Malachi 2:10 - Sơ̆p Hlabơar Nơ̆r 'Bok Kei-Dei

¹⁰ Đĭ-đăng lu bơ̆n ưh kơ trŏ minh pôm 'bă hă? Hăm trŏ lăp minh Kră Yang 'Bok Kei-Dei đĕch mă pơjing lu bơ̆n? Thoi ei boih liơ mă bơ̆n pơm ưh kơ tơpăt chă hơlĕnh băl tơduă lu bơ̆n, pơm glăi kơ tơdrong pơgơ̆p 'bok yă bơ̆n?

Malachi 2:10 ပူးပေါင်းရင်းမြစ်များ

Ne 13:29

Ơ 'Bok Kei-Dei inh! Apinh Ih 'blŏk bĕ kơ lu sư, yua kơ lu sư pơm pơ'mê̆ kơ tơdrong jang jing 'bok soi păng tơdrong pơm glăi kơ nơ̆r pơkă pơkăm pơgơ̆p hăm lu bơngai Lêwi mă jing 'bok soi.

Jop 31:15

Hăm trŏ Tơ'ngla pơjing inh lăm klak mĕ inh, kư̆m pơjing lu sư hai? Hăm trŏ lăp minh Kră Yang 'Bok Kei-Dei đĕch pơjing kơ lu yŏng păng lu đĭch?

Horiso 100:3

Athei băt Kră Yang jơ̆ 'Bok Kei-Dei, Sư boih Tơ'ngla pơjing bơ̆n, lu bơ̆n jing tơmam Sư. Lu bơ̆n kon pơlei pơla Sư, jơ̆ kon triu lăm tơmăn 'nhĕt Sư

Le 19:4

Lu iĕm 'bôh boih dôm tơdrong Inh pơm kơ bơngai Êyiptơ, Inh pôk glơng lu iĕm thoi kơpal pơnăr sem klang, wă chông lu iĕm tơ Inh.

Le 19:5

Na, tơdah lu iĕm chu yom Inh păng wei răk dôm tơdrong Inh pơgơ̆p pơkă, lei lăm đĭ-đăng kơ dêh char, lu iĕm boih jing tơmam gĭt Inh. Mă khan đĭ-đăng teh đak jing tơmam Inh ngăl.

Le 24:3

Môis năm roi hloi kơ kon pơlei pơla dôm nơ̆r Kră Yang tơtă păng khôi juăt, na lu sư tơl thoi âu: Lu nhôn gô pơm kiơ̆ dôm nơ̆r Kră Yang bơtho akhan.

Le 24:7

klaih kơ noh sư iŏk minh Sơ̆p hla bơar tơdrong pơgơ̆p Kră Yang 'Bok Kei-Dei, đŏk ăn kơ kon pơlei pơla mơ̆ng, na kon pơlei pơla khan thoi âu, lu nhôn gô mơ̆ng păng pơm kiơ̆ nơ̆r Kră Yang bơtho tơ'bôh.

Êsai 43:1

Dang ei Kră Yang khan thoi âu: Ơ Jakôp Sư Tơ'ngla pơjing iĕm, ơ Isơrael! Sư bơih Tơ'ngla pơjing iĕm, 'nĕ kơ hli yua kơ Inh huai iŏk iĕm bơih. Inh bơih krao iĕm hăm anăn iĕm păng iĕm gah Inh.

Êsai 43:15

Inh bơih Kră Yang, Tơ'ngla 'Lơ̆ng Rơgoh lu iĕm, Tơ'ngla pơjing Isơrael, Inh bơih Pơtao iĕm.”

Êsai 43:7

Lu bơngai mă Inh krao hăm anăn Inh, Inh bơih pơjing lu sư, wă ư-ang kơ Inh, tơpă Inh bơih pơjing lu sư.

Êsai 44:2

Kră Yang khan thoi âu: Inh Tơ'ngla pơjing lu iĕm, man lu iĕm oei đơ̆ng lăm klak mĕ, păng gô tơgŭm lu iĕm: Ơ Jakôp đam Inh păng Jêsurun mă Inh rơih iŏk bơih 'nĕ kơ hli.

