Luka 9:49 - Sơ̆p Hlabơar Nơ̆r 'Bok Kei-Dei

⁴⁹ Na Yôhan khan kơ Yêsu: “Ơ 'Bok Thây, nhôn 'bôh minh 'nu bơngai gơnang kơ anăn Ih wă pơpuh yang kơnê̆ đơ̆ng đe, na nhôn khă sư yua kơ sư ưh kơ jang hơdai bơ̆n.”

Luka 9:49 ပူးပေါင်းရင်းမြစ်များ

Mathiơ 3:14

Mă-lei Yôhan pơjăng kuă kơ pơm kơ Sư 'batem ră, na sư khan kơ Yêsu thoi âu: “Ih trŏ pơm kơ inh 'batem, na Ih khan athei inh pơm kơ Ih liơ trŏ?”

Luka 5:5

Na Simôn khan: “Ơ 'Bok, nhôn măng hei traih ră jal prăt măng hloi, mă-lei 'nhŏ kơ đei minh găr. Dah traih jal kơ'năr rai lŭch mă-lei dang ei yua kơ Ih athei na inh chu Ih mơ̆n.”

Luka 9:33

Lăp bre noh wă weh đơ̆ng Yêsu, na Pêtrôs khan kơ Yêsu: “Ơ 'Bok Thây, bơ̆n oei tơ âu hiôk dêh. Lê̆ kơ nhôn pơm kơ bơ̆n pêng tŏ bơsŭn; minh pôm pơm kơ Ih, minh pôm pơm kơ Môis, minh pôm pơm kơ Êli.” Pêtrôs pơma thoi noh, sư pơma hơdrol kơ đon.

Jang 5:28

“Nhôn khă iĕm bơtho tơdrong Yêsu boih, mă-lei iĕm oei bơtho tơdrong Sư jơ̆p kơ Pơlei Jêrusalem păng iĕm bơtho jâu nhôn pơlôch Yêsu mơ̆n.”

I Tes 2:16

Lu bơngai Juđê găn nhôn bơtho tơdrong 'Bok Kei-Dei kơ bơngai ưh kơ khŭl lu sư. Mă-lei nhôn oei bơtho mơ̆n. Lu sư ưh kơ wă bơngai khŭl nai thoi iĕm klaih đơ̆ng tơdrong yoch. Lu sư pơm thoi noh lu sư yoch tơpă hloi. Lu sư ling-lang pơm yoch thoi noh. Ning-mônh 'Bok Kei-Dei gô phak lu sư tơpă.