Malachi 4:2 - Sơ̆p Hlabơar Nơ̆r 'Bok Kei-Dei

² Mă-lei gah lu iĕm, lu bơngai hli yom kơ anăn Inh, thoi noh măt 'năr tơdrong tơpăt gô pơchrang ăn, lăm năr noh kơnh gô đei pơklaih tơdrong jĭ jăn; lu iĕm gô lĕch pơplŏng thoi rơmo dăm lĕch đơ̆ng lăm hơdrong.

Malachi 4:2 ပူးပေါင်းရင်းမြစ်များ

II Sam 23:4

Gô thoi lĕ hơdah pơchrang til pơgê, kơplah măt năr lĕch. Thoi lĕ til pơgê hrôih ưh kơ đei hơmơ̆l, pơchrang hơdah đơ̆ng rŏng kơ 'mi. Pơm ăn kơ 'nhĕt 'long chăt arih đơ̆ng lăm teh.”

Horiso 103:3

Sư mơnat ăn dôm tơdrong yoch đêl ih pơm, Pơklaih dôm tơdrong jĭ jăn ih.

Horiso 147:3

Ming pơklaih lu bơngai đei jĭ jơhngơ̆m. Păng pơ̆n rơka lu sư.

Horiso 61:5

Ơ Kră Yang 'Bok Kei-Dei, Ih kơtơ̆ng boih nơ̆r inh pơkă. Ih Jao ăn boih kơ inh mŭk tơmam lu bơngai mă chu yom kơ anăn Ih.

Horiso 67:1

Hơpơi apinh Kră Yang 'Bok Kei-Dei 'mêm mơnat păng ăn tơdrong pŭn hiôk kơ lu nhôn. Pơdah muh măt Ih tơ lu nhôn. Sêla

Horiso 84:11

Kră Yang 'Bok Kei-Dei jơ̆ măt 'năr păng khêl; Kră Yang ăn tơdrong mơnat păng ư-ang, Sư ưh kơ đei sơngah ôh ăn tơdrong 'lơ̆ng rŏ. Kơ bu mă oei arih sa tơpăt.

Horiso 85:9

Tơpă tơdrong sư dŏng pơklaih oei jê̆ tơ lu đe bu mă hli yom kơ sư. Wă kơ tơdrong ư-ang đei oei lăm char bơ̆n.

Tơdrông Pơđơk 4:18

Mă-lei trong lu bơngai tơpăt thoi hơdah pơchrang, Pơchrang hơdah truh tơ 'năr dơ̆ng.

Êsai 30:26

Măt khei gô hơdah rang nhen hơdah măt 'năr păng tơdrong hơdah măt 'năr gô hơdah hloh tơpơh wơ̆t, thoi tơdrong hơdah kơ tơpơh năr, lăm năr Kră Yang ming rơka jĭ kon pơlei Sư păng ming hơmet pơklaih đêl rơka Sư teh.

Êsai 35:6

Kơplah noh lu bơngai jopo gô pơplŏng nhen juei. Hơpiĕt lu bơngai kơmlo gô gơh hơri chơt hiôk. Gô đei đak ro tơ char glă, păng lu glung đak gô ro lăm bri brah.

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Êsai 50:10

Bơngai bu lăm lu iĕm băt hli yom kơ Kră Yang, păng chu kiơ̆ kơ nơ̆r đĭch đam Sư Mă năm lăm măng mu păng ưh kơ đei hơdah. Gơnang bĕ kơ Anăn Kră Yang păng gơnang kơ Kră Yang 'Bok Kei-Dei sư kơdih.

Êsai 53:5

Đe 'bet sư rơka yua kơ tơdrong yoch lu bơ̆n. Yua kơ tơdrong kơnê̆ lu bơ̆n na đe pơjĭ sư. Đơ̆ng sư chu đe phak na lu bơ̆n đei hiôk-hian. Sư chu pŭ rơka wă kơ bơ̆n gơh klaih hiôk.

