Luka 13:28 - Sơ̆p Hlabơar Nơ̆r 'Bok Kei-Dei

²⁸ Na lu iĕm gô hmoi tơkăp hơnĕnh pơmat-tat, yua kơ iĕm gô 'bôh Abraham, Isăk, Jakôp păng đĭ-đăng lu bơngai pơtruh nơ̆r 'Bok Kei-Dei sơ̆ tơ dêh char 'Bok Kei-Dei ning-mônh, mă-lei iĕm ưh kơ gơh năm tơ ei ôh.

Luka 13:28 ပူးပေါင်းရင်းမြစ်များ

Horiso 112:10

Lu ayăt gô 'bôh păng blĕk tơpă. Kăp hơnĕnh, đơ̆ng noh lôch hiong đĭ, Tơdrong lu bơngai pơm kơnê̆ hơpơi gô ưh kơ đei.

Mathiơ 13:42

na klơ̆m tŭk lu sư tơ dơnâu ŭnh, lê̆ lu sư nhơ̆m hmoi tơkăp sơnĕnh tơ noh.

Mathiơ 13:50

tơlơ̆ tŭk lu sư tơ dơnâu ŭnh, lê̆ lu sư nhơ̆m hmoi kăp sơnĕnh tơ noh.”

Mathiơ 22:13

Na 'bok pơtao athei lu bơngai jang kơ sư chô̆ jơ̆ng ti bơngai noh tơlơ̆ tŭk tơ anih măng mu lê̆ sư nhơ̆m hmoi tơkăp sơnĕnh tơ noh.”

Mathiơ 24:51

Yŏng sư gô phak pơlôch sư, ăn kơ sư oei hơdai hăm dôm lu bơngai pơm ưh kơ tơpăt, lê̆ sư nhơ̆m hmoi tơkăp sơnĕnh tơ noh.

Mathiơ 25:30

Na dang ei iĕm hiŏng hơtat bơngai mă ưh kơ yua âu tơ anih 'ngoaih măng mu, lê̆ sư nhơ̆m hmoi tơkăp sơnĕnh tơ noh.’

Luka 10:15

Bĭ iĕm ơ Pơlei Kapernum, iĕm tơchĕng iĕm tih dang yơ, iĕm tih atŏ truh tơ plĕnh ti hă? Mă-lei 'Bok Kei-Dei wă tơhuŏng lê̆ iĕm truh tơ dơnâu ŭnh sŭng.”

Luka 14:15

Lăm minh 'nu mă oei sŏng sa hơdai Yêsu kơtơ̆ng thoi noh na khan kơ Yêsu: “Dôm lu bơ̆n mă sŏng sa tơ dêh char 'Bok Kei-Dei ning-mônh, hiôk dêh yơh.”

Luka 16:23

Sư oei lăm dơnâu ŭnh tŏ hang tơpă. Na sư ngoi 'bôh Abraham tơ plĕnh ti păng kư̆m 'bôh Lasarơ oei jê̆ Abraham mơ̆n.

II Tes 1:5

Bơ̆n đei tơdrong gleh đe areh kơ bơ̆n kơlih kơ bơ̆n wă mơ̆t tơ dêh char Sư, mă-lei bơ̆n khŏm adrin lui 'mơ̆i; thoi noh, bơ̆n băt kơ 'Bok Kei-Dei sek tơlang tơpăt, Sư jô̆ lu bơ̆n âu boih trŏ kơ wă mơ̆t tơ lăm dêh char Sư.

II Pet 1:11

Thoi noh na 'Bok Kei-Dei pơchoh kơ bơ̆n trong să, ăn kơ bơ̆n tŏk oei tơ dêh char Yêsu Krist pơgơ̆r ling-lang hloi, yua kơ Yŏng bơ̆n Yêsu Krist dŏng pơklaih bơ̆n.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”

Tơdrông Tơ'bôh 22:15

Lu bơngai pơm kơnê̆, lu bơngai pơm pơjâu chă sol đe, lu bơngai pơm pơyô kư̆ kă, lu bơngai pơlôch đe, lu bơngai kơkuh kơ yang nai păng dôm lu bơngai mă hơlĕnh kơ đe ưh kơ gơh mơ̆t ôh.