Luka 13:33 - Sơ̆p Hlabơar Nơ̆r 'Bok Kei-Dei

³³ “Mă năr âu, năr dơning, năr dơmônh Inh khŏm năm tơ Pơlei Jêrusalem 'mơ̆i. Lu nhôn bơngai pơtruh nơ̆r 'Bok Kei-Dei khŏm lôch kơ bơngai Pơlei Jêrusalem pơlôch ngăl.

Luka 13:33 ပူးပေါင်းရင်းမြစ်များ

Mathiơ 20:18

“Iĕm mơ̆ng bĕ, bơ̆n năm tơ Pơlei Jêrusalem. Tơ ei kơnh đe wă rôp Inh Kon Bơngai, jao kơ lu 'bok soi tih păng lu thây bơtho tơdrong juăt đe Juđê. Lu sư gô sek tơlang tơdrong Inh,

Mathiơ 21:11

Lu bơngai tơpôl kiơ̆ jơ̆ng Yêsu ei khan: “Sư 'noh Yêsu, Sư bơngai pơtruh nơ̆r 'Bok Kei-Dei, Sư đơ̆ng Pơlei Nasaret, dêh Galilê.”

Luka 9:53

Lăp Yêsu truh tơ pơlei ei lu kon pơlei pơla ưh kơ ăn Yêsu oei tơ pơlei sư. Lu sư hil yua kơ lu sư băt kơ Yêsu wă năm tơ Pơlei Jêrusalem.

Yo 11:54

Kơlih kơ thoi noh na Yêsu ưh pă wă năm trong 'ngoaih tơ'bôh akâu Sư tơ lăm dêh Juđê dơ̆ng boih. Sư năm đơ̆ng Pơlei Jêrusalem truh tơ jih glă. Tơ ei Sư oei tơ Pơlei Êpraim hơdai hăm lu bơngai pơhrăm păng Sư.

Yo 11:9

Na Yêsu khan thoi âu: “Huay ôh, lăm minh năr đei mơjĭt-'bar jơ dah kiơ? Na bu nơnăm yak kơ'năr sư 'noh huay kơ kơtơih ôh, kơlih kơ đei 'năr pơchrang hơdah tơ ala teh âu.

Yo 12:35

Na Yêsu khan kơ lu sư gah akâu Sư kơdih: “Măt 'năr oei pơchrang tơ'bôh ăn kơ iĕm ưh pă đunh boih. Na iĕm athei dah lui kơ Inh dang ei kơplah Inh oei tơ âu, hli kơ măng mu klơ̆p măt iĕm; yua kơ bơngai bu nơnăm lăm măng mu, bơngai 'noh sư ưh kơ 'bôh trong.

Yo 4:34

Yêsu khan kơ lu sư: “Tơmam sa Inh jơ̆ Inh athei pơm kiơ̆ kơ 'Bok Kei-Dei wơh Inh jang mă keh tơdrong Sư. 'Noh boih tơmam sa Inh.

Yo 9:4

“Dang ei oei 'năr, na bơ̆n athei jang tơdrong 'Bă Inh mă wơh Inh. Dah 'năr mơ̆t boih, ưh kơ đei bu gơh jang dơ̆ng.

Jang 10:38

'Bok Kei-Dei ăn kơ Yêsu đơ̆ng Pơlei Nasaret Yang Bơhngol 'Lơ̆ng tơgŭm Sư pơm tơdrong mơsêh mơyang. Yêsu năm chă tơgŭm đe păng pơklaih đĭ-đăng bơngai đơ̆ng yang Satan pơđep. Yêsu gơh pơm thoi noh yua kơ 'Bok Kei-Dei tơgŭm Sư.

Jang 13:27

Lu bơngai Pơlei Jêrusalem păng lu kră pơgơ̆r bơngai Juđê, lu sư ưh kơ kơnăl kơ Yêsu 'Bok Dŏng Pơklaih ôh. Rim năr pơdơh Sa'bat lu sư kơtơ̆ng đe đŏk sơ̆p hla bơar lu bơngai khan lê̆ hơdrol gah Yêsu sơ̆. Mă-lei lu sư ưh kơ hlôh ôh. Lu sư pơma jâu wă pơlôch Yêsu đĕch, na 'blep thoi lu bơngai khan lê̆ hơdrol sơ̆ tơpă.