Lu 6:38 - Sơ̆p Hlabơar Nơ̆r 'Bok Kei-Dei

³⁸ Tơdrong noh đei truh tơpă thoi noh; truh pơgê đơ̆ng rŏng Giđêôn iung đơ̆ng hrôih iŏk wĕnh akar sŏk triu, đơ̆ng tŭk jur na đei đak 'bĕnh kơ pơnhan.

Lu 6:38 ပူးပေါင်းရင်းမြစ်များ

Êsai 35:7

Teh chuơh tŏ gô jing dơnâu, teh hrĕng kro gô đei tu đak mơlĕch lơ. Anih đêl kŏ bri oei gô jing đei 'nhĕt gơlăr păng trang.

Lêwi 1:15

'Bok soi gô chĕp ba sem noh tơ chơnang soi, wĕch kơ̆l sư, na phang tơ kơpal chơnang soi; pham sư tơdjoh cheng chơnang soi.

Lu 6:37

na 'nâu inh gô lê̆ akar sŏk triu tơ anih đe pơjuă 'ba; tơdah tŭk jur kơpal sŏk triu đĕch mă-lei tơ teh oei hrĕng kro, noh lei na inh gô băt kơnăl kơ Ih wă yua inh dŏng pơklaih lu bơngai Isơrael thoi Ih đei pơkă boih.

Lu 6:39

Giđêôn pơma dơnuh dơ̆ng hăm Kră Yang 'Bok Kei-Dei: Apinh ih 'nĕ kơ hil mĭl kơ inh; ăn kơ inh pơma hăm Ih hơya pă minh wơ̆t đơ̆ng; ăn kơ inh pơlong lăng hăm akar sŏk triu pă minh wơ̆t đơ̆ng. Apinh Ih ăn kơ akar sŏk triu hrĕng kro, mă-lei lê̆ tŭk ngom jur gom jơ̆p kơ teh.