Markôs 14:58 - Sơ̆p Hlabơar Nơ̆r 'Bok Kei-Dei

⁵⁸ “Nhôn kơtơ̆ng Sư khan wă yuih hnam akŭm 'Bok Kei-Dei tơm đêl đe pơm păng ti, na Sư gô pơm ming plơ̆ng dơ̆ng kơtĕch pêng năr keh hloi, mă-lei ưh kơ pơm păng ti.”

Markôs 14:58 ပူးပေါင်းရင်းမြစ်များ

Da 2:34

Pơtao oei lăng pơglăn tơ rup man noh dĭng truh tơ đei minh pôm tơmo ưh kơ trŏ đơ̆ng ti kon bơngai klơ̆m, năm hơtat tơ tơpang jơ̆ng mă man păng bơsei hăm teh lơ̆n noh păng jơ̆ng noh pơchah đĭ.

Da 2:45

Kŭm thoi ih đei 'bôh tơmo tơphĕ đơ̆ng kông, ưh kơ đei ti bu klơ̆m, hơtŭt pơchah kơ bơsei, kong, teh lơ̆n, hu păng maih. Kră Yang 'Bok Kei-Dei đei ăn boih kơ ih đei 'bôh tơdrong gô truh tơ anăp âu kơnh. Tơdrong apo âu sĭt păng nơ̆r tơblang âu 'blep trŏ tơpă.

Mathiơ 26:61

iung pơma jâu Sư khan: “Bơngai âu Sư khan Sư gơh yuih hnam akŭm 'Bok Kei-Dei tơm, na pơm ming plơ̆ng dơ̆ng kơtĕch pêng năr keh hloi.”

Markôs 14:57

Đei lu bơngai mơ'nah hơlĕnh pơma jâu kơ Yêsu khan:

Markôs 14:59

Đei lơ mơ̆n lu bơngai iung pơma thoi noh mă-lei lu sư pơma ưh kơ hơnơ̆ng dih băl.

Markôs 15:29

Lu đe mă brŏk năm trong ei tơtreh kơ̆l tơhmăi Yêsu khan: “Hmăi Ih khan wă teng pơrăm hnam akŭm 'Bok Kei-Dei tơm wă pơm plơ̆ng kơtĕch pêng năr.

Yo 2:19

Yêsu khan hloi kơ lu sư thoi âu: “Lei iĕm jah yuih hnam akŭm âu bĕ na Inh gô pơm ming kơtĕch pêng năr keh hloi.”

Jang 7:48

“Kră Yang 'Bok Kei-Dei ưh kơ wă oei ôh hnam kon bơngai pơm. 'Noh thoi bơngai pơtruh nơ̆r 'Bok Kei-Dei khan sơ̆:

II Kor 5:1

Akâu bơ̆n tơ ala teh âu thoi lĕ kơ hnam oei. Tơ̆ng bơ̆n băt kơ hnam bơ̆n oei noh răm boih, bơ̆n gô đei hnam 'nao tơ plĕnh ti kơjăp hloh, ưh kơ layơ răm dơ̆ng. Hnam noh đơ̆ng tơ'ngla 'Bok Kei-Dei pơm kơ bơ̆n, ưh kơ sĭ đơ̆ng ti kon bơngai pơm ôh.

Hêbrơ 9:11

Na dang ei Yêsu Krist truh boih, Sư pơm 'bok soi ăn dôm tơdrong hiôk 'lơ̆ng kơ bơ̆n. Sư jang awih awăn tơ lăm hnam 'Bok Kei-Dei rŏ hloh kơ hnam akŭm lu bơngai noh sơ̆. Hnam Sư ei ưh kơ pơm păng ti kon bơngai ôh păng hnam ei ưh kơ trŏ kơ tơ teh âu ôh, hnam ei tơ plĕnh ti.

Hêbrơ 9:24

Thoi noh na dang ei Yêsu Krist tŏk tơ plĕnh ti mơ̆t tơ hnam 'Bok Kei-Dei tơ plĕnh ti boih. Sư ưh kơ mơ̆t tơ hnam 'Bok Kei-Dei mă kon bơngai pơm tơ teh âu ôh, hnam 'Bok Kei-Dei mă kon bơngai pơm tơ teh âu noh, wă pơtih gia kơ hnam 'Bok Kei-Dei tơ plĕnh ti. Dang ei Yêsu Krist tŏk oei tơ noh tơpă boih, Sư oei 'bơ̆t anăp 'Bok Kei-Dei tang đĭ-đăng rim 'nu bơngai.