Mi 5:14 - Sơ̆p Hlabơar Nơ̆r 'Bok Kei-Dei

¹⁴ Inh gô iung kơting, hil areh păng Inh gô pơm 'mong kơ teh đak mă ưh kơ chu kiơ̆ nơ̆r Inh.

Mi 5:14 ပူးပေါင်းရင်းမြစ်များ

II Pot 17:10

Lu sư pơdơ̆ng kơdih lu gơ̆ng tơmo păng kơkuh kơ rup yang Asêra kơpal kông groi păng ala tơm 'long kơdrơ̆ng.

Horiso 149:7

Wă kơ blah tơwih lu teh đak, wă phak pơmat lu kon pơlei.

Horiso 149:9

Wă sek phak lu sư kiơ̆ thoi đei chih boih. 'Nâu tơdrong ư-ang kơ lu bơngai 'lơ̆ng rơgoh Sư. Halêluya.

Le 34:13

Ih athei pơrăm lê̆ chơnang soi teh pơchah lê̆ gơ̆ng păng kăl tơpăk lê̆ rup yang Asêrim lu sư.

Êsai 17:8

Lu sư gô ưh pă lăng tơ chơnang soi mă đêl ti lu sư pơm, păng kư̆m ưh pă lăng dơ̆ng ti lu sư pơjing kơdih, mă rup yang Arsêrim, păng chơnang soi lu sư soh 'long 'bâu phu.

Êsai 27:9

Thoi noh, đơ̆ng tơdrong âu na tơdrong yoch Jakôp gơh mơnat ăn; păng 'nâu jơ̆ lĕch đơ̆ng tơdrong sŭt lê̆ tơdrong yoch sư, layơ sư teh lê̆ tơmo chơnang soi pơchah hĕch nhen tơmo chŭr, ưh pă đei rup yang Asêrim păng chơnang soh 'long 'bâu phu kơ yang nai dơ̆ng.

Je 12:17

Mă-lei tơdah lu kon pơlei ayơ kuă kơ mơ̆ng nơ̆r Inh, Inh gô buch hŭt lê̆ hloi kon pơlei noh, buch pơlôch lê̆ hloi” 'noh Kră Yang khan.

Nhom 2:2

Kră Yang pơrăm boih, ưh pă đei mơnat, đĭ-đăng anih Jakôp oei. Đơ̆ng tơdrong Sư hil teh pơchah kơđông kơjăp kon adruh Juđa; Sư teh tơjruh tơ teh, pơm kơ lu teh đak sư hăm lu kră pơgơ̆r lăm char sư mơlâu.

Na 1:14

Kră Yang ăn boih tơdrong pơtă trŏ kơ ih, ih ưh pă đei kon hơ'lơ̆p wă pơtrơp iŏk anăn ih. Inh gô tơhiong pơrăm lê̆ lu rup yang iĕm man păng lu rup yang iĕm hling đơ̆ng lu hnam yang ih. Inh gô sir sơlŭng bơsat 'bŭ ih yua kơ ih yoch kơnê̆ dêh.