Lêwi 8:15 - Sơ̆p Hlabơar Nơ̆r 'Bok Kei-Dei

¹⁵ Môis pơlôch rơmo păng iŏk pham, yua hơnglâu ti sư pik pham noh tơ jum dăr ake chơnang soi wă kơ pơm kơ chơnang rơgoh; đơ̆ng noh tuh pham noh tơ jơ̆ng chơnang soi, thoi noh 'măn lê̆ chơnang soi rơgoh wă soi sơmah huai đơ̆ng yoch tơ noh.

Lêwi 8:15 ပူးပေါင်းရင်းမြစ်များ

II Ho 29:24

na 'bok soi pơlôch lu bơbe tơno noh păng mong pham tơtreh tơ kơpal chơnang soi noh wă pơm tơmam soi huai đơ̆ng yoch kơ đĭ-đăng kơ lu kon pơlei Isơrael, yua kơ pơtao đei athei khan pơyơ̆r tơmam soi 'buh wă huai đơ̆ng yoch kơ đĭ kon pơlei Isơrael.

Êsêkiên 45:20

Lăm năr mă tơpơh lăm khei noh, ih kư̆m athei pơm tơdrong noh kơ lu bơngai pơm yoch hơch 'bơm dah yua kơ ưh kơ hlôh; thoi noh ih gô pơm rơgoh kơ hnam akŭm.

Da 9:24

Đei tơpơh-jĭt 'măng giĕng hơgăt kơ kon pơlei Ih hăm pơlei rơgoh tih Ih, wă găn tơdrong pơm glăi, hŭt lê̆ tơdrong yoch chhut rơgoh tơdrong kơnê̆ păng ba tơdrong tơpăt ling-lang hloi, wă pơsĭt anih tơdrong tơ'bôh păng nơ̆r khan lê̆ adrol păng tuh đak rơmă kơ Yang rơgoh hloh.

Lêwi 1:11

ket pơlôch hloi tơ gah yă-nơ̆m kơ chơnang soi 'bơ̆t anăp Kră Yang. Đơ̆ng noh lu 'bok soi kon drŏ-nglo Arôn gô iŏk pham tơtreh tăp dăr kơ chơnang soi.

Lêwi 1:5

Sư gô 'bet pơlôch rơmo dăm noh 'bơ̆t anăp Kră Yang, na lu 'bok soi kon drŏ-nglo Arôn iŏk pham rơmo pơyơ̆r păng tơtreh tăp dăr kơ chơnang soi 'bơ̆t 'măng Bơsŭn Anih Akŭm.

Lêwi 16:20

Layơ 'bok soi, soi sơmah huai yoch ăn kơ anih 'lơ̆ng rơgoh, kơ Bơsŭn Anih Akŭm, kơ chơnang soi đang boih, lei sư gô pơyơ̆r bơbe tơno oei arih.

Lêwi 3:2

Sư gô dan ti sư tơ kơpal kơ̆l kon rơmo mă sư pơyơ̆r noh na 'bet pơlôch hloi, 'bơ̆t 'măng tơm mơ̆t tơ Bơsŭn Anih Akŭm. Lu 'bok soi kon drŏ-nglo Arôn gô tơtraih pham noh tăp dăr kơ chơnang soi.

Lêwi 3:8

Dan ti sư tơ kơpal kơ̆l kon triu đơ̆ng noh 'bet pơlôch hloi 'bơ̆t anăp 'măng Bơsŭn Anih Akŭm. Lu kon drŏ-nglo Arôn gô tơtraih pham jum dăr kơ chơnang soi.

Lêwi 4:25

'Bok soi gô iŏk pham sem dơrong pơm tơmam soi huai đơ̆ng yoch na tôt hơnglâu ti sư na pik tơ ake chơnang soi gah tơmam soi 'buh păng tuh pham mă oei đei tơ jơ̆ng chơnang soi 'buh.

Lêwi 4:30

'Bok soi gô tôt hơnglâu ti sư tơ lăm pham pik tơ lu ake chơnang soi tơmam soi 'buh păng tuh đĭ pham mă oei đei noh tơ jơ̆ng chơnang soi.

Lêwi 4:7

'Bok soi gô pik pham tơ kơpal lu ake chơnang soi tơmam 'bâu phu lăm Bơsŭn Anih Akŭm 'bơ̆t anăp Kră Yang păng tuh đĭ pham rơmo tơ jơ̆ng chơnang soi tơmam soi 'buh, dan tơ anăp 'măng mơ̆t tơ Bơsŭn Anih Akŭm.

Lêwi 6:30

Mă-lei tơdah tơmam soi wă huai dơ̆ng yoch đe chĕp ba tơ Bơsŭn Anih Akŭm wă soi sơmah huai đơ̆ng yoch lăm anih 'lơ̆ng rơgoh; athei soh lê̆ bĕ.

Jo 8:12

Đơ̆ng noh lu bơngai Lêwi gô dan ti lu sư kơpal kơ̆l 'bar tŏ rơmo dăm noh, na ih athei pơyơ̆r rơmo âu pơm tơmam soi yua kơ tơdrong yoch păng minh pôm dơ̆ng pơm tơmam soi 'buh ăn kơ Kră Yang wă pơm tơmam soi huai tơdrong yoch ăn kơ lu bơngai Lêwi.

Rom 5:10

Kơplah bơ̆n kuă kơ lui kơ 'Bok Kei-Dei, đei Kon Sư Yêsu Krist lôch tang bơ̆n, ăn kơ bơ̆n jing hiôk 'lơ̆ng hăm 'Bok Kei-Dei. Dang ei bơ̆n lui kơ 'Bok Kei-Dei boih na Sư pơklaih lu bơ̆n tơpă, yua kơ Yêsu Krist iung arih đơ̆ng lôch boih.

Êphêsô 2:16

yua kơ Sư lôch tang bơ̆n tơ 'long pơglang ăn đĭ-đăng kơ bơ̆n mă bơngai Juđê, mă bơngai nai gơh hiôk hăm 'Bok Kei-Dei boih. Bơ̆n dang minh akâu đĕch ưh pă layơ wă tơklah băl dơ̆ng.

Hêbrơ 2:17

Sư pơm tôm tơdrong dang kơ 'nhŏng oh tơpă. Sư jang tơdrong 'Bok Kei-Dei pơklaih yoch kon bơngai thoi 'bok soi tih mơnat kơ kon bơngai, na kon bơngai gơnang kơ Sư tơpă.