 8:3

Sư dơ̆ng tơ kơphô̆ 'bơ̆t anăp 'măng jang Đak, đŏk lăm sơ̆p hla bơar ei đơ̆ng pơgê hrôih truh tơ 'năr dơ̆ng, đei lu drŏ-nglo păng drŏ-kăn hăm đĭ lu bơngai mơ̆ng gơh hlôh. Đĭ-đăng kon pơlei pơla mơ̆ng đŏk sơ̆p hla bơar khôi juăt.