Lu 11:34 - Sơ̆p Hlabơar Nơ̆r 'Bok Kei-Dei

³⁴ Wă Jeptha brŏk tơ hnam sư tơ pơlei Mispa na đei kon adruh sư lĕch năm sơng sư, chĕp hơgơ̆r iĕ tap suang hloi. Năm sơng sư kon adruh 'noh kon pơm sư; 'nguaih kơ kon adruh sư noh sư ưh kơ đei kon drŏ-nglo dah kon drŏ-kăn nai dơ̆ng.

Lu 11:34 ပူးပေါင်းရင်းမြစ်များ

II Sam 6:14

Wă hơri bơnê kơ Kră Yang, Đawit iŏk hrŭk ao êphot, na suang đĭ jơhngơ̆m chơt hiôk.

Horiso 150:4

Teh bĕ hơgơ̆r chrang păng suang hơri bơnê kơ Sư! Reh brŏ tơlei păng hlôm 'lal, hơri ư-ang kơ Sư.

Horiso 68:25

Lu bơngai hơri yak adrol lu brŏ reh kiơ̆ đơ̆ng rŏng. Tŏk-bŏk đei lu adruh teh hơgơ̆r.

Le 15:20

Miriam mŏ Arôn bơngai drŏ-kăn khan lê̆ adrol păng lu drŏ-kăn dai kiơ̆, đơ̆ng rŏng chĕp hơgơ̆r iĕ suang rah.

Je 31:13

Lu adruh hle chơt hiôk suang pơplŏng, lu tơdăm păng lu kră drŏ-nglo kư̆m wang chơt hiôk; Inh gô tơplih tơdrong ơh sơ'ngon lu sư jing tơdrong chơt hiôk, Inh gô pơlung lu sư ăn kơ lu sư tơdrong chơt hiôk tơplih kơ tơdrong ơh sơ'ngon.”

Je 31:4

Inh gô pơdơ̆ng ming iĕm, na lu iĕm gô đei dơ̆ng, ơ bơngai Isơrael 'lơ̆ng rơgoh Lu iĕm gô iŏk hơgơ̆r iĕ tơdŭ suang thoi sơ̆ hơdai hăm lu bơngai chơt hiôk.

Sa 12:10

“Inh gô tuh Yang Bơhngol tơdrong pŭn hiôk păng tơdrong krao apinh kơ hnam Đawit păng kơ lu kon pơlei Jêrusalem; lu sư gô lăng tơ Inh jơ̆ Kră Yang mă đêl lu sư 'bet boih; păng lu sư gô nhơ̆m hmoi, nhơ̆m hmoi thoi 'mêm kơ kon dăm lôch, lu sư gô oei lăm tơdrong chhŭr nuih, thoi lu bơngai mă đei tơdrong chhŭr nuih ơh sơ'ngon yua kơ kon kơdră lu sư hiong.

Luka 7:12

Lăp Sư wă jê̆ truh tơ 'măng jang Pơlei Nain, Sư tơ'bơ̆p hĭ đe tung bơngai lôch. Bơngai ei sư kon pôm yă adro. Kư̆m đei lơ bơngai kiơ̆ năm 'bŭ bơngai ei.

Luka 8:42

yua kơ kon pôm adruh sư bơlŏ dêh. Kơplah Yêsu oei yak năm tơ hnam sư 'nei, đei lơ bơngai yak hơdai Sư hmĕt hmot Sư.

Luka 9:38

Đei minh 'nu lăm bơngai tơpôl ei pơma re khan kơ Yêsu thoi âu: “Ơ 'Bok Thây, apinh Ih lăng kon pôm inh 'biơ̆ bĕ.

Jôsuê 18:26

Mispa, Kêphira, Mosa,

Lu 10:17

Lu kon pơlei Ammôn akŭm băl pơm kơđông tơ dêh Gileat. Kon pơlei Isơrael kư̆m pơpôi băl, pơm kơđông tơ Mispa.

Lu 11:11

Thoi noh Jeptha năm hơdai hăm lu kră char Gileat. Kon pơlei pơk sư pơm yŏng linh păng wei-lăng pơgơ̆r lu sư. Jeptha pơma dơ̆ng dôm nơ̆r sư pơkă pơkăm noh 'bơ̆t anăp Kră Yang tơ pơlei Mispa.

Lu 20:1

Đơ̆ng 'noh đĭ-đăng lu bơngai Isơrael akŭm băl, đơ̆ng Đan truh tơ Bêrsêba păng đơ̆ng dêh Gileat. Akŭm băl minh jơhngơ̆m đon thoi minh 'nu 'bơ̆t anăp Kră Yang tơ pơlei Mispa.

Lu 21:21

Păng lăng mưh 'bôh lu drŏ-kăn đơ̆ng Silô lĕch hơri suang na lu iĕm athei lĕch hloi đơ̆ng pơgar hơmu 'noh, đơ̆ng noh rim 'nu lu iĕm athei rôp iŏk minh 'nu adruh đơ̆ng pơlei Silô 'noh pơm akăn, păng wih brŏk tơ char Bênjamin.