Lu 15:15 - Sơ̆p Hlabơar Nơ̆r 'Bok Kei-Dei

¹⁵ Sư 'bôh kơting kang aseh iĕ bri 'nao lôch; sư dônh chĕp kơting kang aseh noh teh pơlôch minh-rơbâu 'nu bơngai Philistin.

Lu 15:15 ပူးပေါင်းရင်းမြစ်များ

II Sam 23:8

'Nâu anăn lu bơngai nuih kơtang Đawit: Jôsep Basêbêt, bơngai Tahkêmôn, chĕp kơ̆l lu bơngai nuih kơtang. Đe kư̆m krao sư Ađinô, bơngai Êsen, sư pơlôch tơhngam-hrĕng 'nu bơngai lăm minh 'măng.

Lêwi 26:7

Lu iĕm gô druh lu bơngai ayăt kơ lu iĕm, na lu sư gô pơ̆k lôch kơ đao hơlă 'bơ̆t anăp lu iĕm.

Lêwi 26:8

Pơđăm 'nu lăm lu iĕm gô druh minh-hrĕng 'nu, minh-hrĕng lăm lu iĕm gô druh mơjĭt-rơbâu 'nu, đơ̆ng noh lu ayăt kơ iĕm gô pơ̆k lôch kơ đao hơlă 'bơ̆t anăp iĕm.

Hêbrơ 11:34

Mă đe tah sư tơ lăm pla ŭnh tih, ŭnh huay kơ sa sư ôh. Đe wă koh pơlôch sư tơpă boih, mă-lei đei 'Bok Kei-Dei tơdŏng. Hơdrol lu sư tơrăn, đơ̆ng rŏng lu sư jing pran, blah pơpuh tŭk lu linh dêh đe mă ayăt kơ lu sư.

Jôsuê 23:10

Minh 'nu lăm lu iĕm gơh pơpuh rơbâu 'nu ayăt; yua kơ Kră Yang 'Bok Kei-Dei lu iĕm tơblah ăn kơ lu iĕm, thoi Sư đei pơkă boih.

Lu 15:16

Đang kơ 'noh Samsơn sư khan: Hăm minh pôm kơting kang aseh iĕ bri đĕch inh teh bơngai lôch lơ rơkhŭl rơkhăl măl; hăm minh pơm kơting kang aseh iĕ bri đĕch inh đei pơlôch boih minh-rơbâu 'nu bơngai.

Lu 15:17

Lăp đang kơ sư pơma thoi noh, sư klơ̆m hŭt hloi kơting kang aseh iĕ bri 'noh; đe krao hloi anăn anih 'noh Ramat Lêhi.a

Lu 3:31

Đơ̆ng rŏng kơ Êhut đei Samgar, kon drŏ-nglo Anat, sư yua minh tŏ 'long sơnguĕt suĕng đe puh rơmo na teh pơlôch tơdrâu-hrĕng 'nu bơngai Philistin na sư dŏng pơklaih lu bơngai Isơrael.

Lu 4:21

Đơ̆ng noh Sisêra tep hiơt, yua kơ lap dêh. Jăl akăn Hêber iŏk minh pơm 'long hơdrơ̆ng pơm bơsŭn na ti sư chĕp mut yak hơdar hơdeh năm jê̆ na pơ̆ng 'bơ̆t tơ'ngăp sư, klĕch hlôi truh tơ teh Sisêra lôch hloi, kơtă.

Lu 7:16

Sư klah asong pêng-hrĕng 'nu bơngai noh pơm pêng khŭl, sư asong ăn kơ rim 'nu bơngai linh chĕp tơgiĕp păng bơ̆i hoh lăm noh tah minh hơchô̆ hơpaih wă tơ̆k.

I Sam 14:14

'Bơ̆t tơblah 'măng blŭng 'nâu, bre Jônathan pơlôch dang 'bar-jĭt 'nu, lăm anih teh să dang pêng-hrĕng tơdrâu-jĭt hlŏk wơ̆t tor.

I Sam 14:6

Jônathan khan hăm bơngai chĕp tơmam tơblah sư: Bĕ ba khŏm năm truh tơ kơđông lu bơngai ưh kơ kăt tơdra akar 'noh.c Băt Kră Yang gô tơgŭm kơ ba; ưh kơ đei tơdrong kiơ găn Kră Yang ăn kơ jei bơ̆n mă bơ̆n tŏ sĕt dah lơ.