Lu 6:25 - Sơ̆p Hlabơar Nơ̆r 'Bok Kei-Dei

²⁵ Kŭm lăm măng noh, Kră Yang khan kơ Giđêôn: Rôp iŏk bĕ kon rơmo dăm 'bă ih păng rôp minh pôm kon rơmo dăm mă 'bar đei tơpơh sơnăm; na pơrăm lê̆ bĕ chơnang soi kơkuh kơ yang Baal. Păng kăl kơ tơpăk lê̆ bĕ gơ̆ng rup yang Asêra 'bơ̆t cheng chơnang soi noh.

Lu 6:25 ပူးပေါင်းရင်းမြစ်များ

Bl 35:2

Jakôp sư roi hloi kơ kon akăn sư hăm lu bơngai năm hơdai sư thoi âu: Hŭt lê̆ bĕ dôm lu rup man pơm yang đơ̆ng lu dêh tơmoi, na hum 'nhao wă kơ bơ̆n rơgoh 'lơ̆ng păng tơplih bĕ hơbĕn ao iĕm.

I Pot 18:21

Đơ̆ng noh Êli năm dơ̆ng 'bơ̆t anăp lu kon pơlei pơla păng khan: Lu iĕm năm ting bơring kiơ̆ 'bar pah trong 'nâu dĭng dang yơ? Tơdah Kră Yang 'Bok Kei-Dei lei iĕm athei kiơ̆ Kră Yang, tơdah Baal jơ̆ Kră Yang 'Bok Kei-Dei lei iĕm athei kiơ̆ Sư. Mă-lei lu kon pơlei pơla ưh kơ đei tơl sư minh nơ̆r.

Jop 22:23

Tơdah ih wih dơ̆ng tơ Kră Yang Tih Hloh, lei ih gô gơh đei hơmet ming dơ̆ng. Tơdah ih hŭt lê̆ tơdrong kơnê̆ ataih đơ̆ng anih bơsŭn ih.

Horiso 101:2

Inh gô kơchăng oei arih sa trŏ 'lơ̆ng. Dang yơ Ih wă truh tơ inh? Inh gô iŏk jơhngơ̆m tơpăt na oei sa lăm hnam inh.

Le 34:13

Ih athei pơrăm lê̆ chơnang soi teh pơchah lê̆ gơ̆ng păng kăl tơpăk lê̆ rup yang Asêrim lu sư.

Mathiơ 10:37

“Bu 'mêm kơ mĕ 'bă sư hloh kơ sư 'mêm kơ Inh, bơngai 'noh ưh kơ trŏ kơ tơbôl hăm Inh ôh. Bu 'mêm kơ kon sư hloh kơ sư 'mêm kơ Inh, bơngai 'noh kư̆m ưh kơ trŏ wă tơbôl hăm Inh mơ̆n.

Mathiơ 6:24

“Minh 'nu đĭch ưh kơ gơh jang kơ 'bar 'nu yŏng ôh, hli kơ sư 'mêm kơ yŏng âu, areh kơ yŏng to; chu yom kơ yŏng to, pơjăm pơjuă yŏng âu. Na mŭk tơmam kư̆m dang pơm yŏng mơ̆n. Dah iĕm băt 'mêm kơ 'Bok Kei-Dei Yŏng iĕm tơpă lei iĕm ưh kơ 'mêm kơ dôm mŭk tơmam tơ ala teh âu ôh.

Jang 4:19

Mă-lei bre Pêtrôs păng Yôhan pơma tơwih kơ sư thoi âu: “Iĕm tơchĕng lăng deh, 'Bok Kei-Dei athei nhi chu kơ iĕm dah athei chu kơ Sư đĕch?

Jang 5:29

Pêtrôs tơl tang lu bôl sư: “Nhôn athei chu Kră Yang 'Bok Kei-Dei đĕch, nhôn ưh kơ wă chu kon bơngai ôh.

Both 7:5

Mă-lei 'nâu iĕm athei pơm kơ lu sư: Pơrăm lê̆ lu chơnang soi, teh pơchah lê̆ lu gơ̆ng pơm yang lu sư păng athei kăl tơpăk lê̆ yang Asêrim păng soh pơđĭ rup yang đơ̆ng sư man dah traih.

Lu 2:11

Kơplah noh lu bơngai Isơrael pơm kơnê̆ 'bơ̆t anăp Kră Yang, kơkuh kơ lu rup yang Baal

Lu 3:7

Kon pơlei Isơrael pơm tơdrong kơnê̆ 'bơ̆t anăp Kră Yang, hiơt kơ Kră Yang 'Bok Kei-Dei lu sư, bơ̆jang kơkuh kơ rup yang Baal păng yang Asêrôt.

Lu 6:26

Đơ̆ng noh ih athei man minh pơm chơnang soi kơ Kră Yang 'Bok Kei-Dei ih, tơ kơpal tơmo 'nâu kiơ̆ thoi đei pơkă boih. Đơ̆ng noh rôp bĕ kon rơmo dăm mă 'bar, pơm tơmam soi 'buh pơyơ̆r. Iŏk 'long gơ̆ng Sêra noh pơm ŭnh 'buh tơmam soi.