Luka 6:28 - Sơ̆p Hlabơar Nơ̆r 'Bok Kei-Dei

²⁸ Pơma rơngơp kơ lu bơngai mă hiap iĕm, krao khan apinh 'Bok Kei-Dei tơgŭm lu bơngai hil kơ iĕm.

Luka 6:28 ပူးပေါင်းရင်းမြစ်များ

I Pot 13:6

Pơtao khan kơ bơngai đơ̆ng Kră Yang 'Bok Kei-Dei yua: “Apinh ih krao khan bĕ apinh Kră Yang 'Bok Kei-Dei ih, apinh ih krao khan tơgŭm inh, wă kơ ti inh gơh klaih thoi so.” Bơngai mă Kră Yang 'Bok Kei-Dei yua ei krao khan apinh Kră Yang na ti pơtao klaih gơh kơchôt thoi so hloi.

Êsêkiên 25:15

Kră Yang khan thoi âu: “Yua kơ kon pơlei Philistin pơm 'mong, pơm 'mong kiơ̆ kơ jơhngơ̆m areh ưh kơ đĭ đơ̆ng sơ̆ ki sơ̆ kach wă pơrăm char Juđa,

Êsêkiên 36:5

Kră Yang khan thoi âu: Lăm tơdrong Inh hil gar tơtŏ thoi ŭnh, inh wă blah lu dêh char mă oei oei păng đĭ kơ char Eđôm, lu dêh char mă đĭ jơhngơ̆m chơt hiôk pơjăm tơgar iŏk teh Inh jing tơmam sư kơdih păng tơgar iŏk lu tơmăn 'nhĕt,

Mathiơ 5:44

Mă-lei gah Inh bơtho iĕm thoi âu: Iĕm athei 'mêm mơnat kơ lu bơngai mă pơm kơnê̆ kơ iĕm, krao khan apinh 'Bok Kei-Dei tơgŭm sư,

Luka 23:34

Na Yêsu khan kơ 'Bă Sư 'Bok Kei-Dei thoi âu: “Ơ 'Bă, apinh Ih 'nĕ jô̆ yo kơ lu sư, yua kơ lu sư ưh kơ băt lu sư oei pơm kiơ ôh.” Na lu linh ei pơpơn dih băl wă kơ băt bu gơh iŏk ao Yêsu, bu iŏk ao ayơ, bu iŏk ao ayơ. Lu sư asong băl ao Yêsu thoi noh.

Luka 6:27

Yêsu oei bơtho lu sư thoi âu: “Na Inh pơma kơ iĕm mă mơ̆ng Inh: Iĕm athei 'mêm mơnat kơ lu bơngai mă pơm kơnê̆ kơ iĕm, pơm 'lơ̆ng kơ lu bơngai mă areh kơ iĕm.

Luka 6:35

Thoi noh na iĕm athei 'mêm, pơm 'lơ̆ng kơ lu bơngai mă pơm kơnê̆ kơ iĕm. Iĕm athei ăn kơ đe mơng jên iĕm păng 'nĕ pă hơmĕng kơ jên noh. Tơ̆ng iĕm pơm thoi noh, 'Bok Kei-Dei gô apah iĕm tih tơpă păng iĕm jing kon Kră Yang Tih Hloh, yua kơ Sư kư̆m pơm 'lơ̆ng kơ lu bơngai kơnê̆ păng lu bơngai mă ưh kơ băt bơnê kơ Sư mơ̆n.

Jang 14:5

Na bơngai Juđê păng bơngai nai, lu mơ'nah pôm đon păng lu yŏng sư, lu mơ'nah ưh mơ̆n. Lu bơngai pôm đon păng yŏng sư ei, sư wă klơ̆m bre Pôl păng 'Barna'ba păng tơmo.

Jang 7:60

Klaih kơ noh sư sơtơ̆p kŭl-tăng pơma 'bơ̆r re thoi âu: “Ơ Kră Yang, Ih 'nĕ jô̆ yo kơ lu bơngai pơlôch inh.” Na sư lôch hloi. Sôl kư̆m wă kơ đe pơlôch Êtien mơ̆n.

Rom 12:14

Mă đe pơm kơnê̆ kơ bơ̆n, bơ̆n 'nĕ kơ blei hiap đe, bơ̆n rai krao khan apinh 'Bok Kei-Dei mơnat kơ sư dơ̆ng.

I Kor 4:12

Nhôn jang sa păng ti kơdih. Đe oei hiĕk achơ̆ kơ nhôn, nhôn kư̆m krao khan kơ 'Bok Kei-Dei tơgŭm lu sư mơ̆n; đei mơ'nah pơm kơnê̆, nhôn mơ̆ng đĕch;

Ya 3:10

Lăp pôm 'bơ̆r đĕch băt kơ ư-ang 'Bok Kei-Dei, băt kơ blei hiap bôl buăl. Ơ lu 'nhŏng oh, bơ̆n pơma thoi noh ưh kơ trŏ boih.

I Pet 3:9

Mă đe pơm kơnê̆ kơ bơ̆n, bơ̆n 'nĕ pơm tơwih kơ đe; mă đe pơma kơnê̆ kơ bơ̆n, bơ̆n 'nĕ pơma tơwih kơ đe, bơ̆n rai krao khan apinh 'Bok Kei-Dei mơnat kơ sư dơ̆ng. Bĭ 'Bok Kei-Dei kư̆m mơnat kơ bơ̆n na Sư krao iŏk bơ̆n jing kon Sư.