Luka 10:31 - Sơ̆p Hlabơar Nơ̆r 'Bok Kei-Dei

³¹ Đơ̆ng rŏng 'biơ̆ kơ noh đei minh 'nu 'bok soi Juđê năm rok trong noh 'bôh sư ră, mă-lei sư năm yoh đĕch.

Luka 10:31 ပူးပေါင်းရင်းမြစ်များ

II Sam 1:6

Bơngai tơdăm ei tơl: “Lăp inh năm rok trong kông Gilbôa,” na inh 'bôh Sôl oei 'bĭch hơgrop hăm tơju sư, gre hăm lu linh ayăt druh wă jê̆ sư.

Horiso 142:4

Ih lăng gah 'ma kơ inh 'bôh ưh kơ đei bu băt 'blŏk kơ inh; Inh kư̆m pă đei anih ayơ wă ôn kơ'nơp. Ưh kơ đei bu hiơ̆k tơdrong arih inh.

Horiso 69:20

Inh pơmat-tat dêh, jơhngơ̆m inh pơchah yua kơ tơdrong mơlâu. Inh oei chang bơngai mơnat kơ inh, mă-lei ưh kơ đei bu; Inh chang đei bơngai pơlung, mă-lei ưh đei 'bôh bu.

Tơdrông Pơđơk 21:13

Bơngai bu chĭt đon kuă kơ mơ̆ng nơ̆r lu bơngai dơnuh hin krao ôr, Bơngai noh đe kư̆m kuă kơ mơ̆ng drơ̆ng nơ̆r sư krao ôr mơ̆n.

Bôk Bơthô 9:11

Inh 'bôh dơ̆ng đei tơ lăm ala teh 'nâu. Bơngai kơdâu hrĕnh kư̆m ưh kơ jei sư ling-lang lăm năr kơdâu pơjei, bơngai pran kư̆m ưh kơ kĕ tơblah jei ngăl, bơngai hơgei kư̆m ưh kơ đei tơmam sa phĭ mah ngăl, bơngai hlôh wao kư̆m ưh kơ mơdrŏng ngăl, bơngai đei 'bơ̆r đon kư̆m ưh kơ đei pŭn hiôk, yua kơ jơ lăp gô truh kơ đĭ-đăng rim bơngai lei-lăi.

Êsai 58:7

Hăm trŏ kơ ih athei asong tơmam sa kơ lu bơngai pơngot rơwĕt, chông ba lu bơngai dơnuh hin ưh kơ đei hnam wih tơ lăm hnam iĕm kơdih, lăp iĕm 'bôh bơngai akâu hoh athei pơhrŭk ăn, păng 'nĕ kơ weh muh măt ưh kơ lăng lu 'nhŏng oh minh sĕch akar lu iĕm kơdih, dah kiơ?

Je 5:31

Lu bơngai khan lê̆ adrol pơma hơlĕnh, lu 'bok soi pơgơ̆r kiơ̆ thoi lu sư gơh kơdih, lu kon pơlei Inh lăp dêh kơ tơdrong thoi noh. Mă-lei truh năr tôch kơnh lu iĕm gô pơm thoi yơ?”

Hôsia 5:1

“Ơ lu 'bok soi, mơ̆ng bĕ lu tơdrong 'nâu. Ơ bơngai Isơrael, pơgling đon bĕ! Răp mơ̆ng bĕ, ơ bơngai lăm hnam pơtao! Tơdrong sek tơlang âu 'bơm trŏ kơ lu iĕm, yua kơ lu iĕm thoi hơđong hơ'năk lê̆ boih tơ pơlei Mispa; păng thoi hơnhuăl dăng boih tơ kông Tabôr.

Hôsia 6:9

Thoi lu bơngai kơnê̆ răp lu bơngai yak rok trong ei, lu 'bok soi kư̆m wang pơm; thoi noh mơ̆n lu sư pơlôch bơngai rok trong năm tơ pơlei Sichem, tơpă lu sư pơm boih tơdrong kơnê̆ dêh!

Malachi 1:10

“Hơpơi rŏ kơ đei minh 'nu lăm lu iĕm tang 'măng, wă kơ lu iĕm huay tơ̆k ŭnh tơdrong kơđei tơ kơpal gơ'bang soi Inh,” Kră Yang Tih Hloh khan thoi noh. “Inh ưh kơ đei jơhngơ̆m hiôk lăp đon kơ lu iĕm păng Inh ưh kơ wă đei iŏk minh tơmam soi pơyơ̆r kiơ đơ̆ng ti lu iĕm.

Luka 10:30

Yêsu khan kơ sư pơtih gia thoi âu: “Đei minh 'nu bơngai Juđê yak đơ̆ng Pơlei Jêrusalem wă năm tơ Pơlei Jêrikô. Kơplah sư năm rok trong sư tơ'bơ̆p lu bơngai răp tơgar. Na lu bơngai răp tơgar ei tơgar iŏk jên tơmam hơbĕn ao sư đĭ păng teh sư rơka jĭ jơ̆p-jang kơ akâu. Klaih kơ noh lu bơngai noh kơdâu weh achăng kơdrô̆ sư lôch mol 'bơ̆t noh.

Luka 10:32

Đơ̆ng rŏng kơ noh dơ̆ng đei minh 'nu bơngai Juđê khŭl đe Lêwi mă jang tơ hnam akŭm 'Bok Kei-Dei tơm, sư kư̆m năm rok trong noh mơ̆n 'bôh sư ră, sư kư̆m năm yoh đĕch.

Ru 2:3

Thoi noh na Rut năm mok druh kiơ̆ đơ̆ng rŏng đe yuă 'ba lăm minh hlak mir ei. Sư chă mok noh trŏ kơ mir 'Bôô, kơtum Êlimêlek.