Lu 16:20 - Sơ̆p Hlabơar Nơ̆r 'Bok Kei-Dei

²⁰ Drŏ-kăn ei khan: Ơ Samsơn bơngai Philistin năm blah rôp ih. Sư iung khan: Inh gô lĕch klaih hlôi thoi brei mơsơ̆ păng inh gô klaih đơ̆ng ti lu sư. Mă-lei sư ưh kơ băt ôh Kră Yang lĕch jăk đơ̆ng sư boih.

Lu 16:20 ပူးပေါင်းရင်းမြစ်များ

II Ho 15:2

Sư năm tơ'bơ̆p Asa păng khan: “Ơ Asa, păng đĭ bơngai Juđa hăm bơngai Bênjamin, mơ̆ng bĕ nơ̆r inh; lu iĕm oei hơdai hăm Kră Yang dang yơ, Kră Yang oei hơdai iĕm dang noh. Tơdah lu iĕm chă Sư lu iĕm gô tơ'bơ̆p, mă-lei tơdah lu iĕm achăng lê̆ Sư, na Sư kư̆m gô achăng lê̆ lu iĕm.

Êsai 42:24

Bu jao lê̆ Jakôp ăn đe plah iŏk, păng lê̆ lu bơngai Isơrael ăn kơ đe tơtông? Ưh kơ trŏ Kră Yang Tơ'ngla mă lu bơ̆n pơm yoch hăm Sư hă? Lu sư ưh kơ wă yak kiơ̆ trong Kră Yang păng ưh kơ wei răk khôi juăt Sư?

Hôsia 7:9

Bơngai tơmoi tơhiong lê̆ boih tơdrong pran kơtang lu sư, mă-lei lu sư ưh kơ băt tơdrong noh! Kơ̆l lu sư đĭ sŏk ko boih, mă-lei lu sư ưh kơ 'bôh.

Jo 14:9

Lăp kơ bơ̆n 'nĕ kơ hil blah Kră Yang; păng kư̆m 'nĕ kơ hli kơ lu kon pơlei lăm char noh, yua kơ lu sư jing thoi tơmam sa bơ̆n boih, ưh pă đei bu tơgŭm lu sư kĕ blah bơ̆n dơ̆ng păng 'nĕ pă hli Kră Yang oei gah bơ̆n.

Mathiơ 17:16

Inh năm apinh ră boih tơ lu bơngai pơhrăm păng Ih, mă-lei lu sư ưh kơ gơh pơklaih.”

Mathiơ 17:20

Yêsu khan: “'Noh yua kơ tơdrong lui iĕm oei rơdu iĕ. Inh khan kơ iĕm tơpă, mă khan tơdrong lui iĕm rơdu iĕ tŏ găr sơ'bei dah sư rai wơ̆ thoi găr sơ'bei chăt kơjung lei iĕm gơh pơm tôm tơdrong nai hai. Pơtih gia iĕm sơkat kơ kông âu khan thoi âu: Ơ kông, hiŏng jăk kơdih tơ nai, na sư hiŏng hloi kơdih tơ nai.”

II Kor 3:5

Dôm tơdrong noh ưh kơ sĭ đơ̆ng akâu nhôn gơh pơm ôh, yua kơ akâu nhôn kơdih ưh kơ gơh pơm minh tơdrong kiơ. Tôm tơdrong lu nhôn gơh pơm noh đơ̆ng 'Bok Kei-Dei ăn ngăl.

Both 32:30

Tơdah Kră Yang Tơmo Tih ưh kơ đei tĕch lu sư, kư̆m ưh kơ jao lu sư kơ lu bơngai ayăt, pơm liơ lăp minh 'nu đĕch gơh druh puh lê̆ minh-rơbâu 'Bar 'nu gơh druh mơjĭt-rơbâu 'nu kơdâu?

Jôsuê 7:12

yua kơ thoi noh, kon pơlei Isơrael ưh kơ kĕ tơblah hăm lu bơngai ayăt kơ lu sư ôh, lu sư kơdŭn tơ rŏng kơdâu ôn, pơm kơdih pŭ iŏk tơdrong pơlôch pơrăm. Tơdah lu iĕm ưh kơ đei pơrăm lê̆ tơmam đe trŏ kơ pơyơ̆r pơrăm noh đơ̆ng lăm lu iĕm, lei Inh ưh pă đei oei hơdai lu iĕm boih.

Lu 16:14

Đelila gô Samsơn tep iŏk tơpơh dăng 'monh sŏk Samsơn tanh kơjăp hơdai hăm 'long wai; đang kơ 'noh sư krao: Ơ Samsơn bơngai Philistin wă blah rôp ih, mă-lei sư iung râp hloi 'long wai hăm pơdŭng kơtĕch hloi brai mă tanh hăm sŏk.

Lu 16:19

Drŏ-kăn ei pơlung Samsơn tep hơgơn 'bơ̆t blu sư, krao bơngai hơkôih lê̆ tơpơh dăng 'monh sŏk đơ̆ng kơ̆l Samsơn; drŏ-kăn âu pơm kơ Samsơn gleh lap, tơdrong pran sư lĕch đơ̆ng lăm jơhngơ̆m sư.

Lu 16:21

Lu bơngai Philistin rôp sư, kuek 'bar pah măt sư, chông ba sư năm tơ pơlei Gasa, chô̆ sư hăm tơlei glang kong 'bar pah, phak sư ot, tơpăl peh hơ'bo lăm hnam bơnă.

Lu 16:3

Mă-lei Samsơn tep tơ noh truh tŏk-bŏk măng, sư iung, sư buch tôi ba tơ hơngiĕng sư hloi 'bar pah 'măng dur păng 'bar tŏ jrăng, chĕp ba tơ kơ̆l kông tơklă Hêbrôn.

Lu 16:9

Na đei lu bơngai drŏ-nglo oei răp lăm hnam, drŏ-kăn ei krao: Ơ Samsơn, lu bơngai Philistin wă năm rôp ih. Mă-lei wă Samsơn tơdrŏ pơpơ̆ lu tơlei 'noh kơtĕch đĭ nhen thoi brai 'bơm ŭnh; thoi noh tơdrong pran sư 'noh ưh kơ đei bu băt đơ̆ng yơ.

I Sam 16:14

Yang Bơhngol 'Lơ̆ng Kră Yang lĕch đơ̆ng Sôl; Kră Yang wơh minh 'nu yang kơnê̆ pơm kơ đon sư hơwơ̆l hơwang hli tơrơ.

I Sam 18:10

Năr đơ̆ng rŏng, Kră Yang 'Bok Kei-Dei ăn Yang kơnê̆ mơ̆t lăm Sôl; sư hli tơrơ pơma kư̆ kă lăm hnam sư, thoi bơngai wơnh, na Đawit reh brŏ thoi krô hmă. Sôl chĕp minh hlak tơju tơ ti sư.

I Sam 18:12

Sôl hli kơ Đawit, yua kơ Kră Yang oei hơdai hăm Đawit, na achăng lê̆ sư.