Malachi 2:11 - Sơ̆p Hlabơar Nơ̆r 'Bok Kei-Dei

¹¹ Lu bơngai Juđa oei sa ưh kơ tơpăt hơlĕnh pơdăr păng đei pơm minh tơdrong yoch kơnê̆ tih krưp tơpă lăm lu bơngai Isơrael păng lăm pơlei Jêrusalem; Juđa đei pơm boih tơdrong 'mê̆-'mach kơ tơdrong 'lơ̆ng rơgoh Kră Yang, yua kơ lu sư iŏk oei kơ drŏ-kăn yang tơmoi.

Malachi 2:11 ပူးပေါင်းရင်းမြစ်များ

Esơra 10:2

Sêkania kon drŏ-nglo Jêhiêl, lu kon sâu Êlam sư khan kơ Esơra thoi âu; lu nhôn đei pơm yoch hăm Kră Yang 'Bok Kei-Dei lu bơ̆n na iŏk oei boih kơ lu kon drŏ-kăn bơngai tơmoi adrĕch adrung lăm dêh 'nâu; mă khan lu nhôn đei pơm thoi noh ră, kư̆m oei đei tơdrong hơmĕng mă wă ăn kơ đe Isơrael.

Esơra 9:12

Kơlih kơ thoi noh, na 'nĕ ăn kon adruh lu iĕm iŏk kon tơdăm lu sư păng kư̆m 'nĕ ăn kon tơdăm lu iĕm iŏk kon adruh lu sư; 'nĕ kơ layơ chă tơdrong hiôk-hian lu sư păng wă kơ chă đei jing mơdrŏng đơ̆ng lu sư, wă kơ lu iĕm jing nuih pran, sŏng sa yua tơmam 'lơ̆ng đơ̆ng lăm dêh char păng 'măn lê̆ kơ kon lu iĕm dêh char âu jing tơmam lu sư yua ling-lang ling-lang hloi.

Horiso 106:28

'Bok lu nhôn kơkuh kơ yang Baal tơ Pêôr, Sa tơmam soi pơm yang kơ bơngai lôch;

Je 2:3

Isơrael boih minh adrĕch adrung 'lơ̆ng rơgoh 'măn kơ Kră Yang, plei blŭng-a đơ̆ng tơdrong jang Sư. Na bơngai bu mă luăn sa kon pơlei noh gô jô̆ yoch; tơdrong răm gô truh tơ lu sư.’ ” Noh Kră Yang khan.

Je 3:10

Mă-lei, đơ̆ng tơdrong noh, oh sư bơngai Juđa pơm kơnê̆, sư kư̆m ưh kơ wih brŏk tơ Inh đĭ jơhngơ̆m, chă hơlĕnh đĕch, Kră Yang khan.

Je 7:10

Păng đơ̆ng noh năm dơ̆ng kơkuh kơ Inh, tơ hnam âu, anih mă đe krao Anăn Inh, păng khan: “Lu bơ̆n klaih hiôk boih.” Hiôk oei wă pơm dôm tơdrong Inh areh noh?

Êsêkiên 18:13

ăn tŏk iŏk sa lơi adrol păng iŏk lơi lơ, kon sư noh hăm gơh arih ưh? Sư ưh kơ đei arih ôh! Yua kơ sư hlôi pơm yoch dôm tơdrong kơnê̆, tơpă sư gô lôch păng pham sư gô tuh kơ kơ̆l sư.

Êsêkiên 22:11

Lăm ih đei bơngai pơm yoch ngôi kư̆ kă hăm akăn đe; lu bơngai nai pơm kư̆ kă hăm mŏ mai sư, đei mơ'nah ngôi hăm oh drŏ-kăn sư kon 'bă sư pơjing mĕ pha.

Hôsia 6:7

Mă-lei thoi Ađam,a lu sư pơm glăi boih kơ đêl nơ̆r pơkă pơgơ̆p, thoi noh lu sư pă tơpăt boih kơ Inh.

Lêwi 20:26

Ăn kơ lu iĕm arih hăm Inh 'lơ̆ng rơgoh; yua kơ Inh boih Kră Yang 'lơ̆ng rơgoh, Inh klah lu iĕm bơih đơ̆ng kon pơlei âu, wă kơ lu iĕm jing khŭl kon pơlei gah Inh.

Malachi 1:1

Nơ̆r Kră Yang pơma kơ lu bơngai Isơrael đơ̆ng Malachi chih.

Both 14:2

yua kơ iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm; Kră Yang rơih iŏk boih iĕm đơ̆ng lăm lu adrĕch kon pơlei kơpal teh âu. Wă jing tơmam Sư kơdih lĕch đơ̆ng đĭ-đăng, adrĕch kon pơlei pơla oei ala teh âu.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”

Lu 3:6

lu sư iŏk kon adruh đe noh pơm akăn păng ăn kon drŏ-kăn lu sư oei kơ kon tơdăm đe noh păng kơkuh kiơ̆ kơ yang đe noh. Chih roi gah lu 'bok sek tơlang