Luka 16:29 - Sơ̆p Hlabơar Nơ̆r 'Bok Kei-Dei

²⁹ Na Abraham khan kơ bơngai mơdrŏng 'nei: ‘Tơ ala teh đe oei bơtho kiơ̆ kơ tơdrong 'Bok Kei-Dei pơkă păng tơdrong lu bơngai pơtruh nơ̆r 'Bok Kei-Dei mơ̆n. Lu 'nhŏng oh ih oei gơh mơ̆ng đe bơtho tơdrong noh mơ̆n.’

Luka 16:29 ပူးပေါင်းရင်းမြစ်များ

Êsai 34:16

Chă lăng bĕ lăm sơ̆p hla bơar Kră Yang păng đŏk: Lăm lu kon sem 'nâu ưh kơ đei minh pôm sem ayơ mă ưh kơ đei, kư̆m ưh kơ đei minh pôm sem ayơ mă ưh kơ tôm hơgrop, yua kơ đơ̆ng 'bơ̆r Kră Yang pơkă bơih păng Yang Bơhngol Sư đei akŭm bơih lu sư.

Êsai 8:20

Kiơ̆ kơ khôi juăt păng nơ̆r tơbăt âu! Tơdah kon pơlei ưh kơ pơma thoi noh lei lu sư ưh kơ đei tơdrong hơdah ôh.

Je 6:16

Kră Yang khan: “Dơ̆ng bĕ tơ rok trong na răp lăng; Chă jet trong so, trong ayơ 'lơ̆ng yak kiơ̆ bĕ trong noh, Na chă ăn kơ bơhngol lu iĕm pơdơh hiôk.” Mă-lei lu sư khan: “Lu nhôn ưh kơ yak kiơ̆ ôh trong noh.”

Luka 16:16

“'Bok Kei-Dei pơkă ăn kơ bơ̆n tơdrong juăt Sư sơ̆ păng wơh lu bơngai pơtruh nơ̆r Sư lăp truh tơ Yôhan đĕch. Na đơ̆ng Yôhan pơtơm bơtho sơ̆ truh dang ei nhôn bơtho tơdrong 'nao 'lơ̆ng 'Bok Kei-Dei wă pơklaih kon bơngai đơ̆ng tơdrong yoch na pơgơ̆r lu sư, na đĭ-đăng bơngai wă tơpă kơ 'Bok Kei-Dei pơgơ̆r lu sư thoi noh.

Luka 24:27

Na đơ̆ng noh Yêsu tơblang kơ bre sư dôm tơdrong đơ̆ng sơ̆p hla bơar 'Bok Kei-Dei khan lê̆ hơdrol gah tơdrong Sư, mă đơ̆ng Môis mă truh tơ đĭ lu bơngai pơtruh nơ̆r 'Bok Kei-Dei sơ̆.

Luka 4:17

Đe ăn kơ Yêsu sơ̆p hla bơar Êsai, bơngai pơtruh nơ̆r 'Bok Kei-Dei adrol sơ̆. Na Yêsu plơ̆ lăng sơ̆p hla bơar ei 'bơ̆t mă đei chih thoi âu:

Jang 15:21

Gah tơdrong juăt Môis pơkă, lu bơngai Juđê bơtho tơdrong noh tơ rim pơlei mă đơ̆ng sơ̆. Lu sư đŏk sơ̆p hla bơar Môis tơ hnam akŭm rim kơ năr pơdơh.”

Galati 4:21

Iĕm khan wă kiơ̆ tôm tơdrong juăt Môis tơpă, na dang ei inh wă kơ iĕm đŏk lăng tôm kơ hla bơar tơdrong juăt Môis bĕ, wă kơ iĕm hlôh.