Lu 20:26 - Sơ̆p Hlabơar Nơ̆r 'Bok Kei-Dei

²⁶ Đĭ-đăng lu bơngai Isơrael, tŏk năm truh tơ pơlei Bethel, nhơ̆m dơ̆ng 'bơ̆t anăp Kră Yang ơ̆t kơ sŏng sa năr noh dĭng truh kơmăng, păng lu sư pơyơ̆r tơmam soi 'buh, pơyơ̆r tơmam soi apinh mơnat đơ̆ng Kră Yang.

Lu 20:26 ပူးပေါင်းရင်းမြစ်များ

Bl 28:19

na sư krao anăn anih âu Bethel;b tơplih anăn pơlei Lus.

II Sam 3:35

Đơ̆ng noh đĭ-đăng lu sư năm jê̆ tơ Đawit, pơlung pơlŭt sư sa 'biơ̆ 'bĕng tŏ sĕt adrol kơ 'năr mơ̆t. Mă-lei Đawit pơkăm khan: “Tơdah adrol kơ 'năr mơ̆t inh đei sa minh pôm 'bĕng dah tơmam sa kiơ nai, apinh Kră Yang 'Bok Kei-Dei phak inh mă trăp.”

II Ho 20:3

Jêhôsaphat hli, na hơmet jơhngơ̆m sư chă Kră Yang, na kư̆m roi tơbăt jơ̆p kơ dêh char athei ơ̆t kơ sŏng sa.

Esơra 8:21

Tơ jê̆ đak krong Ahawa, inh athei đĭ-đăng ơ̆t kơ sŏng sa, wă kơ bơ̆n drap kơkuh 'bơ̆t anăp Kră Yang 'Bok Kei-Dei lu bơ̆n, krao apinh sư tơ'bôh ăn kơ bơ̆n kon sâu lu bơ̆n păng tơmam bơ̆n đei hiôk-hian kơplah bơ̆n yak rok trong.

Je 36:9

Lăm khei tơsĭn sơnăm mă pơđăm chăl Jêhôiakim kon drŏ-nglo Jôsia pơtao đe Juđa, đĭ-đăng kon pơlei oei lăm Jêrusalem păng đĭ-đăng kon pơlei đơ̆ng pơlei nai dơ̆ng lăm char Juđa, năm tơ pơlei Jêrusalem, pơm giĕng ơ̆t kơ sŏng sa 'bơ̆t anăp Kră Yang.

Jôel 1:14

Hơmet bĕ kơ tơdrong ơ̆t kơ por, krao akŭm tơpôl lơ. Akŭm bĕ lu kră păng đĭ-đăng lu kon pơlei pơla lăm teh đak năm tơ hnam Kră Yang 'Bok Kei-Dei lu iĕm, păng krao apinh bĕ Kră Yang!

Jôsuê 24:1

Jôsuê krao akŭm đĭ adrĕch adrung Isơrael tơ Sichem. Sư krao akŭm đĭ lu kră pơgơ̆r, lu kră sek tơlang păng lu yŏng pơgơ̆r linh; lu sư akŭm đĭ 'bơ̆t anăp Kră Yang 'Bok Kei-Dei.

Jôsuê 7:6

Jôsuê hek ao sư kơdih, sư păng lu kră pơlei Isơrael, drap tơ teh kŭp kơ̆l 'bơ̆t anăp Hom Kră Yang truh tơ kơsơ̆ măng păng chup 'mui teh klă 'bĕnh kơ kơ̆l lu sư kơdih.

Lu 20:18

Bơngai Isơrael tŏk tơ pơlei Bethel krao khan apinh Kră Yang 'Bok Kei-Dei: Lăm lu nhôn bu wă năm blah bơngai Bênjamin adrol? Kră Yang tơl: Bơngai Juđa tŏk tơblah adrol.

Lu 20:23

Lu bơngai Isơrael tŏk nhơ̆m hmoi 'bơ̆t anăp Kră Yang, truh tơ kơmăng hloi. Lu sư krao apinh Kră Yang: Lu nhôn wă tơblah dơ̆ng ưh hăm lu 'nhŏng oh nhôn bơngai Bênjamin? Kră Yang tơl: Lu iĕm năm blah lu sư bĕ.

Lu 20:25

Lu bơngai Bênjamin lĕch đơ̆ng pơlei Gibêah, lu sư năm blah lu bơngai Isơrael, pơlôch mơjĭt-tơhngam rơbâu 'nu kon pơlei Isơrael dŏng, 'noh tă tơ lu bơngai gơh hơgei kơ chĕp khêl đao gưm ngăl.

Lu 21:2

Đơ̆ng noh lu kon pơlei năm tơ pơlei Bethel hơ-oei tơ noh 'bơ̆t anăp Kră Yang 'Bok Kei-Dei Kră Yang truh tơ kơsơ̆ măng, nhơ̆m hmoi ôr hơdrĭ dêh.

Lu 21:4

Pơgê năr đơ̆ng rong lu kon pơlei pơla iung đơ̆ng hrôih pơm minh pơm chơnang soi păng pơyơ̆r tơmam soi 'buh păng pơyơ̆r tơmam soi 'blŏk bơnê.

I Sam 11:4

Thoi noh lu bơngai đei wơh ei năm tơ Gibêah, pơlei đe Sôl, roi dôm nơ̆r ei ăn kơ kon pơlei pơla kơtơ̆ng. Đĭ-đăng kon pơlei nhơ̆m ôr.

I Sam 7:6

Lu sư akŭm đĭ tơ Mispa, chhŏ đak păng tuh đak noh 'bơ̆t anăp Kră Yang. Lăm năr noh lu sư ơ̆t kơ sŏng sa păng tơbral: Lu nhôn đei pơm yoch hăm Kră Yang. Samuel pơgơ̆r păng pơm 'bok sek tơlang kơ bơngai Isơrael.