Lu 18:28 - Sơ̆p Hlabơar Nơ̆r 'Bok Kei-Dei

²⁸ Ưh kơ đei bu dŏng pơklaih pơlei Lais, yua kơ lu sư oei ataih đơ̆ng pơlei Siđôn, păng lu sư kư̆m ưh kơ đei mơ̆t lĕch hăm đe bu nai: Pơlei noh oei lăm thŭng jê̆ Bet Rêhôp. Bơngai Đan pơjing tơiung dơ̆ng pơlei Lais păng oei tơ noh hloi:

Lu 18:28 ပူးပေါင်းရင်းမြစ်များ

II Sam 10:6

Kon pơlei Ammôn băt kơ lu sư pơm wă kơ Đawit blĕk, na wơh bơngai năm mưng iŏk kon pơlei Siri oei tơ pơlei Bêtrêhot păng tơ Sôba dang 'bar-jĭt rơbâu 'nu linh, na mưng iŏk đơ̆ng pơtao Maaka minh-rơbâu 'nu linh, păng mơjĭt-'bar rơbâu 'nu bơngai đơ̆ng pơlei Top.

II Sam 14:6

Inh đĭch đam ih. Inh đei 'bar 'nu kon drŏ-nglo; bre sư tơteh tơtôn băl tơ chŭn tơ mir, ưh kơ đei bơngai bu plah, na bơngai âu teh bơngai to lôch.

II Sam 24:6

Lu sư truh tơ tơring Gileat, năm rok tơpăt hlôi kơ teh đak bơngai Tahtim, truh tơ pơlei Hôsi pơlei Đan Jaan đơ̆ng noh dăr brŏk tơ pơlei Siđôn.

Horiso 50:22

Thoi noh, ơ lu bơngai hiơt kơ Kră Yang 'Bok Kei-Dei, lăng bĕ tơdrong 'nâu. Inh gô hek pơrăm ih, ưh kơ đei bu dŏng ôh.

Horiso 7:2

Kơnh lu sư hek sa inh thoi dăm-brang, păng hek hơđah lê̆ akâu inh ưh kơ đei bu dŏng inh.a

Êsai 23:12

Sư khan: “Ơ kon adruh 'nao iung pơlei Siđôn mă đe tơrôp bơih, ih ưh pă đei chơt hiôk dơ̆ng bơih, iung bĕ ih yak năm tơ dêh Kitim, tơ noh ih kư̆m ưh kơ đei pơdơh hiôk ôh!

Êsai 23:4

Ơ Siđôn mơlâu bĕ! Yua kơ đak dơsĭ khan bơih anih kơjăp mă lu iĕm gơnang lăm đak dơsĭ đei pơma bơih: “Inh tam đei anăp kư̆m tam đei layơ tơpŭ; kư̆m tam đei rong kon tơdăm dah kon adruh.”

Jo 13:21

Thoi noh na lu đe noh năm chop dăr lăng dêh char, iŏk đơ̆ng char glă Yin truh tơ Rêhôp, jê̆ 'măng jang Hamat.

Jôsuê 11:8

Kră Yang jao lu sư lăm tơpang ti bơngai Isơrael. Jôsuê păng đĭ-đăng lu linh blah drŭt lu sư truh tơ pơlei tih Siđôn, Mitrêphôt-Maim păng tơ pŭng-lŭng Mispa tơ gah hơlĕch, na pơlôch lu sư, ưh pă đei lê̆ bu oei arih.

Jôsuê 19:28

Gah pơlei Adôn, Rêhôp, Hammôn păng Kana, truh tơ pơlei tih Siđôn.

Lu 18:1

Kơplah 'noh ưh kơ đei pơtao lăm dêh Isơrael, ưh kơ đei pơtao lu adrĕch Đan oei năm chă teh, anih oei jang sa, yua kơ đơ̆ng sơ̆ truh dang ei, lăm dôm lu adrĕch Isơrael, bơngai Đan âu ưh tam mă đei teh, anih jang sa 'bơ̆t yơ.

Lu 18:29

Lu sư krao anăn pơlei noh Đan, kiơ̆ anăn 'bok sư, Đan kon drŏ-nglo Isơrael; đe krao pơlei 'noh sơ̆ Lais.

Lu 18:7

Pơđăm 'nu noh sư yak năm truh tơ pơlei Lais, lu sư 'bôh kon pơlei pơla tơ noh oei sa rơnŭk rơnua thoi lu kon pơlei Siđôn, oei hơđơ̆ng hiôk-hian păng oei jơnap lăm teh đak ưh kơ đei tơmam kiơ khăi? Lu sư oei ataih đơ̆ng pơlei Siđôn, kư̆m ưh kơ đei tơdrong kiơ hăm bơngai nai.