Êsai 9:2

Kră Yang ăn kơ kon pơlei âu chek lar rai lơ păng pơthim ăn kơ lu sư chơt hiôk. Rim 'nu chơt hiôk 'bơ̆t anăp Kră Yang, thoi đe chơt hiôk kơ bơyan yuă 'ba, thoi lu bơngai jreo hiôk klah song băl tơmam đơ̆ng blah tơgar iŏk.

Je 17:14

Ơ Kră Yang apinh Ih ming pơklaih inh, na inh gơh klaih; apinh Ih dŏng pơklaih inh na inh gơh klaih: Ih boih mă Tơ'ngla inh bơnê ư-ang.

Je 30:17

Kră Yang khan: “Mă khan đe jô̆ iĕm thoi Siôn, đe pă wă lăng. Ưh pă đei bu hiơ̆k. Mă-lei Inh gô pơklaih rơka iĕm. Inh gô hơmet pơklaih rơka jĭ iĕm.

Je 33:6

“Inh gô ăn kơ lu sư pran kơtang păng ăn kơ lu sư klaih rơngơp; Inh gô pơklaih pơlei âu, Inh gô ăn kơ lu sư hiôk-hian chơt 'nă hal tơpă.

Êsêkiên 47:12

Tơ tơter jih đak krong 'bar pah đe pơtăm tôm kơ lu 'long plei sa, lu hla ưh kơ hơlŭng, lu 'long đei plei hơnơ̆ng, rim khei đei pơkao plei 'lơ̆ng yua kơ đei đak ro lĕch đơ̆ng hnam akŭm. Plei wă pơm tơmam sa păng yua wă pơm pơgang.”

Hôsia 6:1

Bĕ bơ̆n, jah wih brŏk tơ Kră Yang, Sư hek lê̆ lu bơ̆n boih, mă-lei Sư gô pơklaih bơ̆n; Sư đei teh pơjĭ bơ̆n, mă-lei Sư gô ming rơka noh.

Hôsia 6:3

Bĕ bơ̆n chơchă wă kơ băt Kră Yang. Ăn kơ bơ̆n băt kơnăl mă nhen Kră Yang. Tơdrong Sư truh sĭt tơpă thoi măt 'năr lĕch gah pơgê hrôih, Sư truh tơ lu bơ̆n thoi đak 'mi, thoi 'mi jur chruh kơ teh tuch-luch bơyan.

Malachi 3:16

Dang ei lu bơngai hli yom kơ Kră Yang pơma tơduă lu sư thoi noh Kră Yang kơtơ̆ng păng mơ̆ng; păng sơ̆p hla bơar đei chih 'bơ̆t anăp Sư wă kơ tơ'blŏk ăn kơ lu bơngai mă hli yom kơ Kră Yang păng 'blŏk kơ anăn Sư.

Mathiơ 11:5

Lu măt tol gơh 'bôh hơdah, lu jơ̆ng kue mah gơh yak, lu jĭ chin mah klaih, lu klĭk gơh kơtơ̆ng, lu bơngai lôch mah gơh iung arih, lu bơngai dơnuh hin mah mơ̆ng Inh bơtho tơdrong 'nao 'lơ̆ng.

Mathiơ 23:37

“Ơ lu bơngai Pơlei Jêrusalem, iĕm pơlôch kơ kiơ lu bơngai 'Bok Kei-Dei wơh pơtruh nơ̆r Sư kơ iĕm, iĕm iŏk tơmo klơ̆m pơlôch lu sư? Inh lung iĕm năm akŭm tơ Inh lơ wơ̆t boih ră, dang iĕr krao kon sư wă krôp ră, mă-lei iĕm kuă kơ năm.

Luka 1:50

Sư mơnat kơ đĭ-đăng bơngai mă lui yom kơ Sư, mă đơ̆ng sơ̆ khơ̆ ning-mônh.

