Luka 20:24 - Sơ̆p Hlabơar Nơ̆r 'Bok Kei-Dei

²⁴ “Iĕm ăn kơ Inh minh hlak jên iĕm tơ âu wă kơ Inh lăng.” Lăp đe ei ăn, na Sư jet lu đe ei khan: “Rup bu âu? Anăn bu âu?” Lu sư khan: “'Noh rup Sêsar păng anăn Sêsar mơ̆n.”

Luka 20:24 ပူးပေါင်းရင်းမြစ်များ

Mathiơ 18:28

Bơngai mă hre kơ 'bok pơtao noh brŏk tơ hnam, sư tơ'bơ̆p minh 'nu bôl sư kư̆m jang kơ 'bok pơtao. Bôl sư hre kơ sư lăp minh hlak jên hu đĕch, mă-lei sư pơplŏng rôp ket ako bôl sư păng khan: ‘Duh tôm bĕ na inh achăng.’

Mathiơ 20:2

Sư chă đei boih na sư pơma tơdrong jên kơ lu bơngai wă jang kơ sư, minh năr minh hlak jên so sơ̆. Đơ̆ng noh na lu đe ei năm jang tơ mir hơmu sư.

Mathiơ 22:20

“Rup bu âu? Anăn bu âu?”

Markôs 12:16

Lu sư ăn kơ Sư lăng minh hlak jên na Yêsu khan kơ lu sư: “Rup bu âu? Anăn bu âu?” Lu sư khan: “'Noh rup Sêsar păng anăn Sêsar mơ̆n.”

Luka 2:1

Lăm sơnăm noh 'bok pơtao tơm đe Rôm, anăn sư Ôgut, chih hla bơar athei đe chă chih măt rim kon bơngai jơ̆p kơ tơring sư pơgơ̆r.

Luka 20:22

Na nhôn apinh Ih khan kơ nhôn, kiơ̆ kơ tơdrong juăt bơ̆n bơngai Juđê, bơ̆n hăm gơh ăn jên thuê̆ kơ Sêsar, pơtao đe Rôm mă pơgơ̆r bơ̆n dah ưh?”

Luka 20:23

Na Yêsu băt kơ lu đe noh wă plĕch-ploch kơ Sư na Sư khan kơ lu đe noh thoi âu:

Luka 20:25

Thoi noh na Yêsu khan: “Jên âu rup Sêsar tơpă na bơ̆n athei thuê̆ kơ sư yua kơ sư pơgơ̆r. Tơmam 'Bok Kei-Dei bơ̆n athei pơyơ̆r kơ 'Bok Kei-Dei yua kơ Sư tơgŭm ăn kơ bơ̆n.”

Luka 23:2

Lu sư jâu Yêsu 'bơ̆t anăp Pilat khan: “Nhôn 'bôh bơngai 'nâu boih pơchŭt đe kon tơring tơrang, Sư khă lu nhôn ưh kơ wă kơ nhôn ăn jên thuê̆ kơ 'bok pơtao bơ̆n Sêsar. Na Sư khan Sư kư̆m Pơtao mơ̆n, anăn Sư 'Bok Krist.”

Luka 3:1

'Bok Kei-Dei tơbăt kơ Yôhan mă kon Sachari nơ̆r Sư tơ char glă sơ̆. Kơplah noh sơ̆ 'bok Tiberi pơm pơtao tơm lu bơngai Rôm đei mơjĭt-pơđăm sơnăm boih. Bonsơ Pilat pơgơ̆r dêh char Juđê, na Hêrôt pơgơ̆r dêh char Galilê. Đơ̆ng noh dơ̆ng 'bok Philip, oh Hêrôt, sư pơgơ̆r dêh char Itur păng dêh char Trachônit. Na 'bok Lisan pơgơ̆r dêh char Abilen. Kơplah ei sơ̆ 'bok Ana păng 'bok Kaiphe oei pơm 'bok soi tơm đe Juđê.

Jang 11:28

Lăm lu sư ei đei minh 'nu bơngai anăn sư Abus. Lăp lu bơngai ei oei akŭm, Abus iung pơma. Na Yang Bơhngol 'Lơ̆ng ăn kơ sư khan lê̆ hơdrol gô đei tơdrong pơngot rơwĕt jơ̆p kơ teh đak. Na kơplah pơtao Klôt pơgơ̆r, kư̆m đei tơdrong pơngot rơwĕt.

Jang 26:32

Agripa khan kơ Phêtus: “Bơngai âu hơtai ki dah sư ưh kơ đei apinh wă năm tơ 'bok pơtao tơm Rôm lei ih gơh tơlĕch sư đơ̆ng hnam phak dang ei.”

Philip 4:22

Đĭ-đăng kơ lu kon 'Bok Kei-Dei tơ nhôn kư̆m hơdai jet gia pơma dơnuh hăm iĕm mơ̆n. Mă loi lu bơngai mă jang lăm hnam 'bok pơtao Sêsar lu sư apơi kơ iĕm dêh.