Malachi 2:12 - Sơ̆p Hlabơar Nơ̆r 'Bok Kei-Dei

¹² Mă lu bơngai đei pơm tơdrong noh, mă lu bơngai oei hơđơ̆r, dah lu bơngai drơ̆ng nơ̆r, dah lu bơngai pơyơ̆r tơmam soi kơ Kră Yang Tih Hloh, Kră Yang gô chơ̆ng hŭt lê̆ lu sư đơ̆ng hnam Jakôp.

Malachi 2:12 ပူးပေါင်းရင်းမြစ်များ

I Ho 25:8

Lu sư hlang lăng wă kơ bơ̆jang. Bơngai 'lŏ thoi lĕ bơngai 'lơ̆p, 'bok thây kư̆m thoi bơngai pơhrăm.

Êsai 61:8

Inh bơih Kră Yang Inh lăp kơ tơdrong tơpăt, areh kơ tơdrong tơtông klĕ păng tơdrong pơm ưh kơ tơpăt, kiơ̆ kơ jơhngơ̆m tơpăt Inh. Inh gô apah lu sư, păng pơjing tơdrong pơgơ̆p hăm lu sư ling-lang.

Êsai 66:3

Mă-lei bơngai bu pơlôch minh pôm kon rơmo soi sơmah, kư̆m thoi pơlôch minh 'nu bơngai; bu soi sơmah hăm minh pôm kon triu kư̆m thoi gơ̆ hơko minh pôm kŏ bu pơyơ̆r tơmam soi phe 'ba kư̆m thoi pơyơ̆r pham nhŭng; bu soh tơmam 'bâu phu kư̆m thoi kơkuh kơ rup yang. Lu bơngai noh rơih bơih trong lu sư kơdih, jơhngơ̆m lu sư 'maih wă pơm tơdrong jang krưp kơnê̆,

Êsêkiên 14:10

Lu sư mă pơhlŭ bơngai khan lê̆ adrol gô pŭ tơdrong phak lu sư kơdih; Inh phak bơngai khan lê̆ adrol lei-lăi kơ phak bơngai pơhlŭ.

Êsêkiên 24:21

Khan bĕ kơ adrĕch Isơrael: 'Nâu nơ̆r Kră Yang khan: Âu, Inh gô pơm 'mê̆-'mach kơ anih 'lơ̆ng rơgoh Inh, noh anih kơđông kơjăp lu iĕm gơnang, tơdrong chơt hiôk kơ măt lu iĕm. Jơhngơ̆m lu iĕm 'maih wă. Kon drŏ-nglo kon drŏ-kăn lu iĕm mă lê̆ bơih gô pơ̆k lôch kơ đao.

Hôsia 9:12

Mă khan lu sư 'me rong lu kon hơ'lơ̆p, Inh gô pơlôch lê̆ đĭ-đăng pă đei bu oei arih dơ̆ng. Răm-'băm dêh kơ lu sư. Mưh inh achăng lê̆ lu sư!

Lêwi 18:29

Yua kơ adrĕch bu pơm minh lăm dôm lu tơdrong kơnê̆ mă Inh areh noh, đe gô puh tơweh sư lĕch đơ̆ng kon pơlei lu sư.

Lêwi 20:3

Inh kơdih gô hil mĭl kơ bơngai noh păng pơtôch lê̆ sư đơ̆ng kon pơlei pơla sư, yua kơ sư jao kon hơ'lơ̆p sư kơ yang Mơlŏk, pơm kơ anih 'lơ̆ng rơgoh Inh jing kơnê̆ 'mê̆-'mach păng pơ'mê̆ kơ anăn 'lơ̆ng rơgoh Inh.

Am 5:22

Mă khan iĕm pơyơ̆r kơ inh dôm tơmam soi phe 'ba, dah tơmam soi 'buh, inh ưh kơ iŏk ôh; Inh ưh kơ wă lăng ôh dôm lu tơmam soi bơnê hăm rơmo bek đơ̆ng lu iĕm.

Sa 12:7

Kră Yang adrol hloh gô dŏng pơklaih dôm lu kơđông Juđa, wă kơ đei tơdrong ư-ang kơ hnam Đawit păng tơdrong ư-ang kơ pơlei Jêrusalem, huay kơ ư-ang hloh Juđa.

Malachi 1:10

“Hơpơi rŏ kơ đei minh 'nu lăm lu iĕm tang 'măng, wă kơ lu iĕm huay tơ̆k ŭnh tơdrong kơđei tơ kơpal gơ'bang soi Inh,” Kră Yang Tih Hloh khan thoi noh. “Inh ưh kơ đei jơhngơ̆m hiôk lăp đon kơ lu iĕm păng Inh ưh kơ wă đei iŏk minh tơmam soi pơyơ̆r kiơ đơ̆ng ti lu iĕm.

Malachi 1:13

Lu iĕm đei khan dơ̆ng thoi âu: “Ô! Tơdrong jang gleh dêh pă băt dang yơ! Na lu iĕm pơdê sư.” Kră Yang Tih Hloh khan thoi noh. “Lu iĕm năm pơyơ̆r tơmam đơ̆ng iĕm tơtông păng lu kon sem dơrong jo, jĭ na mă năm pơyơ̆r kơ Inh. Inh hăm đei iŏk tơmam âu đơ̆ng ti lu iĕm ưh?” Kră Yang khan thoi noh.

Malachi 2:10

Đĭ-đăng lu bơ̆n ưh kơ trŏ minh pôm 'bă hă? Hăm trŏ lăp minh Kră Yang 'Bok Kei-Dei đĕch mă pơjing lu bơ̆n? Thoi ei boih liơ mă bơ̆n pơm ưh kơ tơpăt chă hơlĕnh băl tơduă lu bơ̆n, pơm glăi kơ tơdrong pơgơ̆p 'bok yă bơ̆n?

Jo 24:5

Ơ Jakôp anih kơđông ih 'lơ̆ng pă băt dang yơ! Ơ Isơrael bơsŭn ih 'lơ̆ng tơpă!

Mathiơ 15:14

Na iĕm 'nĕ mah hiơ̆k tơdrong sư ơh noh, yua kơ lu sư bơngai bơtho đe ră mă-lei dang bơngai măt tol. Dah bơngai măt tol chông ba bôl sư măt tol bre sư nơnăm gô huŏng tơ sơlŭng đĕch ưh kơ yua kiơ kơ bre sư ôh.”

II Tim 3:13

Lu bơngai đon kơnê̆, lu bơngai chă pơngiĕl đe, lu sư rai đunh rai răm rai lơ tơdrong lu sư pơm kơnê̆. Sư pơma hơlĕnh kơ đe, đe hơlĕnh tơwih kơ sư, sư kư̆m lui mơ̆n.

Tơdrông Tơ'bôh 19:20

Na gah sem brem mă kơnê̆ ei păng sem brem mă 'bar mă gơh pơm tơdrong hlĭch chrơp, wă kơ kon pơlei pơla lui kơ tơdrong sư pơm noh na chơ̆m đŏng yâu sem brem kơnê̆ tơ klĕng lu bơngai mă kơkuh kơ rup sư noh, gah bre sư 'Bok mă hao aseh păng lu linh Sư blah rôp tơhuŏng hloi bre sư oei arih tơ dơnâu ŭnh.

I Sam 3:14

Thoi noh, inh đei pơkă sĭt tơdrong yoch hnam dơnŏ Hêli ưh kơ gơh huai iŏk, mă khan hăm tơmam soi hăm sem dah hăm tơmam soi phe 'ba.