Lu 14:19 - Sơ̆p Hlabơar Nơ̆r 'Bok Kei-Dei

¹⁹ Kơplah 'noh yang bơhngol Kră Yang jur năm jur oei hăm sư lăm tơdrong pran. Sư jur năm tơ pơlei Askalon pơlôch pêng-jĭt 'nu bơngai pơlei noh na plôh iŏk pêng-jĭt blah ao lu sư na, apah ăn kơ lu bơngai tơlang trŏ nơ̆r pơpơn 'noh hei. Đơ̆ng noh lăm jơhngơ̆m sư blĕk dêh nhen thoi ŭnh, sư wih brŏk tơ hnam 'bă sư.

Lu 14:19 ပူးပေါင်းရင်းမြစ်များ

Lu 1:18

Bơngai Juđa kư̆m blah iŏk pơlei Gasa hăm anih teh mă sư pơgơ̆r pơlei Askalon hăm anih teh mă sư pơgơ̆r păng pơlei Ekrôn hăm anih teh mă sư pơgơ̆r.

Lu 13:25

Yang bơhngol 'lơ̆ng Kră Yang pơih ăn kơ jơhngơ̆m sư pran kơplah sư oei tơ lăm tơring Mahaneh Đan sơlam pơlei Sôra păng Êstaôl.

Lu 14:18

Truh đĭ tơpơh năr boih adrol kơ 'năr wă mơ̆t, lu bơngai tơdăm lăm kon pơlei năm khan kơ Samsơn na roi tơblang tơdrong pơpơn noh: Đei kiơ mă 'ngam hloh kơ đah sut? Đei kiơ mă pran hloh kơ dăm-brang? Samsơn tơl khan: Tơdah lu iĕm ưh kơ choh rơuơ hăm rơmo adruh inh, lei lu iĕm ưh kơ gơh ôh tơlang nơ̆r inh pơpơn.

Lu 14:6

Yang bơhngol 'lơ̆ng Kră Yang jur oei hơdai sư hăm tơdrong pran. Sư rôp hek hơđah kon dăm-brang nhen thoi hek kon bơbe hăm ti sư; mă-lei sư ưh kơ đei roi kơ mĕ 'bă sư băt ôh tơdrong sư đei pơm.

Lu 15:14

Lăp lu sư truh tơ tơring Lêhi, kon pơlei Philistin lĕch tơ 'nguaih lu sư jreo ôr wă sơng iŏk Samsơn, na đei yang bơhngol Kră Yang jur oei hơdai sư hăm pơm kơ sư pran na tơlei giĕn đêl đe chô̆ ti sư 'noh nhen thoi brai ŭnh sa kơtĕch đĭ, hloi đơ̆ng ti sư.

Lu 3:10

Yang bơhngol 'lơ̆ng Kră Yang jur tơ Ôtniêl na sư jing bơngai sek tơlang Isơrael lĕch năm tơblah. Na Kră Yang pơjao Kusan Risathaim, pơtao Aram lăm ti sư na sư blah Kusan Risathaim jei sư.

I Sam 11:6

Lăp Sôl kơtơ̆ng tơdrong noh, sư đei Yang Bơhngol đơ̆ng Kră Yang 'Bok Kei-Dei pơtrŭt sư păng sư hil blĕk ơh dêh.

I Sam 6:17

'Nâu pơđăm tŏ rup pơtôch pơm hăm maih bơngai Philistin pơyơ̆r ăn kơ Kră Yang pơm tơmam soi huai yoch dơ̆ng glăi. Minh pơm kơ pơlei Asdôt, minh pơm kơ pơlei Gasa, minh pơm kơ pơlei Askalon, minh pơm kơ pơlei Gat, minh pơm kơ pơlei Ekrôn.

I Sam 6:4

Lu sư jet: Tơmam soi yă kiơ lu nhôn pơyơ̆r kơ Kră Yang wă kơ huai iŏk đơ̆ng tơdrong glăi? 'Bok soi păng lu bơngai pơjâu tơl khan: Pơđăm tŏ rup pơtôch pơm păng maih păng pơđăm tŏ kơne pơm păng maih, kiơ̆ kơ kơsơ̆ yŏng pơgơ̆r bơngai Philistin, yua kơ đĭ-đăng lu iĕm păng lu yŏng pơgơ̆r kư̆m đei tơdrong gleh truh lei-lăi ngăl.