Luka 7:38 - Sơ̆p Hlabơar Nơ̆r 'Bok Kei-Dei

³⁸ Na sư năm nhơ̆m 'bơ̆t jơ̆ng Yêsu, đak măt sư kơtoh tơ jơ̆ng Yêsu. Đơ̆ng noh na sư sut jơ̆ng Yêsu păng sŏk sư kơdih, na chŭm hloi jơ̆ng Yêsu. Đơ̆ng ei na sư tuh đak pơgang 'bâu phu kơ jơ̆ng Yêsu.

Luka 7:38 ပူးပေါင်းရင်းမြစ်များ

Bl 18:4

Apinh lu iĕm ăn kơ inh iŏk đak ôp jơ̆ng lu iĕm păng apinh iĕm ngôi pơdơh tơ ala yơ̆p 'long âu wă kơ rơngơp.

Esơra 10:1

Lăm kơplah Esơra krao khan tơbral, nhơ̆m hmoi, roi tơbral yoch păng drap 'bơ̆t anăp hnam akŭm, na đei minh tơpôl kon pơlei Isơrael, bơngai drŏ-kăn drŏ-nglo hơ'lơ̆p lơ dêh, akŭm tăp dăr kơ sư; lu sư kư̆m nhơ̆m hmoi ơh ol.

Horiso 38:18

Inh gô roi tơdrong yoch inh, Inh ơh sơ'ngon, yua kơ tơdrong yoch inh.

Horiso 51:17

Tơdrong pơm Yang lăp đon Kră Yang 'Bok Kei-Dei noh jơ̆ jơhngơ̆m pơchah. Ơ Kră Yang 'Bok Kei-Dei! Jơhngơ̆m tơbral pơchah Ih kư̆m ưh kơ pơdê.

Bôk Bơthô 9:8

Mă layơ ih kư̆m athei hrŭk hơbĕn ao kok 'nao ling-lang thoi năr et sa tih păng 'nĕ hiơt pik pơgang 'bâu phu kơpal kơ̆l ih.

Hơri Hiôk 1:3

Đak pơgang ih 'bâu phu, Đe ư-ang kơ ih thoi đak pơgang 'bâu phu; Thoi noh na lu adruh 'nao iung hưch kơ ih.

Êsai 57:9

Iĕm chĕp ba đak rơmă ôliwơ pơgang 'bâu phu pơyơ̆r ăn kơ yang Molek păng wơh lu bơngai jang năm tơ dêh ataih; jur truh tơ pơlei bơngai lôch!

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Je 31:9

Lu sư brŏk hăm nhơ̆m hmoi, păng krao khan, Inh gô pơlung păng chông ba lu sư, Inh gô bơrơng lu sư rok cheng đak glung, rok trong dơhnă, lu sư huay kơtơih pơ̆k, yua kơ Inh boih 'bă kơ lu adrĕch Isơrael, păng Êphraim kon kơdră Inh.

Jôel 2:12

Mă-lei Kră Yang khan: “Dang ei iĕm athei wih brŏk tơ Inh, hăm đĭ jơhngơ̆m lu iĕm, hăm tơdrong ơ̆t por, hăm tơdrong ơh sơ'ngon nhơ̆m hmoi.

Sa 12:10

“Inh gô tuh Yang Bơhngol tơdrong pŭn hiôk păng tơdrong krao apinh kơ hnam Đawit păng kơ lu kon pơlei Jêrusalem; lu sư gô lăng tơ Inh jơ̆ Kră Yang mă đêl lu sư 'bet boih; păng lu sư gô nhơ̆m hmoi, nhơ̆m hmoi thoi 'mêm kơ kon dăm lôch, lu sư gô oei lăm tơdrong chhŭr nuih, thoi lu bơngai mă đei tơdrong chhŭr nuih ơh sơ'ngon yua kơ kon kơdră lu sư hiong.

Mathiơ 5:4

“Pŭn dêh lu bơngai mă ơh sơ'ngon, 'Bok Kei-Dei wă pơlung lu sư.

Luka 22:62

Thoi noh na sư lĕch hmoi ơh kơdih sư.

Luka 6:21

“Pŭn dêh lu iĕm mă pơngot rơwĕt dang ei, iĕm gô phĭ jơnap. Pŭn dêh lu iĕm mă nhơ̆m hmoi dang ei, iĕm gô hiĕk, gô chơt.

Luka 7:37

Tơ pơlei ei đei minh 'nu drŏ-kăn juăt kơ pơm yoch. Sư kơtơ̆ng khan Yêsu oei sŏng sa păng bơngai Pharisi ei, na sư iŏk minh gŏl đak pơgang 'bâu phu.

Luka 7:39

Lăp bơngai Pharisi mă wơ̆n Sư, 'bôh thoi noh na sư tơchĕng lăm to sư kơdih khan: “Tơ̆ng bơngai âu bơngai pơtruh nơ̆r 'Bok Kei-Dei tơpă, lei Sư băt kơ bơngai mă pel Sư 'noh bơngai đi.”

Yo 11:2

Mari âu mă tuh đak pơgang 'bâu phu kơ jơ̆ng Yêsu păng iŏk sŏk sư kơdih sut kơ jơ̆ng Yêsu. Na dang ei 'nhŏng sư Lasarơ oei păn kơ jĭ.

Ya 4:9

Iĕm athei nhơ̆m hmoi ơh kơdih tơdrong yoch đêl iĕm pơm, hmoi ơh kơdih tơdrong đêl iĕm hiĕk 'nă, hmoi ơh kơdih tơdrong đêl iĕm hiôk chơt, pơhaih sơ'ngon kơdih kơ 'Bok Kei-Dei, na Sư mơnat.