Luka 10:13 - Sơ̆p Hlabơar Nơ̆r 'Bok Kei-Dei

¹³ Yêsu khan dơ̆ng thoi âu: “Ơ Pơlei Chơrasin, iĕm gô đei tơdrong pơmat tơpă ning-mônh. Ơ Pơlei 'Betsaiđa, iĕm kư̆m đei tơdrong pơmat tơpă mơ̆n ning-mônh. Dah Inh pơm lơ tơdrong mơsêh mơyang tơ Pơlei Tirơ hăm Pơlei Siđôn dang Inh pơm tơ pơlei iĕm ki, lei 'bar tŏ pơlei noh tơbral kơdih tơdrong yoch 'bônh đĕch, lu sư hrŭk hloi ao 'bi păng iŏk hloi tơnuh ŭnh pik tơ akâu lu sư wă kơ đe băt kơ lu sư sơ'ngon kơ tơdrong yoch lu sư tơpă. Mă-lei lu iĕm âu phara dêh, iĕm ưh kơ băt tơbral thoi noh.

Luka 10:13 ပူးပေါင်းရင်းမြစ်များ

Jop 42:6

Yua kơ thoi noh, inh mơlâu dêh kơ tơdrong inh pơma păng apinh tơbral lăm 'mui tơnuh.

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Êsêkiên 26:1

Lăm sơnăm tăl mơjĭt-mônh, năr blŭng-a lăm khei, Kră Yang khan kơ inh:

Da 9:3

Inh lăng tơ Kră Yang 'Bok Kei-Dei, noh Kră Yang 'Bok Kei-Dei, inh krao khan, hơpơi apinh păng ơ̆t kơ sŏng sa, hrŭk ao 'bi, pung tơnuh tơ kơ̆l na krao chă.

Am 1:9

Kră Yang khan: Yua kơ đơ̆ng kon pơlei Tirơ pơm yoch rai kơnê̆ hloh kơ adrol, thoi ei na Inh ưh kơ lê̆ ôh wă phak lu sư; yua kơ lu sư jao boih đĭ-đăng kon pơlei kơ kon pơlei Eđôm, ưh pă 'blŏk kơ tơdrong pơgơ̆p băl tơduă 'nhŏng oh.

I Tim 4:2

Lu yang kơnê̆ wơh lu bơngai hơlĕnh chă bơtho tơdrong sư. Đon lu bơngai ei ưh pă tơchĕng đon 'lơ̆ng dơ̆ng boih.

Tơdrông Tơ'bôh 11:3

Na inh wă ăn 'bar 'nu bơngai hrŭk ao 'bi năm chă pơtruh kơ đe tơdrong 'Bok Kei-Dei kơplah lăm minh-rơbâu 'bar-hrĕng tơdrâu-jĭt năr.”