Luka 12:24 - Sơ̆p Hlabơar Nơ̆r 'Bok Kei-Dei

²⁴ Iĕm lăng sem ak, sư ưh kơ đei pơtăm 'ba, ưh kơ đei kĕch 'măn lê̆ tơ pơk ôh, mă-lei 'Bok Kei-Dei kư̆m oei hiĕm 'me sư mơ̆n. Pơma kiơ kơ iĕm, 'Bok Kei-Dei 'mêm kơ iĕm hloh kơ lu sem păr tơpă.

Luka 12:24 ပူးပေါင်းရင်းမြစ်များ

Jop 35:11

Sư ăn kơ lu bơ̆n đei đon hơgei hloh kơ lu sem brem, Ăn kơ lu bơ̆n gơh hơgei hloh kơ lu sem păr.”

Jop 38:41

Bu chă tơmam sa ăn kơ ak; Kơplah hơnar sư krao ôr apinh Kră Yang 'Bok Kei-Dei, Dah păr wơ̆t wih to âu yua kơ ưh kơ đei tơmam sa?

Horiso 147:9

Asong ăn tơmam sa kơ kon sem brem păng kơ kon ak mưh sư hmoi.

Mathiơ 10:31

Thoi noh na iĕm 'nĕ kơ hli, 'Bok Kei-Dei 'mêm kơ iĕm hloh kơ Sư 'mêm kơ sem rĕch.

Mathiơ 3:12

'Bok ei sek tơlang kon bơngai thoi lĕ kơ Sư chĕp minh hlak kơđum wă um tŭk đĭ dôm lu 'ba bo. Na Sư iŏk lu 'ba liĕng wă tah lê̆ lăm kŭ 'ba Sư. Na dôm lu 'ba bo noh Sư wă soh tŭk đĭ tơ ŭnh mă ưh kơ layơ păt.”

Mathiơ 6:26

Iĕm lăng lu sem păr, sư ưh kơ đei pơtăm 'ba, ưh kơ đei kĕch 'măn lê̆ tơ kŭ ôh, mă-lei 'Bă bơ̆n mă oei tơ plĕnh ti kư̆m hiĕm 'me sư mơ̆n. Pơma kiơ kơ iĕm, 'Bă bơ̆n tơ plĕnh ti Sư 'mêm kơ iĕm hloh kơ lu sem păr tơpă.

Markôs 6:26

Lăp pơtao Hêrôt kơtơ̆ng thoi noh sư sơ'ngon dêh. Mă-lei đêl nơ̆r sư pơkă hơdrol mah hiap akâu sư kơdih 'bơ̆t anăp lu bơngai et sa, sư ưh pă gơh lê̆ yua kơ sư pơkă kơ adruh ei boih.

Luka 12:18

Sư khan: ‘Inh wă yuih pơk 'ba inh so âu, na pơm ming plơ̆ng mă tih hloh dơ̆ng. Klaih kơ noh na inh tah akŭm đĭ-đăng mŭk tơmam păng 'ba inh.

Luka 12:23

'Bok Kei-Dei gơh pơjing iĕm arih, Sư kư̆m băt ăn kơ iĕm tơmam sa mơ̆n, Sư kư̆m băt ăn kơ iĕm hơbĕn ao hrŭk mơ̆n.

Luka 12:7

Mă sŏk bơ̆n 'Bok Kei-Dei kư̆m jô̆ băt tôm. Thoi noh na iĕm 'nĕ kơ hli. 'Bok Kei-Dei 'mêm kơ iĕm hloh kơ sư 'mêm kơ sem rĕch.