Lu 19:30 - Sơ̆p Hlabơar Nơ̆r 'Bok Kei-Dei

³⁰ Đĭ-đăng bơngai 'bôh tơdrong 'noh hlĭch hlăch păng khan: Đơ̆ng năr kon pơlei Isơrael lĕch đơ̆ng dêh char Êyiptơ truh tơ dang ei ưh tam đei bu pơm păng 'bôh tơdrong truh thoi âu! Bơ̆n athei tơchĕng lăng, pơma pơđâu băl lăng bơ̆n gô pơm thoi yơ?

Lu 19:30 ပူးပေါင်းရင်းမြစ်များ

Tơdrông Pơđơk 11:14

Ưh kơ đei bơtho tơ'bôh lu kon pơlei gô huŏng, Mă-lei tơdah đei bơngai pơđâu chă đon kon pơlei kĕ jei.

Tơdrông Pơđơk 13:10

Tơdrong pơang lĕch tơdrong pơjah; Gah tơdrong hơgei oei lăm bơngai băt mơ̆ng đe bơtho khan.

Tơdrông Pơđơk 15:22

Tơdă ưh kơ chă đon pơđâu, tơdrong ih wă pơm gô hiong; Mă-lei tơdah đei đon lơ pơđâu chơchă tơdă wă pơm gô jing.

Tơdrông Pơđơk 20:18

Đơ̆ng bơtho tơ'bôh na chă đon gơh kơjăp. Năm tơblah athei đei đon pơgơ̆r hơgei.

Tơdrông Pơđơk 24:6

Ih athei đei chă đon hlôh wao na năm tơblah. Gô jei jơnei tih dah ih đei lơ bơngai bơtho tơ'bôh.

Hôsia 9:9

Khŭl Isơrael pơ̆k huŏng răm jrŭ dêh tơpă lăm tơdrong kơnê̆, kư̆m dang tơdrong kơnê̆ lăm pơlei Gibêah. Kră Yang gô 'blŏk kơ tơdrong kơnê̆ lu sư, na gô phak pơbral lu sư yua kơ tơdrong yoch lu sư.

Lu 20:7

Dang ei, ơ đĭ-đăng bơngai Isơrael, lu 'nhŏng oh athei khan bĕ lu bơ̆n wă pơm thoi yơ kơ tơdrong âu.