Luka 1:78

Yua kơ Kră Yang mơnat kơ bơ̆n tơpă, na Sư ăn 'Bok Dŏng Pơklaih ei jur tơ bơ̆n. Sư thoi măt 'năr pơchrang tơ'bôh tơdrong hơdah kơ bơ̆n mă bơngai oei lăm măng mu, wă lôch hiong ră, mă-lei Sư gô tơ'bôh ăn kơ bơ̆n tôm tơdrong hiôk-hian.”

Luka 2:32

Sư dang pơchrang tơdrong hơdah kơ đĭ-đăng kơ khŭl bơngai tam mă lui kơ Ih, 'noh wă tơbăt ăn kơ lu sư tơdrong Ih. Sư gô ăn kơ lu đe Isơrael, bơngai mă kiơ̆ Ih, jing hiôk tơpă.”

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 1:4

Kơlih kơ Sư gơh pơjing tôm tơdrong arih thoi noh, na Sư tơbăt ăn kơ kon bơngai tơdrong 'Bok Kei-Dei thoi lĕ kơ hơdah măt 'năr pơchrang jơ̆p-jang kơ teh.

Yo 1:8

Yôhan sư ưh kơ sĭ bơngai mă hơdah dang măt 'năr ei ôh, sư bơngai 'Bok Kei-Dei wơh wă pơtruh kơ đe tơdrong bơngai pơchrang hơdah ei.

Yo 12:40

“Inh Kră Yang ăn măt lu sư jing tol, păng ăn kơ lu sư arăng kơ̆l, wă kơ măt lu sư ưh kơ gơh 'bôh, păng đon lu sư ưh kơ hlôh. Kơlih kơ thoi noh na lu sư ưh kơ wă wih tơ Inh, wă kơ Inh pơklaih tơdrong yoch lu sư.”

Yo 8:12

Yêsu bơtho dơ̆ng thoi âu: “Inh pơchrang hơdah kơ kon bơngai jơ̆p-jang kơ teh đak wă kơ sư băt tơdrong 'Bok Kei-Dei. Bơngai bu kiơ̆ Inh sư huay năm lăm măng mu kiơ̆ tơdrong yoch, sư gô đei Inh pơchrang hơdah kơ sư păng ăn sư arih ling-lang.”

Yo 9:4

“Dang ei oei 'năr, na bơ̆n athei jang tơdrong 'Bă Inh mă wơh Inh. Dah 'năr mơ̆t boih, ưh kơ đei bu gơh jang dơ̆ng.

Jang 13:26

“Ơ lu 'nhŏng oh adrĕch adrung kon sâu Abraham păng lu bơngai tơmoi năm kơkuh kơ 'Bok Kei-Dei, Kră Yang 'Bok Kei-Dei ăn kơ bơ̆n dang ei tơdrong dŏng pơklaih.

Jang 13:47

Yua kơ Kră Yang pơkă kơ nhôn sơ̆ thoi âu: ‘Inh rơih ih pơm ŭnh pơchrang hơdah kơ đĭ-đăng khŭl bơngai, wă kơ đĭ-đăng khŭl bơngai jơ̆p kơ teh đak gơh klaih đơ̆ng tơdrong yoch.’ ”

Jang 26:18

Inh gô wơh ih wă kơ pơlar măt lu bơngai tơmoi wă kơ lu sư gơh 'bôh Tơdrong 'Nao 'Lơ̆ng, wă kơ lu sư gơh jăk đơ̆ng măng mu, na oei lăm hơdah, wă kơ sư jăk đơ̆ng yang Satan, na năm tơ 'Bok Kei-Dei. 'Bok Kei-Dei gô pơklaih lu sư đơ̆ng dôm tơdrong yoch hăm jô̆ lu sư jing bơngai 'lơ̆ng tơpăt thoi đĭ-đăng lu bơngai lui kơ Inh.’

II Tes 1:3

Ơ 'nhŏng oh, nhôn bơnê kơ 'Bok Kei-Dei ling-lang yua kơ iĕm rai đunh rai lui rai pran kơjăp hăm rim năr iĕm rai gơh 'mêm mơnat dih băl lăm tơduă lu iĕm. Kơlih kơ thoi noh na 'Bok Kei-Dei wă kơ nhôn krao khan bơnê kơ Sư.

