Luka 21:36 - Sơ̆p Hlabơar Nơ̆r 'Bok Kei-Dei

³⁶ Thoi noh na iĕm athei kơchăng păng krao khan ling-lang wă kơ iĕm kĕ ĕnh dôm tơdrong noh na dơ̆ng 'bơ̆t anăp Inh Kon Bơngai ning-mônh.”

Luka 21:36 ပူးပေါင်းရင်းမြစ်များ

Jop 27:10

Lu sư hăm đei chơchă tơdrong hiôk chơt lăm Kră Yang Tih Hloh, Hăm đei krao apinh Kră Yang 'Bok Kei-Dei ling-lang ưh?

Horiso 1:5

Yua kơ thoi noh lu bơngai kơnê̆ ưh kơ kĕ dơ̆ng ôh lăm năr sek tơlang, Lu bơngai kơnê̆ ưh kơ gơh mơ̆t lăm lu khŭl bơngai tơpăt.

Je 35:19

Thoi noh na Kră Yang 'Bok Kei-Dei bơngai Isơrael khan: ‘Adrĕch adrung Jônađap kon drŏ-nglo Rêkap gô đei ling-lang bơngai jang kơ Inh.’ ”

Malachi 3:2

Mă-lei 'bơ̆t năr Kră Yang truh bu kĕ dơ̆ng? Păng bơngai bu kĕ dơ̆ng 'bơ̆t năr tơ'bơ̆p Sư? Yua kơ Sư thoi pla ŭnh lu bơngai thơ̆ hơjơ̆m, thoi gơmơ̆k đak 'bŏng lu bơngai pih.

Mathiơ 24:42

Thoi noh na iĕm athei kơchăng bĕ, yua kơ iĕm ưh kơ băt layơ Inh mă Kră Yang iĕm wă jur dơ̆ng.

Mathiơ 24:43

“Iĕm athei kơchăng hli kơ thoi bơngai âu: Bơngai âu sư ưh kơ kơchăng kơ đe wă tơtông tơmam sư. Lăp đe tơtông tơmam sư boih na sư khan: ‘Ô, ăn dah băt kơ đe wă tơtông tơmam inh măng hei, lei inh kral kơchăng kuă ăn lu sư bŏk tơnăr hnam inh ôh.’

Mathiơ 24:44

Na iĕm athei kơchăng 'nĕ kơ thoi bơngai noh, hli kơ Inh Kon Bơngai wă jur tơ iĕm dơ̆ng kơplah iĕm ưh kơ lêng ê.

Mathiơ 25:13

Yêsu pơtih gia tơdrong noh đang boih na Sư khan: “Iĕm athei kơchăng mă tơpă, yua kơ iĕm ưh kơ băt năr ayơ, jơ ayơ Inh wă jur tơ iĕm.”

Mathiơ 26:41

Inh wă kơ iĕm kral ngôi hơpong kơ Inh păng wă kơ iĕm krao khan kơdih wă kơ iĕm huay kơ lui kơ yang Satan pơhlŭ. Inh băt kơ jơhngơ̆m đon iĕm wă ră, mă-lei akâu iĕm ưh kơ kĕ.”

Mathiơ 8:20

Yêsu khan kơ sư: “Mơja đei anih tep, sem păr kư̆m đei tơpu. Inh Kon Bơngai ră mă-lei ưh kơ đei anih tep ôh.”

Markôs 13:33

Iĕm athei kơchăng tơdrong lui mă tơpă păng krao khan mă nŏng yua kơ iĕm ưh kơ băt tơdrong ei wă truh layơ.

Markôs 13:37

Tơdrong Inh khan kơ iĕm âu, Inh khan kơ đĭ-đăng bơngai mơ̆n, ưh kơ sĭ kơdrô̆ iĕm ôh kơchăng.”

Luka 1:19

Linh jang 'lơ̆ng ei khan: “Inh âu boih Gabrel. Inh ling-lang oei hơdai 'Bok Kei-Dei. Sư wơh inh jur pơtruh ăn kơ ih tơdrong noh,

Luka 18:1

Klaih kơ noh Yêsu pơma pơtih gia kơ lu sư thoi âu wă kơ lu sư băt kơ krao khan ling-lang huay kơ hăl:

Luka 20:35

mă-lei lu bơngai mă 'Bok Kei-Dei pơklaih sư, ăn sư gơh iung arih ning-mônh, lu sư ưh pă tơiŏk dih băl dơ̆ng boih.

