Luka 16:31 - Sơ̆p Hlabơar Nơ̆r 'Bok Kei-Dei

³¹ Na Abraham khan: ‘Dah lu sư ưh kơ wă mơ̆ng lu đe bơtho tơdrong 'Bok Kei-Dei pơkă păng tơdrong lu bơngai pơtruh nơ̆r 'Bok Kei-Dei, mă sư 'bôh bơngai iung arih đơ̆ng lôch, sư kư̆m ưh kơ lui 'mơ̆i.’ ”

Luka 16:31 ပူးပေါင်းရင်းမြစ်များ

Bl 9:27

Apinh Kră Yang 'Bok Kei-Dei pơih teh mă să kơ Japhet ăn kơ sư oei hơdai hăm Sem; gah Kanaan athei pơm đĭch lu sư.”

Luka 16:30

'Bok mơdrŏng ei khan: ‘Ơ Abraham ah, inh băt tơpă lu sư ưh kơ 'maih mơ̆ng ôh kơ đe bơtho. Mă-lei dah đei bơngai iung arih đơ̆ng lôch, lei lu sư gô tơbral kơdih tơdrong yoch tơpă.’

Luka 17:1

Yêsu khan kơ lu bơngai pơhrăm păng Sư thoi âu: “Tơpă yơh iĕm gô đei tơdrong đe pơhlŭ iĕm wă kơ iĕm pơm yoch, mă-lei lu bơngai mă pơhlŭ iĕm noh sư gô pơmat-tat.

Yo 5:47

Mă-lei dah iĕm ưh kơ lui kơ tơdrong sư chih roi, lơliơ iĕm gơh lui kơ nơ̆r Inh bơtho lĕ?”

Jang 19:8

Kơplah pêng khei Pôl bơtho tơ hnam akŭm bơngai Juđê tơ Pơlei Êphêsô. Sư bơtho đe nuih tơpă. Sư pơjah păng lu đe ei, sư bơtho tơdrong 'Bok Kei-Dei wă pơgơ̆r bơ̆n thoi yơ.

Jang 26:28

Agripa khan kơ Pôl: “Ih bơtho thoi noh ih ngêh kơ inh wă lui kơ Yêsu Krist dang ei hloi hă?”

Jang 28:23

Na Pôl hăm lu sư pơkă năr wă akŭm dơ̆ng. Truh năr ei boih lu sư lơ tơpă năm akŭm tơ hnam Pôl. Đơ̆ng pơgê truh kơsơ̆ Pôl bơtho lu sư gah tơdrong 'Bok Kei-Dei wă pơgơ̆r bơ̆n thoi yơ. Sư đŏk lăng đơ̆ng sơ̆p hla bơar tơdrong juăt Môis păng sơ̆p hla bơar lu bơngai pơtruh nơ̆r 'Bok Kei-Dei wă tơbăt kơ lu sư Yêsu boih 'Bok Dŏng Pơklaih tơpă.

II Kor 4:3

Tơ̆ng tơdrong 'nao 'lơ̆ng nhôn bơtho ưh kơ mơ̆t tơ jơhngơ̆m đon đe, noh jơhngơ̆m đon lu bơngai mă oei kơlŭk lum khăn, lu bơngai mă wă hiong răm.

II Kor 5:11

Nhôn băt hli kơ Kră Yang na nhôn bơtho khan kơ đe athei lui kơ Sư. 'Bok Kei-Dei băt kơ nhôn bơngai thoi yơ, inh tơchĕng iĕm kư̆m băt kơ nhôn bơngai thoi ei mơ̆n.