Lu 6:31 - Sơ̆p Hlabơar Nơ̆r 'Bok Kei-Dei

³¹ Mă-lei Jôas tơl tơwih kơ lu bơngai wă pơm kơnê̆ hăm sư: Lu iĕm wă blah dŏng yang Baal hă? Lu iĕm wă dŏng sư dah kiơ? Bơngai bu wă blah dŏng sư gô lôch pơgê 'nâu. Dah Baal yang tơpă, lê̆ kơ sư năm tơblah kơdih bĕ, yua kơ chơnang soi sư đe pơrăm boih to.

Lu 6:31 ပူးပေါင်းရင်းမြစ်များ

I Pot 18:27

Truh năr dơ̆ng bơih Êli che bơle kơ lu sư khan: “Iĕm krao mă rơ̆n wăi, sư yang tơpă wăi. Băt Sư oei tơchĕng, băt sư oei krŭl tơ nai păng băt sư oei chă ngôi tơ ataih, dah mă oei tep, iĕm râu sư wăi.

I Pot 18:29

Lăp 'năr kơsơ̆ glơh bơih lu sư krao ôr 'bơ̆r re păng truh jơ pơyơ̆r tơmam soi phe 'ba ăn kơ yang Baal 'bơ̆t jơ kơsơ̆ ei bơih, mă-lei ưh kơ kơtơ̆ng nơ̆r kiơ, kư̆m ưh kơ đei bu tơl păng ưh kơ đei bu mă hiơ̆k ăn.

I Pot 18:40

Êli khan kơ lu sư: “Rôp bĕ đĭ lu bơngai khan lê̆ adrol gah yang Baal, 'nĕ kơ ăn minh 'nu bơngai ayơ klaih.” Lu sư rôp hloi lu bơngai 'noh. Êli chông ba lu sư jur tơ thong đak Kisôn păng pơlôch đĭ lu sư tơ noh.

Le 23:2

Ih 'nĕ kơ grê kiơ̆ lu bơngai tơpôl lơ wă pơm tơdrong kơnê̆ ôh, tơdah ih wă dơ̆ng pơm kơdranh roi tơdrong kiơ, ih 'nĕ kơ druh kiơ̆ bơngai tơpôl wă 'bơ̆ lê̆ tơdrong tơpăt.

Êsai 41:23

Roi bĕ kơ lu nhôn dôm tơdrong gô truh đơ̆ng rŏng kơnh, wă kơ lu nhôn băt kơ lu iĕm jơ̆ lu yang, pơm tơ'bôh bĕ tơdrong 'lơ̆ng dah tơdrong kơnê̆ wă kơ lu nhôn chhưu jơhngơ̆m păng lăng 'bôh hlĭch hlăch.

Êsai 46:1

Yang Bel kŭp kơ̆l, yang Nêbô drap, rup yang noh lu sư chơ kơpal rŏng lu sem brem, sem dơrong. Lu rup yang mă lu iĕm juăt kơ tung trăp dêh, pơm kơ lu sem brem chơ sư trăp pă kĕ.

Êsai 46:7

Lu sư tôi rup yang noh tơ hơngiĕng tung ba pơdơ̆ng 'bơ̆t anih sư, na yang noh dơ̆ng minh 'bôt 'bơ̆t doh, ưh kơ gơh weh tơ anih tơ nai. Tơdah đei bu krao khan: Yang noh ưh kơ gơh tơl tơwih păng ưh kơ gơh dŏng lu sư đơ̆ng tơdrong anat anot.

Je 10:11

'Nâu, khan bĕ kơ lu sư: Lu yang âu ưh kơ pơjing plĕnh teh ôh. Lu sư gô hiong tôch ala plĕnh kơpal teh âu đĕch.”

Je 10:5

Rup yang lu sư nhen thoi ngu hơtol kơ sem lăm pơgar pia mơkai; Ưh kơ gơh pơma; đe tung đĕch, yua kơ ưh kơ gơh nơnăm. 'Nĕ kơ hli kơ lu rup yang noh, yua kơ lu sư ưh kơ gơh pơrăm bơ̆n ôh, kư̆m ưh kơ gơh pơm 'lơ̆ng kơ bơ̆n mơ̆n.

Jo 14:6

Jôsuê kon drŏ-nglo Nun păng Kalep kon drŏ-nglo Jêphunê bre sư kư̆m lăm lu bơngai năm chop dăr lăng char noh, hek ao bre sư kơdih.

I Kor 8:4

Thoi noh na gah tơdrong sa tơmam đe sơmah kơ yang bơ̆n băt mơ̆n rup yang ưh kơ sĭ yang tơpă ôh. Mă tơpă bơ̆n băt kơ minh 'nu đĕch Kră Yang Tih Hloh.

Êphêsô 5:11

Iĕm 'nĕ pă kiơ̆ tơdrong măng mu, tơdrong noh tơdrong ưh kơ yua kơ bơ̆n. Bơ̆n athei tơbăt kơ đe tơdrong yoch noh mơ̆n.

Lu 6:30

Lu kon pơlei pơla khan kơ Jôas: Ăn kon ih lĕch, sư gô lôch yua kơ sư pơrăm chơnang soi kơkuh kơ yang Baal păng kăl tơpăk lê̆ gơ̆ng rup yang Asêra cheng noh hai.

Lu 6:32

Thoi noh lăm năr noh đe krao Giđêôn Jêrup Baal, yua kơ đêl khan, thôi lê̆ kơ yang Baal tơblah hăm 'bok noh. Yua kơ Giđêôn đei pơrăm boih chơnang soi sư!

I Sam 12:11

Kră Yang wơh hĭ Jêrup Baal, Barak, Jeptha păng Samuel; lu sư dŏng pơklaih lu iĕm đơ̆ng ti lu ayăt tăp dăr kơ lu iĕm, ăn kơ lu iĕm oei arih hiôk-hian.