Luka 22:52 - Sơ̆p Hlabơar Nơ̆r 'Bok Kei-Dei

⁵² Yêsu khan kơ lu 'bok soi tih, hăm lu kră linh gak hnam akŭm tơm păng lu đe kră mă năm rôp Sư, thoi âu: “Lơliơ iĕm năm tơ âu chĕp tak đao 'long tơnôn dang lĕ đe wă rôp bơngai tơtông klĕ?

Luka 22:52 ပူးပေါင်းရင်းမြစ်များ

II Pot 11:15

'Bok soi Jêhôiada athei lu yŏng khŭl linh: “Dui tơlĕch yă âu đơ̆ng lăm linh noh bĕ dah bu kiơ̆ sư, bơ̆n athei pơlôch hăm đao gưm.” Yua kơ 'bok soi khan bơih: “'Nĕ kơ pơlôch sư lăm Hnam akŭm kơkuh kơ Kră Yang.”

Mathiơ 26:47

Kơplah Yêsu oei pơma 'bôh blư kơ Juđa truh, bơngai mă đơ̆ng lăm mơjĭt-'bar 'nu pơhrăm păng Yêsu. Đei lơ bơngai kiơ̆ sư chĕp tak đao mơ'nah chĕp 'long tơnôn, yua kơ lu 'bok soi tih, lu đe kră sek tơlang đe Juđê wơh lu sư năm rôp Yêsu.

Mathiơ 26:55

Kơplah noh mơ̆n, Yêsu khan kơ lu bơngai mă năm rôp Sư: “Lơliơ iĕm năm tơ âu chĕp tak đao 'long tơnôn dang lĕ đe rôp bơngai tơtông klĕ? Bĭ rim năr Inh bơtho iĕm tơ lăm hnam akŭm tơm iĕm kuă kơ kiơ kơ rôp Inh tơ noh lĕ?

Luka 22:37

Sơ̆p hla bơar 'Bok Kei-Dei khan sơ̆ thoi âu: Đe jô̆ kơ Inh bơngai yoch trŏ kơ pơlôch. Na bơ̆n gô 'bôh đe jô̆ kơ Inh thoi noh tơpă. Na dôm tơdrong đe chih lê̆ hơdrol sơ̆ gah Inh bơ̆n gô 'bôh tôm tơpă.”

Luka 22:4

Thoi noh na Juđa năm tơ lu 'bok soi tih păng lu kră linh gak hnam akŭm 'Bok Kei-Dei tơm wă chă tơdrong thoi yơ gơh rôp Yêsu jao kơ lu sư.

Luka 22:51

Yêsu khan kơ sư: “Iĕm 'nĕ kơ koh lu sư.” Na Sư pel đon đĭch 'bok soi, na klaih hloi.

Luka 22:53

Bĭ rim năr Inh oei tơ tŏk-bŏk lu iĕm tơ lăm hnam akŭm tơm, na iĕm kuă kơ kiơ kơ rôp Inh tơ noh lĕ? Mă-lei iĕm oei kiơ̆ kơ yang Satan mă oei pơgơ̆r dôm lu bơngai oei lăm măng mu na trŏ năr iĕm rôp Inh boih.”

Yo 17:12

Kơplah Inh oei hơdai lu sư, Inh yua mơsêh mơyang đơ̆ng Ih pơjao kơ Inh, na Inh wei-lăng lu sư kơjăp. Inh wei-lăng lu sư, lăm lu sư ưh kơ đei bu hiong ôh; lăp minh 'nu bơngai đĕch hiong. Mă-lei trŏ kơ sư wă hiong 'mơ̆i kơlih kơ 'blep trŏ thoi đe chih khan lê̆ hơdrol lăm sơ̆p hla bơar Ih.

Jang 5:26

Na 'bok yŏng linh păng lu linh sư năm rôp dơ̆ng jơ̆ng 'bang Yêsu. Mă-lei lu linh ưh kơ đei pơm kơnê̆ ôh yua kơ lu sư hli kơ kon pơlei klơ̆m lu sư păng tơmo.