Jang 10:2

Sư ưh kơ sĭ bơngai Juđê mơ̆n mă-lei sư păng đĭ hnam dơnŏ sư lui kơkuh kơ 'Bok Kei-Dei. Sư kư̆m hơlăng kơ đe Juđê tơmam păng krao khan ling-lang kơ 'Bok Kei-Dei.

I Kor 16:13

Inh athei iĕm kơchăng ling-lang pơkrơ̆ng mă kơjăp tơdrong lui 'nĕ kơdŭn.

II Kor 4:14

Nhôn băt kơ 'Bok Kei-Dei tơiung arih Yêsu Krist, Sư gô tơiung arih nhôn mơ̆n thoi Sư tơiung arih Yêsu Krist. Klaih kơ noh Sư gô anhăk nhôn hăm iĕm oei hơdai Sư.

Kôlôsê 4:2

Iĕm athei adrin gah tơdrong krao khan. Kơplah iĕm oei krao khan, iĕm athei tơchĕng kơ tơdrong krao khan đĕch, 'nĕ kơ tơchĕng tơdrong nai. Păng ling-lang athei bơnê kơ 'Bok Kei-Dei.

II Tim 4:5

Mă-lei ih athei đei jơhngơ̆m chơ̆n lăm tôm tơdrong. Mă pơmat ih kư̆ adrin 'nĕ hŭt tơdrong pơm đon 'lơ̆ng tơpăt, bơtho tơdrong 'nao 'lơ̆ng Kră Yang Yêsu Krist ling-lang, adrin jang tôm tơdrong 'Bok Kei-Dei.

I Pet 4:7

Khei 'năr wă jê̆ tôch boih na iĕm athei tơchĕng đon mă hơgei wă kơ kơchăng kơ tơdrong krao khan pơnam.

I Pet 5:8

Bơ̆n athei chơ̆n jơhngơ̆m păng kơchăng kơdih, yua kơ yŏng pơgơ̆r yang kơnê̆ mă ayăt kơ bơ̆n, sư nơnăm jơ̆p-jang arum thoi kiĕk wă rôp sa bơ̆n.

I Yo 2:28

Iĕm adrin lui kơ Sư khŏm khŏm hŏ, na Sư jur tơ ala teh âu ning-mônh iĕm huay kơ hli. Năr noh kơnh iĕm ưh kơ kăl kơ jăk ôn akâu iĕm tơ yơ yơ ôh yua kơ iĕm huay kơ mơlâu kơ Sư.

Ju 1:24

Bơnê kơ 'Bok Kei-Dei, pôm Sư đĕch kĕ wei-lăng iĕm, huay ăn kơ iĕm lê̆ Sư, wă kơ iĕm dơ̆ng 'bơ̆t anăp Sư ning-mônh iĕm 'bôh Sư mơsêh mơyang, iĕm hiôk hơiă huay kơ hli kơ Sư, yua kơ iĕm ưh kơ đei tơdrong yoch.

Tơdrông Tơ'bôh 11:4

Bre sư thoi 'bar tơnơm 'long Ôliwơ păng 'bar tŏ jơ̆ng kơđeng đe pơdơ̆ng lê̆ 'bơ̆t anăp 'Bok Kei-Dei Kră Yang plĕnh teh.

Tơdrông Tơ'bôh 6:17

yua kơ truh năr Sư hil kơ nhôn kơtang kơtĭt na bu kĕ sơ̆n.”

Tơdrông Tơ'bôh 7:9

Klaih kơ noh inh 'bôh lơlap lơlang ưh kơ kĕ jô̆ ôh, yua kơ đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma, lu sư dơ̆ng 'bơ̆t anăp tang-dŏ 'Bok Kei-Dei păng Kon Triu. Lu sư tă ling hrŭk ao tai kok păng chĕp sơdrai hla.

Tơdrông Tơ'bôh 8:2

Klaih kơ noh inh 'bôh tơpơh 'nu linh jang 'lơ̆ng mă juăt kơ dơ̆ng 'bơ̆t anăp 'Bok Kei-Dei, na lu sư dơ̆ng. Đe đei ăn kơ lu sư tơpơh tŏ keng.