Luka 4:25 - Sơ̆p Hlabơar Nơ̆r 'Bok Kei-Dei

²⁵ Na dang ei Inh roi pơtih gia kơ iĕm tơdrong noh: Kơplah Êli pơtruh nơ̆r 'Bok Kei-Dei tơ dêh char Isơrael âu sơ̆, kơplah lăm pêng sơnăm ưh kơ đei 'mi jơ̆p kơ dêh char Isơrael. Na đei tơdrong pơngot rơwĕt tơpă. Kơplah noh sơ̆ đei lơ yă adro tơ dêh char Isơrael.

Luka 4:25 ပူးပေါင်းရင်းမြစ်များ

I Pot 17:1

Êli bơngai Pơlei Tisbe, oei tơ Pơlei Tisbe lăm char Gileat, sư khan kơ Ahap: “Inh dơ̆ng 'bơ̆t anăp Kră Yang 'Bok Kei-Dei đe Isơrael mă arih khan: Lăm sơnăm tơ anăp 'nâu, gô đei tơdrong phang-ang, tŭk păng đak 'mi ưh kơ đei jur tơ teh, dĭng truh tơ Inh đei khan dơ̆ng.”

Êsai 55:8

Kră Yang khan: “Đon tơchĕng Inh phara kơ đon tơchĕng lu iĕm, trong lu iĕm phara kơ trong Inh.”

Mathiơ 20:15

Tơdrong noh inh hơlăng kơ sư đĕch, ih 'nĕ pă 'nhĕng.’ ”

Luka 10:21

Kơplah noh Yang Bơhngol 'Lơ̆ng ăn kơ Yêsu hiôk na Sư krao khan: “Ơ 'Bă, Ih boih Kră Yang plĕnh teh. Inh bơnê kơ Ih yua kơ dôm tơdrong Inh bơtho, Ih tơbăt kơ lu bơngai âu mă băt gơnang kơ Ih thoi lu hơ'lơ̆p băt gơnang kơ mĕ 'bă păng Ih ưh kơ tơhlôh kơ lu bơngai mă gơnang kơ akâu sư kơdih hŏk hơgei. Ơ 'Bă, Ih pơm thoi noh trŏ tơpă, kiơ̆ thoi Ih lăp đon.

Rom 9:15

Tơdrong noh bơ̆n gô mơ̆ng kơ 'Bok Kei-Dei đĕch, yua kơ sơ̆ 'Bok Kei-Dei khan kơ Môis thoi âu: “Inh 'mêm kơ bu gô mơ̆ng kơ Inh wă 'mêm đĕch.”

Rom 9:20

Inh khan kơ iĕm tơpă, tơdrong noh tơdrong jang 'Bok Kei-Dei, bơ̆n ưh kơ gơh pơma tơwih kơ Sư ôh. Pơtih gia bơngai man gŏ ge, sư kư̆ kơ man gô mơ̆ng kơ sư wă. Lu gŏ ge mă sư man ưh kơ trŏ kơ pơma tơwih kơ sư khan: “Man kiơ kơ inh kơnê̆ thoi âu?”

Êphêsô 1:11

'Bok Kei-Dei pơm tôm tơdrong kiơ̆ thoi Sư đêl pơkă lê̆ boih, na tơdrong Sư ăn Yêsu lôch tang bơ̆n, hăm rơih iŏk wă kơ bơ̆n jing kon Sư, noh Sư pơkă lê̆ đơ̆ng blŭng-a sơ̆ boih.

Êphêsô 1:9

tôm tơdrong Sư tam mă tơbăt ăn kơ đe đơ̆ng sơ̆. Tơdrong noh Sư wă ăn Yêsu Krist pơgơ̆r tôm tơdrong tơ plĕnh hăm tơ ala teh âu mă gô trŏ kơ năr Sư pơkă ei sơ̆.

Ya 5:17

Êli sơ̆ sư kư̆m kon bơngai lei-lăi thoi bơ̆n, mă-lei sư krao khan adrin tơpă, sư apinh 'Bok Kei-Dei kuă ăn 'mi tơ dêh sư oei, na 'Bok Kei-Dei kư̆m mơ̆ng sư tơpă, kơtĕch pêng sơnăm minh puăt ưh kơ đei đak 'mi.

Tơdrông Tơ'bôh 11:6

Bre sư gơh chĭt đak 'mi đơ̆ng plĕnh kuă ăn 'mi kơplah bre sư oei chă năm pơtruh kơ đe nơ̆r 'Bok Kei-Dei. Bre sư kư̆m gơh sơkat kơ đak jing pham păng bre sư kư̆m gơh pơm kơ bơngai mă ưh kơ chu jĭ pơmat-tat gô mơ̆ng kơ bre sư wă.