Êsai 51:2

Athei tơchĕng bĕ kơ Abraham 'bă iĕm, hăm Sara, bơngai pơjing lu iĕm; kơplah Inh krao sư, sư lăp minh 'nu; Inh tuh ăn tơdrong pŭn hiôk kơ sư na jing đei bơngai lơlap lơlang.

Êsai 63:16

Mă-lei Ih bơih 'Bă lu nhôn mă khan Abraham ưh kơ băt kơ lu nhôn Isơrael kư̆m ưh kơ jô̆ lu nhôn; Ơ Kră Yang Ih jơ̆ 'Bă lu nhôn. Anăn Ih jơ̆ Tơ'ngla dŏng pơklaih lu nhôn ling-lang đơ̆ng sơ̆.

Êsai 64:7

Ưh kơ đei bu krao chă anăn Ih, kư̆m ưh kơ đei bu 'blŏk wă rôp kơjăp kiơ̆ Ih, yua kơ Ih ôn bơih muh măt Ih kơ lu nhôn, lê̆ lu nhôn răm lăm tơdrong yoch lu nhôn kơdih.

Êsai 64:8

Ơ Kră Yang, mă khan thoi noh, Ih oei 'Bă lu nhôn, lu nhôn jơ̆ teh lơ̆n, Ih jơ̆ thơ̆ man lu nhôn; đĭ-đăng lu nhôn jơ̆ tơdrong jang đơ̆ng ti Ih.

Je 31:9

Lu sư brŏk hăm nhơ̆m hmoi, păng krao khan, Inh gô pơlung păng chông ba lu sư, Inh gô bơrơng lu sư rok cheng đak glung, rok trong dơhnă, lu sư huay kơtơih pơ̆k, yua kơ Inh boih 'bă kơ lu adrĕch Isơrael, păng Êphraim kon kơdră Inh.

Êsêkiên 33:24

“Ơ kon bơngai, lu bơngai oei lăm char Isơrael juơ tơtŭng âu đei pơma: 'Bok nhôn Abraham lăp minh 'nu sư đei iŏk char 'nâu, mă-lei lu bơ̆n bơngai lơ, sĭt bơ̆n gô iŏk teh char âu wă jang sa.

Malachi 1:6

“Kon drŏ-nglo kơkuh pơyom kơ 'bă sư, đĭch đam hli yom kơ yŏng tơ'ngla sư. Thoi noh tơdah Inh jing 'Bă iĕm, lei tơdrong lu iĕm kơkuh pơyom kơ Inh? Păng tơdah Inh jing yŏng tơ'ngla, lei lu sư hli yom kơ Inh tơ yơ?” Kră Yang Tih Hloh khan kơ lu sư thoi noh. “Ơ lu 'bok soi pơdê anăn Inh!” Lu iĕm đei khan: “Tơ yơ nhôn đei pơdê anăn Ih?”

Malachi 2:11

Lu bơngai Juđa oei sa ưh kơ tơpăt hơlĕnh pơdăr păng đei pơm minh tơdrong yoch kơnê̆ tih krưp tơpă lăm lu bơngai Isơrael păng lăm pơlei Jêrusalem; Juđa đei pơm boih tơdrong 'mê̆-'mach kơ tơdrong 'lơ̆ng rơgoh Kră Yang, yua kơ lu sư iŏk oei kơ drŏ-kăn yang tơmoi.

Malachi 2:8

Mă-lei, tơplơ̆ dơ̆ng, lu iĕm rok trong nai, pơm kơ lơ bơngai pơm glăi kơ khôi juăt păng lu iĕm pơm glăi boih kơ nơ̆r Inh pơgơ̆p hăm Lêwi.” Kră Yang Tih Hloh khan thoi noh.

