Lu 9:27 - Sơ̆p Hlabơar Nơ̆r 'Bok Kei-Dei

²⁷ Na lu sư năm tơ mir phĕ plei 'long hơmu chơpĕt iŏk đak hơmu wă et sa. Lu sư mơ̆t lăm hnam yang lu sư, et sa tih na pơma kơnê̆ pơjăm Abimêlek.

Lu 9:27 ပူးပေါင်းရင်းမြစ်များ

Horiso 109:17

Sư 'maih blei hiap, Thŭ blei hiap plơ̆ tơ lu sư; kư̆m ưh kơ 'maih wă sơkat đei pŭn hiôk; Thŭ tơdrong pŭn hiôk ataih đơ̆ng lu sư.

Le 32:19

Lăp sư truh jê̆ anih kon pơlei, sư 'bôh kon rơmo, hăm lu bơngai oei yŭn suang. Môis 'blut ơh blĕk hloi, klaih kơ noh sư hơtat lê̆ gơ'bang pơgơ̆p noh đơ̆ng ti sư tơ jơ̆ng kông, gơ'bang noh pơchah hloi.

Le 32:6

Pơgê dơning lu sư iung đơ̆ng hrôih, klaih kơ noh lu sư pơyơ̆r tơmam soi 'buh, hăm tơmam soi 'blŏk bơnê, lu kon pơlei pơla hơ-oei, wă sa et, đơ̆ng noh lu sư iung hơnul pơchơt.

Je 25:30

“Gah ih, roi tơbăt lê̆ bĕ dôm nơ̆r wă blah lu sư âu păng khan: ‘Kră Yang gô ôr tơkĕch đơ̆ng anih tơ kơpal; đơ̆ng anih 'lơ̆ng rơgoh Sư, sư gô ôr kơtang wă pơm kơ teh Sư, ôr jreo tơkĕch thoi đe pơjuă plei hơmu, Sư blah pơm kơ đĭ-đăng kon bơngai oei kơpal teh đak âu.

Da 5:23

Mă-lei pôk kơdih akâu blah Kră Yang kơpal plĕnh păng iŏk pơđĭ lu kơchŏk pơnhan hu maih đơ̆ng hnam akŭm Kră Yang păng yua huch tơdrô hơdai hăm lu yŏng lăm hnam pơtao, lu akăn tơm, akăn kơnhŏng pơtao. Pơtao kư̆m kơkuh kơ rup yang pơm păng hu păng maih păng kong păng mam păng 'long păng tơmo; lu yang mă đei măt mă ưh kơ gơh 'bôh, đei đon mă ưh kơtơ̆ng ưh kơ băt kiơ păng pơtao ưh kơkuh kơ Kră Yang 'Bok Kei-Dei Sư boih Yang Tơ'ngla mă chĕp tơdrong arih păng tôm lu trong gơlong pơtao pơm.

Hôsia 7:14

Lu sư ưh kơ đei krao ôr chơchă Inh đơ̆ng lăm jơhngơ̆m, mă-lei lu sư oei ôr krao kơtă kơpal giơng tep lu sư, lu sư akŭm pơpôi 'ba păng sik hơmu păng lu sư achăng lê̆ Inh boih.

Lêwi 24:11

Kon bơngai drŏ-kăn Isơrael noh pơma blông păng hiap kơ anăn Kră Yang đe chông ba sư tơ Môis. Anăn mĕ sư Sôlômit, kon yă Dibri, đơ̆ng adrĕch adrung Đan.

Lu 16:23

Kơplah 'noh lu yŏng pơgơ̆r Philistin akŭm đĭ-đăng bơngai Philistin wă pơyơ̆r tơmam soi tih ăn kơ yang Dagôn, yang tih lu sư. Hiôk chơt dih băl, lu sư khan: Yang bơ̆n pơjao boih Samsơn lăm tơpang ti lu bơ̆n, sư bơngai ayăt kơ bơ̆n.

Lu 8:33

Lăp đơ̆ng rŏng kơ Giđêôn lôch, lu bơngai Isơrael wơ̆t pơm kơnê̆ dơ̆ng kơkuh kơ yang Baal; lu sư kơkuh kơ yang Baal Bêrit pơm yang lu sư.

Lu 9:26

Kơplah Gaal kon drŏ-nglo Êbêt năm hơdai hăm 'nhŏng oh sư oei tơ pơlei Sichem. Lu bơngai lăm pơlei Sichem đei jơhngơ̆m lui gơnang kơ sư.

Lu 9:4

Lu sư ăn kơ Abimêlek tơpơh-jĭt hlak hu iŏk đơ̆ng lăm hnam yang Baal Bêrit; Abimêlek iŏk jên noh chă apah kơ lu bơngai răm-'băm pơm kư̆ kă kiơ̆ sư.

Lu 9:46

Kơplah lu kon pơlei oei lăm hnam thôt pơlei Sichem kơtơ̆ng thoi noh na lu sư mơ̆t tơ lăm kơđông kơjăp hnam yang El Bêrit.

I Sam 17:43

Bơngai Philistin khan kơ Đawit: Inh ưh kơ sĭ kơ kŏ na ih chĕp 'long băl năm tơ inh? Bơngai Philistin yua anăn yang lu sư na hiap Đawit.