Luka 22:60 - Sơ̆p Hlabơar Nơ̆r 'Bok Kei-Dei

⁶⁰ Mă-lei Pêtrôs khan: “Ơ ma, inh ưh kơ băt ôh ih wă pơma kơ inh tơdrong kiơ ră.” Kơplah Pêtrôs oei pơma sơngah kơ tơdrong ei, lêk kơ iĕr ŏ hloi.

Luka 22:60 ပူးပေါင်းရင်းမြစ်များ

Mathiơ 26:34

Yêsu khan kơ Pêtrôs: “Inh khan kơ ih tơpă, măng kơnh boih hơdrol kơ iĕr ŏ, ih gô sơngah kơ Inh pêng 'măng khan ih ưh kơ băt kơ Inh.”

Luka 22:34

Na Yêsu khan kơ sư thoi âu: “Ơ Pêtrôs, Inh khan kơ ih tơpă, măng kơnh boih, hơdrol kơ iĕr wă ŏ, ih gô sơngah kơ Inh pêng 'măng khan ih ưh kơ băt kơ Inh.”

Luka 22:59

Đơ̆ng rŏng kơ noh dang minh jơ đei minh 'nu bơngai nai dơ̆ng khan thoi âu: “'Nâu kư̆m bơngai oei hơdai păng Sư tơpă yua kơ sư kư̆m bơngai đơ̆ng dêh Galilê thoi Yêsu mơ̆n.”

Luka 22:61

Na Kră Yang Yêsu hue lăng Pêtrôs, na Pêtrôs 'blŏk hơdơ̆r kơ nơ̆r Kră Yang Yêsu pơma pơkă lê̆ hơdrol hei khan: “Măng kơnh boih hơdrol kơ iĕr wă ŏ ih gô sơngah kơ Inh pêng 'măng.”

Yo 18:27

Pêtrôs sơngah dơ̆ng, klaih kơ noh lêk kơ iĕr ŏ hloi.