Markôs 14:65 - Sơ̆p Hlabơar Nơ̆r 'Bok Kei-Dei

⁶⁵ Đei lu mơ'nah chă kơsoh pơ'brơh kơ Sư đak hai, đơ̆p muh măt Sư păng che, tŭr akâu Yêsu păng khan: “Roi lăng kơ nhôn wăi, bu tŭr Ih?” Lu linh gak kư̆m tap tơ'bŏk Sư mơ̆n.

Markôs 14:65 ပူးပေါင်းရင်းမြစ်များ

II Ho 18:23

Sêdêkia, kon drŏ-nglo Kênaana, năm jê̆ tap tơ'bŏk Mikaia păng jet: “Trong ayơ Yang Bơhngol Kră Yang lĕch đơ̆ng inh năm roi kơ ih?”

Esther 7:8

Kơplah pơtao hơlơ̆k wih đơ̆ng pơgar pơtao, wơ̆t tơ anih lu sư oei et sa na 'bôh Haman oei drap 'bơ̆t tang-dŏ kơjung yă Esther oei ngôi. Pơtao hil khan, lăm hnam pơtao 'bơ̆t anăp inh sư kư̆m pơ̆n pơm kơnê̆ kơ yă pơtao dơ̆ng hă? Kơplah nơ̆r pơtao pơma 'nao wă tôch, đe thar gom hloi muh măt Haman.

Jop 30:10

Lu sư lăng inh krưp 'brơ̆, weh ataih kơ inh, Ưh pă hĕo gơsoh đak hai kơ muh măt inh.

Êsai 50:6

Inh ăn bơih kơ đe teh rŏng inh, păng ăn tơ'bŏk inh kơ đe buch sŏk kang inh. Lu bơngai pơ'brơh kơ inh gơsoh đak hai, inh ưh kơ đei ôn muh măt ôh.

Êsai 52:14

Đei lơ bơngai lăng tơ akâu jăn Sư hlĭch krưp ưh pă hơbŏ kơ kon bơngai, lăng akâu sư ưh pă nhen kơ kon drŏ-nglo kon bơngai.

Êsai 53:3

Sư bơngai đe areh păng đe kuă kơ sư. Sư ling-lang pŭ iŏk tơdrong ơh sơ'ngon pơmat-tat jĭ jơhngơ̆m. Thoi bơngai mă đe ôn muh măt ưh kơ sư. Đe areh kơ sư; lu bơ̆n lăng sư kư̆m ưh kơ đei rơ-a kiơ.

Mi 5:1

Ơ Betlehem Eprata, ih jing pơlei iĕ hloh lăm rơbâu pơlei lăm char Juđa, Mă-lei đơ̆ng ih gô tơpŭ ăn kơ inh minh 'nu Kră Yang Sư gô pơgơ̆r lu bơngai Isơrael; Sư đei đơ̆ng tơm hmơm blŭng-a sơ̆ boih, đơ̆ng adrol kơ đĭ-đăng.

Jo 12:14

Kră Yang tơl Môis thoi âu: Tơdah 'bă sư gơsoh đak hai 'bơ̆t muh măt sư, hăm trŏ kơ sư mơlâu lăp tơpơh năr? Đe athei chĭt lê̆ sư tơ 'nguaih kơđông tơpơh năr; đơ̆ng noh đe iŏk sư tơmơ̆t lăm anih kơđông dơ̆ng.

Mathiơ 27:30

Lu sư kơsoh pơ'brơh đak hai tơ akâu akar păng iŏk 'long đơ̆ng Sư chĕp noh tôn kơ̆l Sư.

Markôs 10:34

Lu dêh đe ei gô hiĕk achơ̆ kơ Inh, kơsoh pơ'brơh kơ Inh đak hai păng teh tach pơjĭ Inh, klaih kơ noh pơlôch hloi. Mă-lei kơtĕch pêng năr đơ̆ng rŏng Inh gô iung arih dơ̆ng.”

Markôs 15:19

Lu sư tôn kơ̆l Yêsu păng 'long, kơsoh pơ'brơh đak hai tơ akâu akar Sư păng pơm sơtơ̆p kŭl-tăng kơkuh pơngiĕl kơ Sư.

Yo 18:22

Lăp Yêsu pơma thoi noh, đei minh 'nu linh Juđê tap tơ'bŏk Sư păng khan: “Ih ưh kơ trŏ pơma kơ 'bok soi tơm thoi noh ôh.”

Yo 19:3

Klaih kơ noh lu sư năm tơ anăp Yêsu khan: “Kơkuh kơ Ih 'Bok Pơtao bơngai Juđê.” Păng lu sư tap tơ'bŏk Yêsu.

Jang 23:2

'Bok soi tơm, anăn sư Anania, kơtơ̆ng thoi noh, sư athei lu bơngai oei 'bơ̆t jê̆ Pôl tap Pôl 'bơ̆t kang.

Hêbrơ 12:2

Bơ̆n athei lăng Yêsu ling-lang, yua kơ Sư pơih trong kơ bơ̆n lui kơ 'Bok Kei-Dei kơjăp truh tôch. Sơ̆ Sư băt tôm tơdrong 'Bok Kei-Dei wă ăn kơ Sư gô hiôk, na Sư chu iŏk đe pơ̆ng pơlôch Sư tơ 'long pơglang. Sư ưh kơ tơchĕng kơ đe pơm kơnê̆ pơ'brơh kơ Sư ôh. Na dang ei Sư oei gah 'ma kơ 'Bok Kei-Dei.