II Pet 1:19

Mă ưh kơ sĭ kơtơ̆ng kơdrô̆ tơdrong 'noh đĕch ôh, bơ̆n kư̆m kơtơ̆ng dôm tơdrong lu bơngai pơtruh nơ̆r 'Bok Kei-Dei khan lê̆ hơdrol sơ̆ mơ̆n. Sư kư̆m roi gah tơdrong 'Bok Krist mơsêh mơyang wă pơgơ̆r ning-mônh, na dang ei bơ̆n băt nhên tơpă boih. Iĕm athei 'blŏk hơdơ̆r kơ tơdrong lu sư khan lê̆ hơdrol noh ling-lang, yua kơ tơdrong noh thoi lĕ kơ ŭnh pơchrang hơdah prăt măng truh tơ pơgê, na sơnglŏng wŏng-tar tơ pơgê gô pơchrang lăm jơhngơ̆m đon iĕm.

II Pet 3:18

Inh roi lê̆ kơ iĕm thoi noh wă kơ iĕm gơnang kơ Kră Yang bơ̆n Yêsu Krist mă dŏng pơklaih bơ̆n. Thoi noh na tơdrong lui iĕm rai đunh rai wơ̆ kơjăp. Păng inh wă kơ iĕm rai đunh rai hlôh wao tôm tơdrong Sư. Bĕ bôl jơ̆p teh ư-ang Sư đơ̆ng dang ei truh ning-mônh ưh kơ layơ tôch. A-men.

I Yo 2:8

Mă tơdrong inh chih pơkă kơ iĕm âu 'nao mơ̆n. Yêsu Krist răk tơdrong pơkă âu păng iĕm kư̆m răk tơdrong pơkă âu mơ̆n. Yua kơ iĕm tơm hmơm đơ̆ng măng mu mă-lei dang ei 'brưch rai wă jê̆ hơdah măt 'năr boih păng hơdah jơ̆p hloi.

Tơdrông Tơ'bôh 11:18

Lu bơngai ala teh mă ưh kơ lui hil areh kơ Ih, mă-lei dang ei kư̆m truh boih tơdrong Ih hil areh kơ lu sư wă phak lu sư păng wă sek tơlang lu bơngai lôch. Gah lu đĭch đam mă pơtruh nơ̆r Ih, lu kon Ih, lu băt lui yom hli kơ Ih, Ih gô apah lu sư mă sư pơm tih pơm iĕ. Gah lu bơngai mă ưh kơ lui chă pơrăm đe tơ ala teh, Ih gô pơrăm lu sư mơ̆n.”

Tơdrông Tơ'bôh 2:28

Păng Inh gô ăn kơ sư sơnglŏng wŏng-tar.

Tơdrông Tơ'bôh 22:16

Yêsu khan dơ̆ng thoi âu: “Inh Yêsu, Inh wơh linh jang 'lơ̆ng năm tơbăt ăn kơ lu iĕm mă lui kơ 'Bok Kei-Dei tơ rim anih dôm lu tơdrong âu. Inh Kon Sâu Đawit, Inh pơchrang kơ iĕm hơdah thoi sơnglŏng wŏng-tar.”

Tơdrông Tơ'bôh 22:2

Đak krong ei ro tŏk-bŏk pơlei hloi, cheng đak krong ei đei 'long pah âu pah to wă ăn kơ kon bơngai arih. 'Long ei minh sơnăm mơjĭt-'bar 'măng plei, rim khei minh 'măng. Hla sư kư̆m yua wă ăn kơ kon bơngai sa jing đei jơhngơ̆m pran.

Ru 2:12

Hơpơi kơ Kră Yang 'mong ăn kơ ih dôm tơdrong 'lơ̆ng ih đei pơm, ih gô năm kơ'nơp ala pơnăr Kră Yang 'Bok Kei-Dei đe Isơrael.