Na 3:15 - Sơ̆p Hlabơar Nơ̆r 'Bok Kei-Dei

¹⁵ Tơ noh ŭnh gô sa ih, đao gưm gô pơlôch ih, luăn sa ih thoi lep, ih athei akŭm băl mă kơdrâ̆m thoi lep păng lơ thoi lep 'ba.

Na 3:15 ပူးပေါင်းရင်းမြစ်များ

Êsai 66:15

Lăng to, Kră Yang gô truh hăm ŭnh păng gre aseh Sư nhen thoi kial hơbŭt, wă pơm tơwih tơdrong ơh blĕk Sư hăm tơdrong hil mĭl, păng tơdrong Sư chrih nhen thoi pla ŭnh khơ̆ng.

Êsai 66:16

Kră Yang gô iŏk ŭnh păng đao gưm wă phak lu bơngai pơm yoch. Đei lơ bơngai Kră Yang pơlôch.

Je 51:14

Kră Yang Tih Hloh yua anăn Sư kơdih na pơkă pơkăm: “Inh gô ăn sĭt lu linh 'bĕnh-'bang kơ dêh char thoi lep tung-nut, Lu sư ôr tơkĕch jreo jei boih tơ jơ̆p-jang anih.

Jôel 1:4

Lu kiơ lep tih sa mă oei lê̆, lep 'ba sa; kiơ mă lep 'ba sa oei đei, lep iĕ sa, kiơ mă lep iĕ sa oei đei, lep tung-nut sa pơđĭ.

Jôel 2:25

Inh gô mong ăn kơ lu iĕm đêl dôm sơnăm đĭ kơ lu lep sa, lu lep tih, lep 'ba, lep iĕ lep tung-nut khŭl linh Inh lơ mă Inh đei wơh truh tơ iĕm.

Am 7:1

'Nâu mă tơdrong Kră Yang tơ'bôh ăn kơ inh: Sư pơjing lu lep lăm kơplah 'nhĕt 'nao wă bluh dơ̆ng. Đơ̆ng rŏng kơ đe yuă ăn kơ pơtao.

Na 2:13

Kră Yang khan: 'Nâu, Inh tơblah hăm ih. Inh gô soh lu gre aseh ih lăm ŭnh. Đao gưm gô luăn sa kon dăm-brang ih; Inh gô pơlôch lê̆ dôm kon sem ih châu sa đơ̆ng teh âu; păng lu bơngai ih wơh nơ̆r ih ưh pă kơtơ̆ng boih.

Na 3:13

'Nâu kon pơlei ih, lu linh ih rơdu thoi bơngai drŏ-kăn oei tŏk-bŏk ih. Lu 'măng jang char ih pơih boih rai să ăn kơ lu linh ayăt mơ̆t ŭnh sa đĭ boih lu mam chơkăl sư.

Jêphania 2:13

Đơ̆ng noh Kră Yang gô yơ̆r ti Sư tơ gah yă-nơ̆m, gô pơlôch pơrăm char Asiri, pơm ăn kơ pơlei Niniwe jing juơ, jing hrĕng kro thoi char 'blach.