Malachi 2:5 - Sơ̆p Hlabơar Nơ̆r 'Bok Kei-Dei

⁵ “Nơ̆r pơgơ̆p Inh hăm bơngai Lêwi oei ling-lang, tơdrong arih păng tơdrong rơnŭk rơnua mă Inh đei ăn boih kơ lu sư, wă kơ lu sư hli yom kơ Inh, thoi noh lu sư hli yom kơ Inh boih păng tơtơ̆ 'bơ̆t anăp anăn Inh.

Malachi 2:5 ပူးပေါင်းရင်းမြစ်များ

Horiso 61:5

Ơ Kră Yang 'Bok Kei-Dei, Ih kơtơ̆ng boih nơ̆r inh pơkă. Ih Jao ăn boih kơ inh mŭk tơmam lu bơngai mă chu yom kơ anăn Ih.

Tơdrông Pơđơk 14:2

Bơngai bu năm lăm tơdrong tơpăt băt hli yom kơ Kră Yang; Mă-lei bơngai bu pơm kiơ̆ trong tơdrong kơnê̆ areh kơ Sư.

Êsêkiên 34:25

Inh gô pơjing tơdrong pơgơ̆p hiôk-hian hăm lu sư. Inh pơpuh lu sem bri đơ̆ng teh weh tơ nai; lei wă kơ lu sư oei sa hiôk-hian tơ anih bri rơwơ̆ng.

Êsêkiên 37:26

Inh gô pơm tơdrong pơgơ̆p hiôk-hian hăm lu sư, noh pơgơ̆p ling-lang lu sư hăm Inh, Inh gô ăn kơ lu sư jing rai lơ. Inh gô 'măn anih rơgoh Inh tơ lăm lu sư ling-lang hlŏng hloi.

Jo 25:7

Phinêhas, kon drŏ-nglo Êlêasar, sâu Arôn 'bok soi tơm, 'bôh tơdrong 'nâu, sư iung ti sư chĕp tơju, na weh đơ̆ng anăp lu bơngai tơpôl oei akŭm,

Jo 25:8

kiơ̆ bơngai Isơrael mơ̆t lăm bơsŭn, 'bet hloi bơngai drŏ-nglo Isơrael noh klĕch hloi tơ klak bơngai drŏ-kăn; đơ̆ng noh tơdrong truh kơ bơngai Isơrael pơdơh hloi.

Jo 3:45

Iŏk bĕ đĭ-đăng kon kơdră bơngai Lêwi tơplih kơ lu kon kơdră bơngai Isơrael păng lu sem dơrong bơngai Lêwi tuh blŭng-a noh tơplih kơ sem dơrong bơngai Isơrael mă tuh blŭng-a; thoi noh, lu bơngai Lêwi lu sư gah Inh. Inh boih Kră Yang.

Jo 8:15

Đang kơ dôm tơdrong noh, lu bơngai Lêwi pha gô bơ̆jang lăm Bơsŭn Anih Akŭm. Na ih athei pơm ăn kơ lu sư rơgoh păng pơyơ̆r lu sư thoi tơmam soi pơyơ̆r tơpơng 'ma 'ngiĕo.