Luka 9:38 - Sơ̆p Hlabơar Nơ̆r 'Bok Kei-Dei

³⁸ Đei minh 'nu lăm bơngai tơpôl ei pơma re khan kơ Yêsu thoi âu: “Ơ 'Bok Thây, apinh Ih lăng kon pôm inh 'biơ̆ bĕ.

Luka 9:38 ပူးပေါင်းရင်းမြစ်များ

Bl 44:20

Nhôn đei tơl ih thoi âu: Lu nhôn oei đei 'bă kră boih păng kư̆m oei đei minh 'nu oh 'lơ̆p mă hơiơch tuch-luch ăn kơ sư. 'Nhŏng kơdră sư lôch boih, na lăm lu kon mĕ sư, oei pă minh 'nu sư boih păng 'bă nhôn kơeng kơ sư dêh.

Sa 12:10

“Inh gô tuh Yang Bơhngol tơdrong pŭn hiôk păng tơdrong krao apinh kơ hnam Đawit păng kơ lu kon pơlei Jêrusalem; lu sư gô lăng tơ Inh jơ̆ Kră Yang mă đêl lu sư 'bet boih; păng lu sư gô nhơ̆m hmoi, nhơ̆m hmoi thoi 'mêm kơ kon dăm lôch, lu sư gô oei lăm tơdrong chhŭr nuih, thoi lu bơngai mă đei tơdrong chhŭr nuih ơh sơ'ngon yua kơ kon kơdră lu sư hiong.

Mathiơ 15:22

Đei minh 'nu drŏ-kăn bơngai Kanaan đơ̆ng tơring kiơ̆ ei năm tơ Yêsu apinh thoi âu: “Ơ 'Bok, Ih kon sâu Đawit mă 'Bok Kei-Dei wơh wă pơm pơtao kon bơngai. Dang ei inh apinh Ih mơnat kơ inh năm pơklaih kon adruh inh yang kơnê̆ mơ̆t, sư pơmat măng năr.”

Luka 7:12

Lăp Sư wă jê̆ truh tơ 'măng jang Pơlei Nain, Sư tơ'bơ̆p hĭ đe tung bơngai lôch. Bơngai ei sư kon pôm yă adro. Kư̆m đei lơ bơngai kiơ̆ năm 'bŭ bơngai ei.

Luka 9:37

Minh năr đơ̆ng rŏng lu sư jur đơ̆ng kông ei boih na tơ'bơ̆p hĭ kơ lu đe tơpôl.

Luka 9:39

Phŏ phŏ yang kơnê̆ glơ̆m sư na sư ôr. Yang kơnê̆ pơm kơ sư lĕch đak hai djơdjih djơdjah. Yang kơnê̆ glơ̆m pơm kơ sư jĭ dêh 'mơ̆i na jăk jăi.

Yo 4:47

Thoi noh 'bok kuan ei băt kơ Yêsu đơ̆ng dêh Juđê truh tơ dêh Galilê boih, na 'bok kuan ei năm hloi truh tơ Yêsu tơ Pơlei Kanna. Sư apinh Yêsu jur pơklaih kon sư jĭ dêh tơ Pơlei Kapernum.