Mathiơ 10:21

“Gô đei 'nhŏng jao oh sư bơngai lui tơ̆p mă đe pơlôch. Kư̆m đei mơ'nah 'bă sư jao kon sư tơ̆p mă đe pơlôch. Kư̆m đei mơ'nah kon sư hil plơ̆ kơ mĕ 'bă sư jao ăn kơ đe pơlôch.

Mathiơ 22:16

Lu sư wơh buăl lu sư năm hơdai khŭl pơtao Hêrôt năm jet Yêsu thoi âu: “Ơ 'Bok Thây, nhôn băt kơ Ih bơngai tơpăt, Ih ưh kơ hli kơ bu ôh. Ih lăng lu bơngai pơm tih, lu bơngai iĕ lei-lăi ngăl păng bơtho tơdrong 'Bok Kei-Dei tơpăt ling-lang.

Mathiơ 3:9

Iĕm 'nĕ kơ pơhơi khan kuă kơ tơbral kơdih tơdrong yoch, pơm khan sơđơ̆ng kơ Abraham 'bok bơ̆n tơbôl hăm 'Bok Kei-Dei. Inh khan kơ iĕm tơpăt, 'Bok Kei-Dei gơh pơm kơ tơmo âu jing kon sâu Abraham lei-lăi thoi iĕm mơ̆n. 'Bok Kei-Dei sek tơlang kon bơngai, Sư pơlong lăng thoi âu:

Luka 1:73

Na Sư pơkă kơ 'bok Abraham bơ̆n tơdrong noh,

Luka 3:8

Iĕm athei tŭk lê̆ đĭ dôm tơdrong kơnê̆ na pơm mă 'lơ̆ng tơpăt wă kơ đe băt kơ iĕm tơbral kơdih tơdrong yoch tơpă boih. Iĕm 'nĕ pơhơi khan kuă kơ tơbral kơdih tơdrong yoch, pơm khan sơđơ̆ng kơ Abraham bơ̆n tơbôl hăm 'Bok Kei-Dei. Inh khan kơ iĕm tơpăt, 'Bok Kei-Dei Sư gơh pơm kơ tơmo âu jing kon sâu Abraham lei-lăi thoi iĕm mơ̆n.

Yo 8:39

Lu sư khan kơ Yêsu: “Abraham boih 'bă nhôn.” Yêsu khan kơ lu sư: “Dah iĕm kon Abraham tơpă lei iĕm pơm kiơ̆ thoi sư pơm.

Yo 8:41

Iĕm pơm kiơ̆ kơ 'bă iĕm đĕch.” Lu sư khan: “Nhôn ưh kơ kiơ̆ yang nai ôh. 'Bok Kei-Dei đĕch 'Bă nhôn.”

Yo 8:53

Ih hăm tih hloh kơ 'bok kơdră bơ̆n Abraham? Sư lôch boih, lu bơngai pơtruh nơ̆r 'Bok Kei-Dei sơ̆ kư̆m lôch boih. Na dang ei đe pôk Ih pơm kiơ boih?”

Yo 8:56

'Bă iĕm Abraham hiôk chơt kơlih kơ sư băt sư gô 'bôh năr Inh truh. Sư 'bôh boih na sư hiôk chơt tơpă.”

Jang 17:24

'Bok Kei-Dei pơjing plĕnh teh păng đĭ-đăng sem tơmam oei lăm teh đak. Sư pơgơ̆r plĕnh teh, na Sư ưh kơ oei lăm hnam bơngai pơm ôh.

Jang 17:25

Kră Yang 'Bok Kei-Dei ưh kơ kăl kơ bơ̆n tơgŭm Sư ôh yua kơ Sư boih ăn kơ bơ̆n arih păng ăn kơ bơ̆n đĭ-đăng tơmam bơ̆n kăl yua.

Jang 17:26

'Bok Kei-Dei pơjing đơ̆ng minh 'nu bơngai, mă-lei Sư pơjing kơ đĭ-đăng khŭl bơngai wă kơ bơngai bơ̆n oei jơ̆p kơ teh đak. Sư ată khŭl bơngai mơ'nah pơgơ̆r đunh dang yơ. Teh đak bơ̆n oei Sư kư̆m asong mơ̆n.

