Lu 16:24 - Sơ̆p Hlabơar Nơ̆r 'Bok Kei-Dei

²⁴ Wă kon pơlei 'bôh Samsơn, lu sư bơnê ư-ang kơ yang lu sư: Yang lu bơ̆n pơjao boih bơngai ayăt kơ bơ̆n, bơngai mă pơrăm chŭn mir lu bơ̆n păng đei pơlôch ưh kơ băt dôm yơ bơngai bơ̆n.

Lu 16:24 ပူးပေါင်းရင်းမြစ်များ

I Ho 10:9

Lu sư iŏk tơmam Sôl, chơ̆ng iŏk kơ̆l sư, iŏk tơmam tơblah sư, na lu sư wơh bơngai năm jơ̆p-jang dêh Philistin, roi tơbăt ăn kơ lu rup yang păng kon pơlei sư.

Horiso 97:7

Pơm bĕ kơ đĭ-đăng lu bơngai kơkuh kơ rup yang mơlâu. Lu gơnang kơ rup yang tơdrong kơ đei. Ơ lu yang, kơkuh bĕ kơ Kră Yang.

Êsai 37:20

Ơ Kră Yang, Kră Yang 'Bok Kei-Dei lu nhôn, dang ei apinh Ih dŏng pơklaih lu nhôn đơ̆ng ti Senakêrip, wă kơ rim teh đak băt kơ minh Ih đĕch Kră Yang!

Êsêkiên 20:14

Mă-lei yua kơ anăn Inh, Inh pơm wă kơ anăn Inh đe huay kơ pơm pơ'mê̆ 'bơ̆t anăp lu kon pơlei nai, 'bơ̆t anăp kon pơlei mă 'bôh Inh chông tơlĕch lu sư.

Da 5:23

Mă-lei pôk kơdih akâu blah Kră Yang kơpal plĕnh păng iŏk pơđĭ lu kơchŏk pơnhan hu maih đơ̆ng hnam akŭm Kră Yang păng yua huch tơdrô hơdai hăm lu yŏng lăm hnam pơtao, lu akăn tơm, akăn kơnhŏng pơtao. Pơtao kư̆m kơkuh kơ rup yang pơm păng hu păng maih păng kong păng mam păng 'long păng tơmo; lu yang mă đei măt mă ưh kơ gơh 'bôh, đei đon mă ưh kơtơ̆ng ưh kơ băt kiơ păng pơtao ưh kơkuh kơ Kră Yang 'Bok Kei-Dei Sư boih Yang Tơ'ngla mă chĕp tơdrong arih păng tôm lu trong gơlong pơtao pơm.

Da 5:4

Thoi noh lu sư huch tơdrô păng drap kơkuh bơnê kơ rup yang đe man păng maih păng hu păng kong păng 'long păng bơsei păng tơmo.

Habakuk 1:16

Yua kơ thoi noh, sư soi sơmah kơ hơnhuăl sư păng soh nhang pơgang 'bâu phu kơ jal sư, yua kơ đơ̆ng jal noh na lu sư đei phĭ bek 'lơ̆ng sŏng sa rơkah rơkai.

Both 32:27

Mă-lei hli kơ lu bơngai ayăt noh pơjăm, Păng lu bơngai ayăt hlôh hơwơ̆l khan: Đơ̆ng tơpang ti lu nhôn mă đei jơnei tih Kră Yang ưh kơ pơm kiơ lăm tơdrong noh!

Tơdrông Tơ'bôh 11:10

Đĭ-đăng bơngai ưh kơ lăp đon kơ bre sư, khan bre sư pơjĭ jơhngơ̆m đon đe. Na lăp đe 'bôh bre sư lôch boih, đĭ rim măt bơngai 'nă hal ngôi pơchơt dih băl, pơm chă tơăn băl tơmam.

Lu 15:14

Lăp lu sư truh tơ tơring Lêhi, kon pơlei Philistin lĕch tơ 'nguaih lu sư jreo ôr wă sơng iŏk Samsơn, na đei yang bơhngol Kră Yang jur oei hơdai sư hăm pơm kơ sư pran na tơlei giĕn đêl đe chô̆ ti sư 'noh nhen thoi brai ŭnh sa kơtĕch đĭ, hloi đơ̆ng ti sư.

Lu 15:16

Đang kơ 'noh Samsơn sư khan: Hăm minh pôm kơting kang aseh iĕ bri đĕch inh teh bơngai lôch lơ rơkhŭl rơkhăl măl; hăm minh pơm kơting kang aseh iĕ bri đĕch inh đei pơlôch boih minh-rơbâu 'nu bơngai.

Lu 15:8

Sư iung bruh păng teh pơlôch đei lơ bơngai, na Samsơn jur oei tơ lăm hơgơp tơmo lăm pơlei Êtam.

Lu 16:25

Wă jơhngơ̆m lu sư hiôk chơt, lu sư ôr re khan: Hơtŏk Samsơn tơ âu bĕ, wă kơ sư pơpơm pơchơt kơ lu bơ̆n. Lu sư dui Samsơn lĕch đơ̆ng lăm hnam bơnă, na Samsơn pơpơm pơchơt 'bơ̆t anăp kon pơlei pơla. Lu sư ăn kơ Samsơn dơ̆ng 'bơ̆t tŏk-bŏk lu jrăng hnam đe akŭm.

I Sam 31:9

Lu sư kăt kơ̆l Sôl iŏk tơmam tơblah sư păng roi tơbăt ăn tơdrong 'lơ̆ng âu kơ jơ̆p-jang lăm dêh kon pơlei bơngai Philistin, lăm lu hnam kơkuh kơ rup yang lu sư păng lăm đĭ-đăng kon pơlei pơla sư.