Luka 1:64 - Sơ̆p Hlabơar Nơ̆r 'Bok Kei-Dei

⁶⁴ Na 'bă sư Sachari gơh pơma hloi, na sư ư-ang 'Bok Kei-Dei.

Luka 1:64 ပူးပေါင်းရင်းမြစ်များ

Horiso 51:15

Ơ Kră Yang! Apinh Ih pơih 'bơ̆r inh. Na 'bơ̆r inh gô hơri bơnê kơ Ih.

Le 4:11

Kră Yang khan dơ̆ng: Bu pơjing kơ 'bơ̆r adrĕch kon bơngai? Dah bu pơm kơmlo, pơm klĭk, pơm kơ măt hơdah păng ưh kơ bang? Hăm trŏ kơ Inh Kră Yang?

Êsai 12:1

Lăm năr noh ih gô khan: “Ơ Kră Yang inh bơnê kơ Ih. Mă khan Ih hil mĭl kơ inh ră, mă-lei tơdrong Ih hil mĭl ưh pă đei bơih păng Ih pơlung inh bơih.

Je 1:9

Kră Yang yơ̆r ti Sư pel 'bơ̆r inh, Kră Yang khan kơ inh: “Âu, Inh dan boih nơ̆r Inh lăm 'bơ̆r ih.”

Êsêkiên 29:21

Lăm năr noh, Inh gô ăn kơ adrĕch adrung Isơrael, chăt hơke jing pran thoi sem brem păng Inh gô ăn kơ ih Êsêkiên gơh pơih 'bơ̆r pơma tŏk-bŏk lu sư; na lu sư gô băt Inh boih Kră Yang.”

Êsêkiên 3:27

Mă-lei mưh Inh khan kơ ih, Inh pơih 'bơ̆r ih păng Ih gô khan kơ lu sư, Kră Yang tih hloh khan thoi âu: Bu mơ̆ng athei mơ̆ng bĕ, bu sơngah kuă kơ mơ̆ng, lê̆ sư sơngah yua kơ lu sư adrĕch adrung ayăt plơ̆.

Êsêkiên 33:22

Ti Kră Yang dan kơpal inh gah kơsơ̆ adrol kơ bơngai năm roi noh truh; Sư ăn kơ inh gơh pơma dơ̆ng adrol kơ bơngai noh truh tơ inh kiơ̆ pơgê, 'bơ̆r inh gơh pơma pă kơmlo dơ̆ng.

Mathiơ 9:33

Na Yêsu pơpuh yang kơnê̆ ei lĕch đơ̆ng akâu bơngai noh na bơngai noh gơh pơma hloi. Đĭ-đăng lu bơngai tơpôl oei kiơ̆ ei lăng hlĭch, na lu sư khan: “Dêh char Isơrael bơ̆n đơ̆ng sơ̆ ưh kơ đei bu gơh pơm tơdrong mơsêh mơyang thoi âu ôh ii?”

Luka 1:20

mă-lei ih khan ưh kơ lui kơ inh. Ning-mônh ih gô 'bôh tơpă. Yua kơ ih ưh kơ lui na ih jing ưh kơ gơh pơma đơ̆ng dang ei truh kơ năr ih 'bôh tơdrong inh roi ăn kơ ih hei.”