Jang 7:2

'Bok Êtien khan thoi âu: “Ơ đe 'nhŏng oh lu 'bok kră pơgơ̆r dêh bơ̆n, apinh iĕm mơ̆ng inh pơma 'biơ̆ bĕ. Tơ'ngla mơsêh mơyang 'Bok Kei-Dei năm tơ Abraham mă 'bok kră bơ̆n sơ̆ lăp Abraham oei tơ dêh Mesôpôtôme, hơdrol kơ sư wă năm oei tơ Pơlei Haran.

Jang 7:26

Năr dơning dơ̆ng Môis sư 'bôh 'bar 'nu bôl sư tơteh dih băl. Na sư năm găn bre ei păng khan thoi âu: ‘Ơ bre âu, biĕm 'nhŏng oh dah ưh na kơlih tơdrong kiơ biĕm tơteh dih băl?’

Rom 4:1

Bĭ gah tơdrong Abraham sơ̆, 'bok tơm lu bơ̆n bơngai Juđê, bơ̆n tơchĕng tơdrong sư thoi yơ?

Rom 9:10

Tơpă, đơ̆ng rŏng kơ noh na bre sư đei minh 'nu kon drŏ-nglo anăn sư Isăk. Isăk noh boih 'bok kơdră lu bơ̆n sơ̆. Akăn Isăk anăn sư yă Rê'bêka, sư tơpŭ 'bar 'nu kon drŏ-nglo kơmar.

I Kor 8:6

Gah lu bơ̆n, bơ̆n đei minh 'nu Kră Yang 'Bok Kei-Dei đĕch Tơ'ngla 'Bă tơm lu bơ̆n. Sư boih pơjing tôm tĕch tơdrong, Sư ăn lu bơ̆n arih wă jang tơdrong Sư. Păng bơ̆n đei minh 'nu Yŏng mơ̆n anăn Sư Yêsu Krist. Sơ̆ 'Bok Kei-Dei yua Sư pơjing tôm tơdrong na dang ei bơ̆n arih yua kơ đơ̆ng Sư.

Êphêsô 4:25

Thoi noh iĕm 'nĕ kơ hơlĕnh; iĕm athei pơma tơpăt hăm lu 'nhŏng oh iĕm, yua kơ đĭ-đăng kơ bơ̆n jing 'nhŏng oh lăm khŭl lui kơ Yêsu Krist ngăl.

Êphêsô 4:6

Kră Yang bơ̆n kư̆m lăp minh 'nu 'Bok Kei-Dei đĕch, Sư 'Bă tơm kơ đĭ-đăng. Sư boih tih hloh, Sư pơgơ̆r đĭ-đăng kơ bơ̆n, tơgŭm đĭ-đăng kơ bơ̆n, oei hơdai đĭ-đăng kơ bơ̆n.

I Tes 4:6

Sư wă kơ bơ̆n gơ̆t tơdrong pơ'brơh kơ klo đe, dah akăn đe. Hơtai ki nhôn bơtho iĕm boih tơdrong 'noh khan 'Bok Kei-Dei wă phak dôm lu bơngai mă pơm kư̆ kă thoi noh.

Hêbrơ 12:9

Mĕ 'bă pơjing bơ̆n tơ teh âu, sư kư̆m bơtho pơjĭ bơ̆n na bơ̆n băt chu yom kơ sư. Na 'nei 'Bă Tơm tơdrong arih bơhngol bơ̆n; bơ̆n athei chu yom kơ Sư rai loi, na bơ̆n gơh arih ling-lang.

Jôsuê 24:3

Mă-lei inh rơih iŏk Abraham 'bok lu iĕm lĕch đơ̆ng gah to Krong Tih păng chông ba sư năm jơ̆p-jang kơ dêh Kanaan, ăn kơ sư Isăk păng ăn kơ adrĕch adrung sư chek lar lơ.