Ne 12:31 - Sơ̆p Hlabơar Nơ̆r 'Bok Kei-Dei

³¹ Na inh athei yŏng pơgơ̆r bơngai Juđa tŏk tơ kơpal dur đơ̆ng noh klah song pơm 'bar khŭl lơ pơrĕng nơnăm wă bơnê ư-ang. Minh khŭl nơnăm gah 'ma kơpal dur, truh tơ 'măng jang Mơ̆r.

Ne 12:31 ပူးပေါင်းရင်းမြစ်များ

I Ho 13:1

Đawit pơđâu hăm yŏng pơgơ̆r minh-rơbâu linh, yŏng pơgơ̆r minh-hrĕng linh, hăm rim kră pơgơ̆r.

I Ho 28:1

Đawit krao akŭm đĭ-đăng lu bơngai pơgơ̆r Isơrael, brŏk tơ pơlei Jêrusalem. Lu bơngai yŏng kơdră lăm adrĕch adrung, lu bơngai pơgơ̆r lăm khŭl mă bơ̆jang kơ pơtao, lu yŏng wei-lăng minh-rơbâu păng minh-hrĕng linh, lu bơngai wei-lăng mŭk tơmam lu sem dơrong pơtao hăm lu kon drŏ-nglo sư, hơdai hăm lu bơngai bơ̆jang lăm hnam pơtao păng đĭ-đăng lu bơngai gơh hơgei nuih pran kơtang.

II Ho 5:2

Sôlômôn krao akŭm đĭ-đăng lu kră bơngai Isơrael, lu yŏng kơdră lăm rim adrĕch 'bă Sư păng lu kră pơgơ̆r kon pơlei Isơrael tơ pơlei Jêrusalem wă tung tơmơ̆t Hom tơdrong pơgơ̆p Kră Yang đơ̆ng Siôn, noh pơlei Đawit.

Ne 12:32

Đơ̆ng rŏng lu sư noh đei Hôsaia păng đei minh puăt lu kră pơgơ̆r bơngai Juđa nơnăm.

Ne 12:38

Khŭl mă 'bar lăm lu khŭl bơnê ư-ang nơnăm yak gah 'ngiĕo, inh nơnăm đơ̆ng rŏng lu sư hơdai hăm minh puăt lu kon pơlei, đơ̆ng hnam thôt Tơnuh ŭnh truh tơ dur să.

Ne 12:40

Thoi noh 'bar khŭl bơnê ư-ang noh pơdơh mơ̆t lăm hnam akŭm Kră Yang 'Bok Kei-Dei, inh păng minh puăt lu kră pơgơ̆r kiơ̆ hơdai inh.

Ne 2:13

Lăm măng noh inh lĕch trong 'măng jang Thŭng, tơklă đak sơlŭng Kŏ bri, truh tơ 'măng jang Râm nhôn chă lăng dur pơlei Jêrusalem pơchah răm păng lu 'măng jang kư̆m đĭ kơ ŭnh sa.