Lu 1:27 - Sơ̆p Hlabơar Nơ̆r 'Bok Kei-Dei

²⁷ Bơngai Manase ưh kơ gơh puh lê̆ lu kon pơlei oei tơ Bêt Sêan păng pơlei oei jum dăr ưh kơ tam, kon pơlei oei tơ Tanak păng lu pơlei jum dăr kơ sư kư̆m ưh kơ tam, lu kon pơlei oei tơ Đôr păng pơlei oei jum dăr kơ sư, kon pơlei oei tơ Iblêam păng pơlei jum dăr kơ sư, pơlei oei tơ Mêgiđô păng rim pơlei mă sư pơgơ̆r, na sư kư̆m ưh kơ gơh pơpuh lê̆ tơ nai, yua kơ đei lu kon pơlei Kanaan oei tơ lăm lu pơlei ei.

Lu 1:27 ပူးပေါင်းရင်းမြစ်များ

I Pot 9:21

Dôm lu kon sâu sư mă oei arih lăm dêh char mă lu bơngai Isơrael ưh kơ kĕ pơlôch pơđĭ 'noh, na Sôlômôn rôp lu sư pơm đĭch bơ̆jang truh tơ dang ei.

II Pot 23:29

Lăm chăl Jôsia pơgơ̆r, 'bok Pharaôn Nêkô, pơtao đe Êyiptơ năm tơ đak Krong Ơphrat, tơgŭm pơtao đe Asiri tơblah. Na Jôsia năm găn tơblah hăm sư. Mă-lei lăp Pharaôn Nêkô tơ'bơ̆p sư, na pơlôch lê̆ sư tơ pơlei Mêgiđô.

II Pot 9:27

Lăp Ahasia pơtao đe Juđa 'bôh tơdrong noh na kơdâu ôn tơklă Pơlei Bet Hagan. Mă-lei, Jêhu druh 'moi sư păng khan: “Kŭm khŏm prah pơlôch sư mơ̆n.” Na lu sư răp găn prah pơtao Ahasia 'bơ̆t trong kuĕl tơklă pơlei Gur jê̆ Iblêam. Đơ̆ng noh Ahasia kơdâu tơ Pơlei Mêgiđô păng sư lôch hloi tơ noh.

Le 23:32

Ih 'nĕ kơ pơgơ̆p hăm lu sư, dah hăm yang lu sư.

Je 48:10

Hiap bĕ lu bơngai jang kơ Kră Yang mă hơlĕnh pơdăr. Hiap bĕ lu bơngai ưh kơ yua đao gưm sư pơlôch đe!

Both 7:2

Layơ Kră Yang 'Bok Kei-Dei jao lu adrĕch noh kơ iĕm păng iĕm blah pơrăm đĭ lu sư jei iĕm, kơplah noh iĕm athei pơlôch đĭ lu sư, 'nĕ kơ pơgơ̆p hơdai hăm lu sư păng kư̆m 'nĕ kơ mơnat kơ lu sư mơ̆n.

Jôsuê 21:25

Păng iŏk đơ̆ng minh puăt adrĕch Manase, pơlei Tanak păng pơlei Gat Rimmôn păng teh jum dăr kơ pơlei đei tơmăn 'nhĕt, đĭ-đăng 'bar tŏ pơlei.

Lu 1:1

Đơ̆ng rŏng kơ Jôsuê lôch, kon pơlei Isơrael krao apinh Kră Yang khan: Bơngai bu lăm lu nhôn athei năm blah păng kon pơlei Kanaan adrol?

Lu 1:21

Mă-lei kon sâu Bênjamin ưh kơ gơh puh lê̆ kon pơlei Jêbus đơ̆ng pơlei Jêrusalem, na kon pơlei Jêbus oei oei hơdai kon sâu Bênjamin dĭng truh tơ dang ei.

Lu 1:26

Thoi noh lu bơngai noh năm mơ̆t tơ dêh char Hêtit, pơm pơlei oei tơ noh na sư anăn pơlei ei Lus, đe oei krao anăn ei truh tơ dang ei.

Lu 1:28

Dĭng khŭl bơngai Isơrael pran boih, na rôp kon pơlei Kanaan pơgŏ lu sư jang pơmat-tat, mă-lei ưh kơ đei layơ gơh pơpuh đĭ lu sư năm tơ nai.

Lu 5:19

Lu 'bok pơtao năm truh tơblah hloi Lu sư blah lu pơtao Kanaan. Tơ Tanak, jê̆ thong đak Mêgiđô; lu sư ưh kơ đei blah iŏk kiơ, jên dah tơmam!

I Sam 15:9

Sôl păng kon pơlei achăng mơnat kơ Agak, kư̆m ưh kơ đei pơlôch lu sem dơrong mă 'lơ̆ng hloh lăm lu khŭl rơmo dah triu, rong mă bek, kon triu păng dôm lu sem dơrong 'lơ̆ng hloh, mă-lei pơlôch pơđĭ dôm lu kon sem kiơ kơnê̆ păng ưh kơ gĭt.

I Sam 31:10

Lu sư 'măn lê̆ đao Sôl tơ lăm hnam kơkuh kơ Yang Astarôt păng atol atâu sư 'bơ̆t dur pơlei Bêtsan.